الطب فى مصر

**sab3aawy** · 11-01-2009 09:44 AM

كالعادة ، اى صورة سيئة يبقى لازم واكيد تكون فى مصر، مع ان الفحص المدقق للصور اللى زى دى بيطلع منها نسبة كبيرة مش فى مصر اصلا،اول صورة لاحظت هنا انها مش فى مصر هى صورة (إجزاخانة توما) لا احنا بنكتب كلمة(إجزاخانة) فى مصر، ولا نوعية جهاز التكييف الموجودة على يمين الصيدلية مستخدمة فى مصر ، ولا وجوه الناس دى توحى بأنهم فى مصر، اما بأه الزجاجة اللى مكتوب عليها "بعد العشاء" مترجمة الى before بالانجليزى، يا ترى حد خد باله من اسم الصيدلية المكتوبة على الزجاجة، "صيدلية مركز د ، اسعد الحَمَد " هو فيه حد اسمة "الحَمَد " فى مصر؟ ولو دققت ممكن اطلع صور تانية مش فى مصر،

يبقى ليه دايما عندنا هواية اننا نجيب زبالة العالم كله وندلقها على نفسنا وبعدين نقول على نفسنا مزبلين؟

امتى هنبطل نكره نفسنا بسبب وبدون سبب

**ecybrarian** · 11-01-2009 10:26 AM

هايل يا سبعاوي أكثر من ممتاز..انا برضه كان عندي بعض الشك في بعض الصور وانت اكدته لي.

انا زرت المدونة بتاعتك وهي مفيده ومثمرة. بتفكرني بكتب عمر طاهر

**elassar2010** · 11-01-2009 11:03 AM

المشاركة الأصلية كتبت بواسطة mido01050

في حاجة عايز أقولهالكوا الدكتور بيديك دوا عشان تجربوا هايجييب تأثير معاك و لا لأ و يقولك تعالا بعد أسبوع عشان لو مفيش نتيجة يغيروا و ده مش عيب في الدكتور لأنه عارف أنك مش هتقدر على تمن الفحوصات و التحاليل اللي ممكن تخرب بيت أي واحد . لكن هوا من البداية ممكن يقولك روح أعملي كذه و كذه و تعالا و يبقى يكتبله دوا بعديها بس أنت اللي هتعيط من التكاليف , زائد أنه بيبقى ليه مصالح مع شركات الأدوية طبعا (طبعا تجربة الدوا أسهل و أوفر و مربحة ليه في نفس الوقت و كمان العيان بيفرح أنك مرزعتوش كام تحليل على كام أشعة يضيعوا مرتب الشهر)

مع احترامى لكلام حضرتك يدينى نوع واحد من الدواء الدكتور كان بيدينى فى المرة الواحدة نوعين مضاد حيوى وكرتيزون؟؟غير الحاجات النانية
وطبعا حضرتك عارف اضرار المضادات الحيوية والكرتيزون والمضادات الحيوية كان بيدينى مضاد 500 مج واسع المدى
الصيدلى نفسة قالى الدواء دة مش ليك
وعلى فكرة دة من اشهر الداكترة

**ringoo84** · 11-01-2009 08:31 PM

انا بعترض مع حضرتك لان عندنا في مصر اطباء من اعظم اطباء العالم وكل بلد فيها التفاوت ده وبعدين الموضوع كان ممكن يكون على مرتبات الاطباء مش الطب بصفه عامه...........

**Dr.A.Nabil** · 11-01-2009 10:35 PM

اول صوره دي هي المشكله كلها
هي دي سبب المصايب
اعداد الطلبه اكتر من الطبيعي
مش عارف ياخد المعلومه صح
المعامل مش قادره تستوعب العدد المهول من الطلبه
طبيعي جدا مع العدد الكبير وبدل ما المعمل فيه 50 يبقى فيه 400
لازم هايظهر الدروس الخصوصيه
ومن ناحيه تانيه
تلاقي الجامعات الخاصه اشتغلت
واحد مجموعه مايدخلهوش تجاره تلاقيه في طب ولا صيدله خاص

طالب غير مؤهل+ تعليم متواضع+ مناهج عقيمه= طبيب او صيدلي غير ناجح وغير فعال

طبعا البلد تتحمل المصايب دي كلها لانها هي اللي بتزود اعداد المقبولين في الكليات
ونقابة الصيادله والاطباء كل سنه بتعترض على الاعداد
بس مين يسمع

