الموضوع: سؤال عن الكماليات الاضافيه للميجان 2 ؟

المشاركة الأصلية كتبت بواسطة popeto

متشكر يا وحوش الرينو
بس هل ينفع تعديل الكارت و اضافه الانذار عليه ؟

حسب معلوماتى بينفع فى الأنذار اللى بيتباع فى التوكيل.....بس غالى وأنا مش متأكد 100%

المشاركة الأصلية كتبت بواسطة popeto

و سؤال تانى معلش ليه شكل الجنط بيختلف لانى رحت التوكيل و شفت عربيتين كل جنط غير التانى ؟

دى عادى.....الجنوط بتاعت رينو تقريباً فى منها 5 أو 6 أشكال.......كل فترة كانوا بيغيرو الشكل

المشاركة الأصلية كتبت بواسطة eng/muhamad

momo باشا
ايه حكايه الكار كيت ده
و هل سهل تركيبه و ياريت سعره
و لو فى صوره له
معلش هتعبك معايا يا وحش
انا ناوى شترى ميجان و عاوز اروشها
ينفع اركب نيون و لا لا
و ممكن اركبه فى التوكيل و لا بره وشكله هيكون حلو و لا لأ
و الانذار اللى حضرتك بتقول عليه ده غالى اووووووووووى
و بيشتغل على الكارت و لا له ريموت لوحده
و عاوز اركب سرينه فيدرالى تركيبها سهل و لا فى مشاكل
و ايه اخبار العدسات و الرينجات

بص يا باشا
الكاركيت فى منه بيتباع فى التوكيل بس مش عارف بكام ونوعه Parrot من أحسن أنواع الكاركيت الموجودة فى السوق.....وبرضه بيتباع بره وأعتقد أغلى نوع فيه بيبقى فى حدود من 1600 الى 2000 جم......وتركيبه مش هتلاقى فيه مشكلة أن شاء الله.
بالنسبة للنيون....أنا معرفش حد بيبيع نيون أصلاً بس بفرض أن أنت تعرف يبقى أعتقد أنك تركبه عنده أحسن لأن التوكيل هتلاقيهم مش عارفين طريقة تركيبه و لازم يقروا فى المانيوال بتاعه بيتركب أزاى....يعنى هتبقى قصة.....ده بأعتبار أنهم وافقوا أصلاً أنهم يركبوه......و أنا عن نفسى مبحبش شكله ألا لو عربية عاملة زى عربيات نيد فور سبيد كده :)
الفوانيس أستنى رد من أيمن عليها.....هو مغير الفوانيس الأمامى والخلفى عنده
أعتقد الأمامى كانوا عاملين 2000 وشوية.
دول عموماً متقلقش منهم.....موجودين بره و أيمن له سكه أنه يجيبهملك.