الموضوع: تغير الزيت لاول مرة

وائل، الزيت اللى انت بتتكلم عليه ده ممتاز للمحركات القديمة، ومعنى ان المستخدم السابق للسيارة كان بيستخدمه ان المحرك لا يتحمل الزيت متعدد الدرجات او حتى احادى الدرجة الآخف

زيت شل إكس 100 هو زيت احادى الدرجة عالى اللزوجة بدرجة لزوجة 50 والتى تعتبر اعلى من درجة اللزوجة 40 المتوافرة لباقى انواع الزيت العادة احادى الدرجة، والنوعين المنتشرين من هذة الدرجة هو شل إكس 100 وزيت التعاون 50، لكن لا انصحك بزيت التعاون لأنه سريع البخر بعكس الشل إكس 100 ،اللى عن تجربة ممتاز للمحركات القديمة

نصيحة استمر على هذا النوع من الزيت ، هتلاقيه بيتباع فى الكثير من محطات شل بس مش كلها، لأنه هيحافظلك على المحرك لأقصى درجة وهتاخد منه اطول عمر ممكن قبل الإحتياج للعمرة

زيت شل X100 بيتغير كل 2000 كيلومتر، ثمنه من 30 الى 40 جنيه انا مش متأكد (برغم انى بستعمله للريجاتا :lol: )

بالنسبة للزيت متعدد الدرجات 20 -50 هو ممتاز للمحركات الجديدة ، لكن طالما ان المحرك متعود على زيوت من نوعيه ال X100 لا ينصح اطلاقا بالتغيير لزيت متعدد الدرجات مثل زيوت ال20-50 ، بس عموما لو انت مصر على التغيير لزيت سوبر انصحك الأول انك تكشف على كبس الموتور فى المحطة ، لو كبس الموتور اقل من 75% انسى نهائيا العودة الى الزيوت متعددة الدرجات واستمر على الX100 ، لو كبس الموتور افضل من 75% يبقى ممكن تغير للزيت السوبر بشرط انك تعمل دورة زيت غسيل موتور (زيت خفيف مستورد مخصص لهذا الغرض يباع فى محطات البنزين الكبيرة ومكتوب على العلبة تعليمات استخدامه، وهى عموما تتلخص على اضافته على الزيت القديم قبل التغيير مباشرة وتدوير السيارة سلانسيه لمده عشرة دقائق مع عدم محاولة قيادتها نهائيا اثناء وجود هذا الزيت بالمحرك وانما يدار المحرك على الواقف، ثم تفريغ الزيت كله وتغيير الفلتر ثم اضافة الزيت الجديد) مرة واحدة ساعة تغيير نوع الزيت، وفى اول مرة تحط فيها زيت سوبر(سوبر يعنى متعدد الدرجات 20-50) لازم تتابع نقصانه او خروج اى دخنه زرقاء من شكمان السيارة، وفى حالة نقصانه لأاكثر من نصف كيلوجرام لكل ألف كيلومتر او ظهور دخنة زرقاء من الشكمان مع كبس البنزين غير الزيت فورا الى زيت X100 وانسى انك سمعت عن الزيت السوبر لحين موعد العمرة

بالنسبة لانواع الزيت السوبر الجيدة لديك شل هيليكس (الجركن الأصفر) و توتال كوارتز 5000 وإمارات مصر

انا باغير الزيت على 10000 كيلو متر هيليكس الترا الجركن الرمادى ب 192 جنيه .. انا كده صح ولا فيه حاجة غلط .. العربية فرنا 1600 اتوماتيك

المشاركة الأصلية كتبت بواسطة مهندس محمد صلاح

انا باغير الزيت على 10000 كيلو متر هيليكس التراالجركن الرمادى ب 192 جنيه .. انا كده صح ولا فيه حاجة غلط .. العربية فرنا 1600 اتوماتيك

لو هو الموصى للزيت ده 10000 يبقى إنت صح

المشاركة الأصلية كتبت بواسطة wael abbass

زيت شل هيليكس 20-50 بناء علي نصيحة عامل البنزينة هل كدة هيكون في مشكلة ارجوا الرد سريعا
وهو الزيت دة بيتغير كل اد اية عامل البنزيتة قلي كل 2000كم هل هذا صحيح

هو سعرة كام عشان أفتكر
لو 70 جنيه تقريباً يبقى هو نفس الي بحطه في الجولف بيقعد من 4000 إلى 5000 كيلو

بالنسبة لهل سيكون هناك مشكلة من هذا التغيير
لو كان النوع السابق أرخص أي أنه غير تخليقي والنوع اللي إنت حطيته تخليقي جزئي في هذه الحالة
لو حالة موتور العربية ممتازة الكبس فوق ال 80% مفيش مشاكل
لكن لو حالة الموتور متأخره أو بتدخن أو شبه مفوته أو حتى الدخان اللي طالع من خرطوم الفايظ كتير (بتنفخ من خرطوم الفايظ) يبقى ترجع للزيت القديم الرخيص الغير تخليقي

المشاركة الأصلية كتبت بواسطة wael abbass

هو الزيت دة سعرة 41جنية وانا سالت في البنزينة عن فرق السعر بينة وبين الي كان في العربية قلولي الفرق في حدود 3 او 4 جنية

إنت كده تمام
يبقى نفس نوع الزيت القديم تقريبا (زيت غير تخليقي)
وفعلا هو بيقعد بالكتير 2000 كلم
إستمر عليه بعد كده ومتجبش الزيوت التخليقية الغالية لأن اللي إنت حطيته أفضل لل 128