احذروا مخطط التجــار لشــراء السيــارات بأبخس الأسعــار

**scorpion1000** · 11-01-2009 09:21 AM

يا جماعه الواحد مش معترض أبدا على حمله خلوها تصدى بالعكس ياريت يبان لها مفعول لكن المشكله ان انا وانت وكلنا عندنا عربيات برضو وعايزين نغير وهتصدى عندنا زى ما هتصدى عند غيرنا طب نحلها ازاى واخرتها ايه حد يتناقش بس بالمنطق ويعرف انه زى ما هوه ممتنع يشترى غيره ممتنع يشترى منه فاهمين قصدى وأرجو المشاركه

**وائل عطية** · 11-01-2009 09:28 AM

الكلام الوارد من صاحب الموضوع غير صحيح تماماً ولا يمت للفكر التجاري الاقتصادي بصلة
مش هادخل في تفاصيل كتير ..لأننا شبعنا كلام في المواضيع دي ..بس هاقولك بمنتهى البساطة تخيل نفسك تاجر عربيات مستعملة (وسيط أو سمسار يعني) ومعاك مبلغ معين ..هل هاتروح بالمبلغ بتاعك دا اللي هو رأس مالك تشتري عربيات مستعملة منها الحلو ومنها الوحش (مفيش مشاكل) مع وجود مخاطر إلغاء تراخيص العربيات القديمة..ومش علشان تبيع وتشغل دورة فلوسك وتجارتك لأ دا علشان تخزن العربيات دي لما تبقى تغلى تبيعها !!
هل هذا كلام عقلاني؟

**eg_falcon** · 11-01-2009 09:32 AM

المشاركة الأصلية كتبت بواسطة scorpion1000

يا جماعه الواحد مش معترض أبدا على حمله خلوها تصدى بالعكس ياريت يبان لها مفعول لكن المشكله ان انا وانت وكلنا عندنا عربيات برضو وعايزين نغير وهتصدى عندنا زى ما هتصدى عند غيرنا طب نحلها ازاى واخرتها ايه حد يتناقش بس بالمنطق ويعرف انه زى ما هوه ممتنع يشترى غيره ممتنع يشترى منه فاهمين قصدى وأرجو المشاركه

اخي الكريم ما ينفعش خالص ان حد يكون جايب عربية من سنة و لا حتى كام شهر ب 10 قروش مثلا و يوم ما يحب يبيعها عايز فيها 15 ولا حتى 10 طاب ازاي يعني

**scorpion1000** · 11-01-2009 09:46 AM

معاك حق وده اكيد فعلا انا شخصيا بأخسر وبأقول انا استعملتها وشالتنى ووديتنى يعنى كان فى انتفاع والانتفاع مقابل ماده بأريح نفسى كده المشكله يا صديقى ان الناس منتظره الدنيا تتغير بمعنى ان فى ناس جابت اللانوس زيرو فى99ب37000جنيه وركبتها10سنين وبتبيعها فوق الاربعين وفى كتير بيفكر انه طالما غير زيت وطقم سيرفيس يبقى يبيع زى ما اشترى او يكسب ثم انا بأقصد المستخدمين اللى زيى وزيك كده مش تجار يعملو ايه ولحد أمتى

**mida11** · 19-01-2009 07:44 AM

خلوها تصدي

**mtageldeen** · 19-01-2009 11:44 AM

التاجر لا يعنيه أبداً غلاء الأسعار أو رخصها ولكن يعنيه المكسب فقط والوقت بالنسبة إليه أهم عامل.
بمعني إن التاجر بيشتري العربية ب 20 ألف مثلاً بغض النظر هي كانت بكام ولكن المهم أنه يبيع في أقصر وقت ب 22 ألف
وبالتالي مكسبه في يوم أو إسبوع ألفين جنيه

ولكن لو إشتري رخيص وإنتظر غلاء الأسعار وباع غالي مكسبه بالنسبة للوقت سيكون خسارة
يعني هيكسب 5 ألاف جنيه في 3 شهور وهذا يعتبر خسارة.

التاجر لا يعنيه إلا المكسب السريع

**checo** · 19-01-2009 12:30 PM

انا وضعت رأيى المتواضع عن الموضع ده فى مشاركه منفصله بعنوان (( وجهه نظر ))

http://www.nilemotors.net/Nile/showthread.php?t=55667

وده اللينك الخاص بها

و اكيد الاختلاف فى وجهات النظر لن يفسد ابدا للود قضيه