::: أحدث التكنولوجيا فى تصنيــع رفارف الميـــجان :::

**Sharky** · 09-01-2009 01:55 PM

الرفارف الامامية مصنوعة من سبيكة خاصة من الفايبر جلاس و المطاط لضمان إمتصاص الصدمات الخفيفة دون الحاجة للإصلاح

و لقد بدأت كبرى شركات السيارات فى إستخدام هذه الرفاف المرنة لإنها تحمى الأبواب و باقى أجزاء السيارة عند الصدمات القوية

فوائد الرفارف الفيبر :
1- إستخدام المادة المصنع منها هذا الرفرف يزيد من أمان الركاب من الصدمات القوية.

2- تحسين توزيع الوزن فى السيارة مما يؤدى إلى ثبات أكثر للسيارة .

3- تقليل تكاليف الإصلاح و الدهان .

4- تقليل تأثير الصدمات حيث ان الرفرف المرن لا يتلف الأبواب و الاجزاء المحيطة به

**Abdo_Eldesokey** · 09-01-2009 02:07 PM

شاركي باشا ... انت تستحق وسام مش شركة رينو

بجد كل مدي بيزيد حبي للعربية دي بسبب مواضيعك ومواضيع باقي الوحوش

ألف شكر على المعلومات

**Sharky** · 09-01-2009 02:30 PM

شكرا يا باشا على ذوقك

**ringoo84** · 09-01-2009 02:48 PM

كدا الناس الي بتقعد تقول ياعم دي الميجان عربيه ورق ورفرفها فيبر دي ناس فالطراوه وبصراحه كويس ان احنا راكبين عربيات ورق لو السفتي فيها بالجمال ده..........
شكرا يزعيم الوحوش .............

**Eslam_A** · 09-01-2009 04:37 PM

انا فاكر اول مجبت الكليو في 2001 الناس كانت تقعد تقولي دي عربية بلاستيك ميعرفوش انها واخدة 4 نجوم في اختبار السلامة ودي طبعا حاجة في وقتها مكنش حد بيهتم بيها لكن طبعا دا كان انجاز كبير

**Rsarabia** · 09-01-2009 05:08 PM

الكلام دا لو خبطة بسيطة عادية مش هيحصل اى حاجة و دى ميزة جامدة للميجان
لكن على طريق سريع وسرعة كبيرة متقوليش الفيبر احسن من الحديد لا طبعا الحديد هيبقى اقوى و هيبعد الاذى اكتر

**Ahmed Selim** · 09-01-2009 05:45 PM

المشاركة الأصلية كتبت بواسطة Rsarabia

الكلام دا لو خبطة بسيطة عادية مش هيحصل اى حاجة و دى ميزة جامدة للميجان
لكن على طريق سريع وسرعة كبيرة متقوليش الفيبر احسن من الحديد لا طبعا الحديد هيبقى اقوى و هيبعد الاذى اكتر

ما هوه ده المفهموم الخاظئ عند معظم الناس....

أنت مخدتش بالك من دى ؟

المشاركة الأصلية كتبت بواسطة Sharky

فوائد الرفارف الفيبر :
1- إستخدام المادة المصنع منها هذا الرفرف يزيد من أمان الركاب من الصدمات القوية.

4- تقليل تأثير الصدمات حيث ان الرفرف المرن لا يتلف الأبواب و الاجزاء المحيطة به

شكراً يا شاركى على المعلومة المهمة

**farahat** · 09-01-2009 06:50 PM

عبد المقصود باشا و sharky باشا .. الأستاذ Rsarabia بيتكلم على حاجة و المشاركة بتكلم على حاجة تانية ، هو بيتكلم عن حماية الركاب أثناء الحادثة ، لكن مشاركة شركي بتقول إن الإكسدام الفبر بيتكسر في الحوادث الجامدة و دة بيؤدي إلى تقليل التأثير على الأبواب و الهيكل و بالنسبة للركاب بيقول إنه بيقلل من تأثير الصدمة لكن مش موضح ازاي ؟
المقصود إن تحطيم الأجزاء دي بيقلل من كمية الطاقة الوصلة من الصدمة إلى داخل رلسلن ، لأن الطاقة دي بتروح في تحطيم الأجزاء القابلة للتحطم و بكده كييت الصدمة الوصلة للصالون بتقل كتير
و المهم أكتر إن في الصدمات القوية على السرعات العالية الدور الرئيسي في الحماية مش بيكون على الهيكل الخارجي نهائياً ، لأن دول بيتدمرو بدري قوي في بداية الإصطدام ، و لكن إلي بيحمي العربية هو سلبت قوائم الشاسيه و القوائم السب الموجودة في مقدمة السيارة و حالياً بتتحط في الأجناب كمان داخل الأبواب،
يعني حتى لو كان الباب و الرفرف ورق مش دول إلي هيحمو في الصدمات القوية لا قدر الله .

و طبعاً ربنا الحارس قبل أي شيء