مقلب كيا !!!!!!!!!!

**shery103** · 09-01-2009 07:08 PM

بس لو كده فعلا ده يبقى غباء من التوكيل بصراحة

ازاى من غير تكييف ، ده اللى بيشترى دلوقتى زيرو بيقول ادونى تكييف و باور ، يعنى اساسيات ، لو كده فعلا تبقى مهزلة

**Rsarabia** · 09-01-2009 07:29 PM

محدش هيشترى عربية ب 60 الف من غير على الاقل تكييف و بور و هو بقا يبقى يركب سنتر و كاسيت و فرش جلد على مزاجه لكن تكييف و بور مش ممكن

**nanash** · 09-01-2009 08:15 PM

المشاركة الأصلية كتبت بواسطة shery103

يعنى اللى ب 56900 دى بقه ايه ، فاضية ؟؟ يعنى لا تكييف و لا باور و لا ايه النظام ؟؟

دى من غير حاجة خااااااااااالص

يعنى لا تكيف و لا باور و لا أى حاجة

مجرد أربع عجلات بمفتاحهم

**nanash** · 09-01-2009 08:45 PM

غير بقا الإعلان بتاع أوتو سمير ريان
حد شافه النهاردة؟ فى ملحق الأهرام

لقيته كاتب البيكانتو ب 55,900 قلت دى تلاقيها الخليجى طب لما أسأل ؟؟؟؟؟
المهم كلمتهم قالولى دى المصرى بضمان الوكيل
اه يبقى دى بقى الفاضية خالص
قالى لااااااااااااااااا دى الفول أوبشن مانيوال !!!!!
ايه ده طب يمكن الهاف و انتا مش واخد بالك
قالى أنا متأكد من اللى بقوله، دى الفول بضمان الوكيل و أنا عارف ان انتى سألتى بره و لقيتيها أغلى

طب عندكوا ألوان ايه
عندنا الأسود و الفضى و الفيرانى

طب خلاص أنا كده كده كنت نازله هاعدى عليكو و لو فعلاَ كلامك صح انا هاخدها
قالى اوكى انا منتظرك

اروح هناك الاقى الدنيا زحمة و عنده عربيات زيرو كتير متكومة قدامه و قدام العمارات اللى حواليه

المهم دخلت أسأل عليه قالولى هنشوفهولك، عايزة ايه حضرتك؟
أنا عايزو البيكانتو الفول اللى ب 55,900

لا يا فندم ده سعر الفاضية خالص
الفول ب 64000

نععععععععععععععم
انتو بتنصبو عليا فى التليفون

لا لا لا أكيد فيه سوء تفاهم بس حصل

رحت مكلمة أحمد ده اللى رد عليا فى التليفون؛ على موبايله و كان واقف بره و جه
قلتله ايه الى بيحصل ده، هوا النصب بقا كده كل ده عشان تجيبو رجل الزبون و تدبسوه؟

لقيته مصمم على الى قالهولى فى التليفون و قالى استنى دقيقة و راجعلك

فى الوقت ده قعدت اتفرج حواليا لقيت ناس كتير قاعدة و بيحالوا يدبسوهم.
المهم لقيته جه و معاه مديره وأحمد ده يقوللى ده طلع سعر الهاف
مديره قام قاللى لأ سعر الفاضية و أحمد أصله جديد معانا هنا و الفول أوبشن بتعمل 64000 و تقدرى تحجزيها بأى حاجة و بيحاول يدبسنى و أنا بس عشان خاطر ما تزعليش هانزلك فيها 250 قمت مشيت و سبته لقيت بابا جاى بعديا عشان الراجل كان بيديلوا الكارت و قالو هانزللها 500

و على فكرة قبل ما أمشى علطول ببص حواليا لقيت الناس اللى كانوا قاعدين مشيوا

**ezzatfox** · 10-01-2009 02:00 PM

أذا فهى الحرب
لا بيكانتو بعد اليوم

**A.Saad** · 16-01-2009 06:10 PM

تجار بدون ضمير

**Bassim** · 22-01-2009 06:41 PM

أنا عايز أسأل سؤال يا جماعة،،
هو ينفع أي معرض ينزل سعر العربية عن سعر الوكيل ؟؟؟
لو اتكلمنا عن الفل اوبشن مثلاً ،، ازاي تكون هي بتتباع فالتوكيل ب-٦٤٥٠٠ وبعدين وحيد ذي سمير ريان يبيعها ب-٦٤٠٠٠ وكمان ينزل فيها لحد ٥٠٠ جنيه،،يعني توصل ألف جنيه أرخص ملوكيل وهي هي نفس العربية ؟؟؟؟
ياريت حد يفهمني ازاي كدة !!!!!!!

**NaderNabil** · 23-01-2009 03:35 AM

المشاركة الأصلية كتبت بواسطة Bassim

أنا عايز أسأل سؤال يا جماعة،،
هو ينفع أي معرض ينزل سعر العربية عن سعر الوكيل ؟؟؟
لو اتكلمنا عن الفل اوبشن مثلاً ،، ازاي تكون هي بتتباع فالتوكيل ب-64500 وبعدين وحيد ذي سمير ريان يبيعها ب-64000 وكمان ينزل فيها لحد 500 جنيه،،يعني توصل ألف جنيه أرخص ملوكيل وهي هي نفس العربية ؟؟؟؟
ياريت حد يفهمني ازاي كدة !!!!!!!

لأن المفروض واحد زي سمير ريان بياخد بالجملة من الوكيل....قول مثلا 10-15 عربية....
فالسعر التجاري أقل بنسبة محترمة عن سعر السوق...عشان يعمل حساب هامش الربح و خلافه