عرفتوا سبب المشكله ايه في الاول من الاصل؟

**amir** · 14-01-2009 11:23 PM

المشاركة الأصلية كتبت بواسطة EL_3OMDA

ياجماعه الدنيا مش سودا اوى كدا
الطب فى مصر فيه اخطاء ؟؟؟ اه فيه
بس زى اى بلد مش المعدل عندنا عالى يعنى
حاجاه كمان مستوى الدكاتره فى مصر وحش ؟؟؟ دى بقى محدش يقدر يزايد علينا فيها انا اجزم اننا احسن دكاتره فى العالم بدون اى امكانيات (ولا حظ الكلمه دى مش بقول ضعف امكانيات )بنطلع شغل مش هقول احسن من اى حد لان دى مبالغه بس هقول معقول وادمى مهو اصل مش سحر ولا شعوذه
الطب مفيهوش الشاطره تغزل برجل حمار طيب ازاى؟؟؟
غرفه ولاده فى قصر شبين كل المعطيات سرير
طيب بلاش دى
قسم العيون برضو الدكاتره اللى بيشتروا عدتهم
طب الاستقبال
بيدوك ابره واحده وعليك تطهرها بقى او تقول للعيان يجيب من بره او تخرج تجيب انت وتيجى
ومع ذلك بيطلع شغل الف الالف
هاتلى حضرتك طبيب من اى بلد فى الدنيا بلامكانيات دى بيطلع الشغل دا
حط فى اعتبار حضرتك الاتى بقى
مرتبه -جاي متبهدل فى المواصلات -مفيش اى احترام فى المعامله -مفيش احترام الشارع نفسه ليه (قارن دكتور وظابط شوف دا درس وعمل ايه ودا ايه ودا جزاءه ايه ودا ايه )-بياخد جيش بعد الطب فرصته ضعيفه قوى اللى بينجو من الموضوع دا -متطلباته شوف قد ايه -هقول لحضرتك بس ايه ولا ايه
شكرا لحضرتك على الموضوع

انا مش معاك في الجزء الاول من كلامك قوي لأن بدون امكانات في التعليم و تطوير مستمر ليه هيبقي الناتج ايه؟
ده غير ان في خلال التعامل مع المرضي لازم يكون في حد ادني من الادوات و الاجهزه و الخامات ( انا دكتور اسنان) و الا عليه العوض و لو اشتغلت كده هبقي بفتري علي العيان
انا معاك في الجزء الاخير و هو حق الطبيب في مصر
دراسه طويله و بعدين سنه امتياز (اجباري ولا نستحق الشهاده الا بعد اجتياز السنه دي) و بعد كده يقولك تعالي علي الجيش
و يا ياخدو سنه و نص من عمرك يا اما 3 سنين انت و حظك
و تطلع بعد كده تكمل تكليفك و تاخد ال 262 جنيه ولا ال 400 جنيه علشان تتعين في الوزاره و تبقي موظف حكومي بتمارس مهنه يدويه
و تلاقي زمايلك الانصح منك بيشتغلو و متجوزين و عندهم اولاد كمان و مرتباتهم حلوه و كل ده علشان طلعو اذكي منك و مدخلوش كليات الطب اللي الوزاره بتاعت الصحه بتناصب خريجيها العداء و الاحتقار
ازاي يتطلب مني اروح الشغل كل يوم علي مدار الاسبوع و فترات مسائيه و اتعامل مع عيانين بالعشرات يوميا و بأمكانات هزيله للغايه و بمرتب الواحد يتكسف و يخجل و هو بيقبضه

