::: أحدث التكنولوجيا فى تصنيــع رفارف الميـــجان :::

**fahd_628** · 09-01-2009 11:37 PM

المشاركة الأصلية كتبت بواسطة Rsarabia

الكلام دا لو خبطة بسيطة عادية مش هيحصل اى حاجة و دى ميزة جامدة للميجان
لكن على طريق سريع وسرعة كبيرة متقوليش الفيبر احسن من الحديد لا طبعا الحديد هيبقى اقوى و هيبعد الاذى اكتر

يا باشا والله دة مفهوم غلط جدا جدا جدا و عند كل الناس

يعنى احنا حنتكلم بالعقل

يعنى انت لو جبت عربية مثلا يعنى مفيهاش اى حاجة من قدام غير رفارف حديد عادى زى باقى العربية و مفيش اى حاجة تانى فى العربية من قدام من اول الكابينة لغاية اخر الرفرف الأمامى يعنى ولا شاسية ولا موتور ولا كابوت ولا اى حاجة و كان وزن العربية دية مثلا 1,25 طن و ماشية على سرعة 100 و جينا خبطناها فى كتلة حديد تفتكر الرفارف الحديد دية حتعمل حاجة ؟ يعنى حتقلل مثلا خطر التصادم على الركاب ؟؟؟؟

طبعا ولا حتعمل اى حاجة دية مجرد انها حتتعجن بس

و نفس الكلام مع الفيبر حيتعجن برضة و مش حيعمل اى حاجة المهم فى العربية هوة التقويات الموجودة فى الشاسية و فى هيكل السيارة

الكلام بتاع حضرتك دة العكس تماما

الصاج الحديد ممكن يكون مفيد فى الخبطات البسيطة جدا جدا جدا يعنى لو عربية ريحت او حاجة على الرفرف الفيبر ممكن يتكسر ( و لو انة مش بيتكسر بسهولة ) و لكن لو حديد كدة ممكن يتطبق و ساعتها ممكن يتم استعدالة لكن الرفرف الفايبر حيحتاج تغيير و هوة مش مكلف اوى زى الرفرف الحديد

و طبعا لو العربية مش امنة مكنتش اخدت 5 نجوم فى الأمان

و على فكرة الأختبار على سرعة 64 كم/س يعنى مش سرعة بطيئة برضة

و اتمنى تكون وجة نظرى اتوضحت

**human** · 10-01-2009 01:14 AM

انا كمان قريتها
رينو مشهوره ب innovations و عندها حاجات كتير هيا اللى قدمنها فى التصنيع

**HassanEissa** · 30-04-2009 04:46 PM

مع احترامي لكل شخص قل ان الرينو الميجان ورق
انا اتفرجت علي اختبار في برنامج توب جير لاصتدام سيارة رينو ميجان هتشباك 2.0 لتر
من الامام في سيارة من الانواع الامريكيه الجديدة من الجنب علي سرعة عاليه
النتيجة الاير باجز فتحت امام السائق فقط + الاكصدام طبعا انكسر و الفانوس الايسر والرفرف الايسر اما الرفرف الايمن سليم مع الفنوس الايمن
علي الرغم من ان الميجان دخلت تقريبا جوه السيارة
اما السيارة الاخري كانت تقريبا هتتقلب مع تدمير كامل للبابين (الصاج ) و كسر في الزجاج الامامي و الجانبي طبعا
و تعلي مذيع البرنامج كان استغراب لقوة الميجان
شكرا

**waleedraafat** · 29-06-2009 11:19 PM

مع احترامي لجميع ما سبق
الهدف الاساسي من الرفارف الفايبر هو التكسر عند الاصطدام من الامام بحيث تترك الحرية للابواب الامامية للفتح بعد الحادثة

الرفارف المعدنية عند الاصطدام من الامام تتحرك للخلف بفعل الحادث وتمنع الابواب من الفتح وبالتالي تحتاج لقوة خارجية عالية لفتح الابواب واخراج راكبي السيارة

انا شفت ده بنفسي ياجماعة، في بعض الحوادث علي الطرق حيث يتجمع سائقي السيارات الاخري محاولين فتح الابواب الامامية للسيارة بصعوبة لاخراج المصابين وذلك بسبب قفل الرفارف الامامية للابواب بسبب الحادث

**Ahmed Selim** · 30-06-2009 11:01 AM

كلام حضرتك صحيح طبعاً بس للأسف هنا فى مصر لو جيت لمعظم الناس و قولت أنك عامل الرفرف عشان يتكسر ساعة الحوادث الجامدة عشان الركاب الأماميين يعرفو ينزلوا بسهولة شوية......أول سؤال هيسأله هو " طب و الرفرف بكام جديد و أستيراد ؟" أو " طب الرفرف ينفع يتلحم ؟ "
و مش هتفرق معاه كتير مين اللى كان فى العربية و أستفاد أيه من الموضوع ده.

**zkralla** · 25-12-2009 02:28 AM

المشاركة الأصلية كتبت بواسطة rsarabia

الكلام دا لو خبطة بسيطة عادية مش هيحصل اى حاجة و دى ميزة جامدة للميجان
لكن على طريق سريع وسرعة كبيرة متقوليش الفيبر احسن من الحديد لا طبعا الحديد هيبقى اقوى و هيبعد الاذى اكتر

برضه الصاج هيتعجن ومش ها ينفع فيه سمكره ومش هايبعد الاذى لان هتبقى اضعف حته فى العربية الكابينة الداخلية الى هيخلى الصدمة تتركز عليها وبعدين الفيصل فى الامور ديه التجربة العمليه مش احنا طبعا الى نجرب (طبعا ربنا يبعدنا جميعا عن التجارب العمليه الى من النوع ده ) أنا باقصد اختبارات التصادم