الموضوع: معقولة سعر السيارة دي كدة؟؟؟

المشاركة الأصلية كتبت بواسطة wolverine1987

للاخ tokankhamoun طلما انت الوحيد اللي اتكلمت عن الموضوع يبقى كلامي رد على كلامك لكنه مش موجه ليك انت شخصيا!

ثانيا انا لما اتكلمت عن ان حد ليه مصلحه اكيد مقصدتكش انت لاني معرفكش و اكيد انت مش مسؤل كبير في الحكومه ولا شخصيه معروفه اللي كلامي كان متوجه ليها (مش ليك) و اللي انت افتكرت انه متوجه ليك و اني بهينك انت شخصيا كده بلا سبب

ثالثا انا عشت خمس سنوات في كانادا (مونتريال) و عارف ان الداون تاون زي (وسط البلد هنا كده) مربوطه بشبكه انفاق تحت الارض اللي حلت نصف مشكله الزحام فيها فانا عارف انا بقول ايه كويس مش جايب كلام من عندنا

و ممكن تجيب جيب شيروكي 2500 سي سي موديل 1999 ب 200 دولار بس :)
و هناك الحسبه مش زي عندنا هناك كل ما السي سي بتاع العربيه ذاد كل ما سعرها قل لأنها مش بتكون اقتصاديه في البنزين فتلاقي السياره الياباني هناك غاليه بالمقارنه لانه بيوفر في الوقود عن اي عربيه تانيا ده ده ذائد ان سمعته كويسه هناك ,يا ترى في اي استفسار تاني :) ؟!

أهلا
بحضرتك و شكرا على الإستدراك
طيب تعالى نتكلم في النقط اللي حضرتك أثارتها
موضوع الأنفاق
أنا مش هاتكلم عن مونتريال لأني عمري ما رحت أمريكا الشمالية نهائي
و لكني لن أخذها كمعيار لأن ظروفهم مختلفة تماما عن ظروف العالم القديم
أنا هاقرن بين مصر و بين أوروبا اللي أنا شخصيا عشت فيها
طيب ليه هانتكلم عن مصر و أوروبا ؟؟؟
علشان الظروف تقريبا متشابه إلى حد بعيد من حيث قدم المدن و قدم التخطيط بعكس أمريكا الشمالية

لندن على سبيل المثال :
نادرا ما تجد كباري علوية مثل مصر و يبنونها في الأماكن الحساسة و التقاطعات الكبيرة فقط لا غير .
الأنفاق اللي حضرتك بتتكلم عليها برضه نفس القصة عمرها ما هاتحل المشكلة
طيب ليه الأنفاق و الكباري عمرهم ما هايحلوا المشكلة
لأنهم مسكنات للمرض و ليسوا أدوية لإزالة أسباب المرض
أسباب المرض معروفة و هي الزحام و التكدس السكاني في مكان صغير و الأزدياد في نفس البقعة الأرضية و تضاعف أعداد السياارت و الناس بالأضافة لغياب النظام من حياة الناس .

طيب نتكلم عن النقطة التانية اللي موضوع أمتلاك السيارة و هل هو مكلف أم لا خارج مصر .
طبعا أمتلاك سيارة في مصر أرخص من أمتلاك سيارة خارج مصر و خصوصا دول أوروبا و أعتقد الولايات المتحدة الأرهابية الصهيونية معاهم .

طيب هل العبرة بثمن السيارة فقط ؟؟؟
طبعا لا
العبرة بمصاريف التشغيل أيضا
يعني أيه مصاريف التشغيل اللي أنا أقصدها

أقصد التأمين الأجباري على السيارة
أقصد الضرائب الخاصة بالسيارة
أقصد ثمن البنزين المرتفع
أقصد ثمن التصليح المرتفع جدا
ناهيك عن إرتفاع تكلفة الركن المؤقت و الدائم في المدن الكبرى كباريس أو لندن أو مانشيستر
بالاضافة لثمن دخول المدينة الكبرى حتى لو كنت تعيش في جزء منها و لكنك محسوب على الضواحي ...

هي دي تكاليف إمتلاك سيارة في أوروبا
إنما في مصر
ثمن العربية + ثمن البنزين و الصيانات و دمتم
و الباقي بقى أختياري و ليس أجباري


طيب أيه هو الحل
الحل زي بلاد العالم المتقدم زي كندا اللي حضرتك وصفت عليها
المواصلات العامة و أقامة خطوط مترو و الأهتمام بالمترو و توصيله لكل مكان و طرف من أطراف المدينة
التوقف عن التوسع في المدن القديمة و تسهيل التوسع في الصحراء و بناء مدن جديدة و عدم اعطاء تراخيص للبناء في المدن القديمة المكتظة أصلا بالسكان مثل القاهرة و الأسكندرية .


و من هنا هانحقق حاجات كتيرة
تقليل الزحام
توفير البترول المستهلك
الحفاظ على البيئة و لنا في سويسرا و فنلندا و النرويج المثال الممتاز لهذا الوضع
توفير السيارات المستهلكة مما يتبه توفير في العملة الأجنبية اللي بنستورد بيها السيارات الأجنبية و قطع غيارها



بمناسبة حسبة سعر السيارة هناك و هنا
هو ثمن السيارة هناك ذا السي السي العالي مرتفع للأسباب السالف ذكرها
الضرائب العالية
سعر البنزين المرتفع

حاليا في مصر السيارات ألأكبر من 1600 سي سي في سوق المستعمل سعرها برضه بينزل دلوقتي جامد بسبب رفع نسبة الضرائب عليها !!!
و السلام عليكم