**EL_3OMDA** · 14-01-2009 11:50 PM

المشاركة الأصلية كتبت بواسطة amir

انا مش معاك في الجزء الاول من كلامك قوي لأن بدون امكانات في التعليم و تطوير مستمر ليه هيبقي الناتج ايه؟
ده غير ان في خلال التعامل مع المرضي لازم يكون في حد ادني من الادوات و الاجهزه و الخامات ( انا دكتور اسنان) و الا عليه العوض و لو اشتغلت كده هبقي بفتري علي العيان
انا معاك في الجزء الاخير و هو حق الطبيب في مصر
دراسه طويله و بعدين سنه امتياز (اجباري ولا نستحق الشهاده الا بعد اجتياز السنه دي) و بعد كده يقولك تعالي علي الجيش
و يا ياخدو سنه و نص من عمرك يا اما 3 سنين انت و حظك
و تطلع بعد كده تكمل تكليفك و تاخد ال 262 جنيه ولا ال 400 جنيه علشان تتعين في الوزاره و تبقي موظف حكومي بتمارس مهنه يدويه
و تلاقي زمايلك الانصح منك بيشتغلو و متجوزين و عندهم اولاد كمان و مرتباتهم حلوه و كل ده علشان طلعو اذكي منك و مدخلوش كليات الطب اللي الوزاره بتاعت الصحه بتناصب خريجيها العداء و الاحتقار
ازاي يتطلب مني اروح الشغل كل يوم علي مدار الاسبوع و فترات مسائيه و اتعامل مع عيانين بالعشرات يوميا و بأمكانات هزيله للغايه و بمرتب الواحد يتكسف و يخجل و هو بيقبضه

يادكتور امير ككدا احنا متفقين مش مختلفين لا قدر الله لان انا قولت ان لازم امكانيات ومستوى معين وبعد كدا تعاله حاسبنى ومش معنى كدا انى ببر الاخطاء وبقول كل واحد يعمل اللى عايزه بس بقول ا سبب مهم وفرهوله وبعد كدا طالبنى بالنتيجه يعنى مثلا احنا لسه شغالين بالبركشن ودا تكنيك خلاص اتلغى فى الدنيا علشان الاشعه بقت رخيصه جدا ومتوفره جدا الا عندنا ومتكلمناش ولا اعترضنا والغلط برضو نشيلوا طيب تمشينى فى طريق ضلمه ولما اقع مره تقولى انت اللى غلطان طيب ازاى !!!
واخيرا الاختلاف فى الراى لا يفسد للود قضيه وربنا ميجبش اختلاف
شكرا

**mido01050** · 15-01-2009 04:04 AM

المشاركة الأصلية كتبت بواسطة Dr Ahmed

لا يمكن أن نفتح موضوع فى منتدانا هدفه تشويه الطب والأطباء فى مصر ونملأه قصص وحكايات على نظام مفيد فوزى ونجوى إبراهيم ودا إدانى دوا غلط ودا عمل لى عملية غلط واللى بيحكى أصلا مش عارف الصح من الغلط فى العلاج !!!.

إذا كان هناك مجال للنقد فلن يكون بين غير المتخصصين والعارفين بتفاصيل دراسة ومهنة الطب ، وبين الأطباء ودارسى الطب ما يكفى من المنتقدين ولا ينقصهم سخرية المشوهين ومحترفى جلد الذات على الفاضى والمليان .

المشكلة ان الواحد دخل الكلية و شاف التفاصيل و طبعا أنا مبقللش من كفائة الطبيب المصري لأنه بذكائه بيقدر يتعلم في الظروف المنيلة دي و بيتفوق على ناس متعلمين في جامعات عالمية كبيرة و في أطباء مصريين مشهود ليهم بالكفاءة في العالم كله.
لكن أنا فعلا مستاء بشدة من هيئات التدريس في الجامعات اللي مش بنشوف غير نصهم أو أقل طول السنة الدراسية و كمان رؤساء الأقسام اللي مش داريين بحاجة خالص و نايميين في العسل و كل همهم ازاي يحافظوا على الكرسي لأطول فترة ممكنة.
طبعا في أساتذة محترمين بتلاقيهم عايزيين يعملوا حاجة و في كل سنة لازم يبقى في دكتور في قسم بيحارب عشان يوصل صوته و يطور و والله العظيم الطلبة بيحسوا بيه و بيحترموه و بيخلوه مثل أعلى ليهم لكن هيعمل ايه مع باقي الأساتذة اللي بيحاربوه عشان مصلحتهم الشخصية.
أنا برده بقول تاني الأطباء في مصر كويسين و زي الفل كل مشكلتهم في الامكانيات المشكلة الحقيقية في نظام التعليم اللي لازم يتعدل هوه و أنظمة المستشفيات اللي ماشية بالبركة.