احذروا مخطط التجــار لشــراء السيــارات بأبخس الأسعــار

**ahmedmok** · 26-01-2009 04:44 PM

من الاخر اللى عنده عربيه مش حتفرق معاه كتير ....لانه حيبيبع رخيص و حيشترى رخيص ....... بس انا متوقع ارتفاع الاسعار قريبا ...وده لاسباب كثيره اهمها ...ان تخفيض الضرائب او الغائها معناه ببساطه شديده تدمير صناعه السيارات بمصر .و طبعا الدوله لن تسمح بذلك ..يبقى اللى معاه عربيه و عايز يغير مش حيفرق معاه ارتفاع او انخفاض الاسعار .....و لكن اللى بيشترى لاول مره دى بالنسبه له فرصه يلحق يشترى من دلوقتى قبل الاسعار مترتفع تانى

**myself112** · 26-01-2009 05:27 PM

والله يا شباب انا مرة قعدت مع تاجر عربيات اعرفه من زمان وقاعدنا نتكلم على الحال اليومين دول لاقيته بيقولى ان الحالة دى بتتكرر فى هذه الفترة من كل سنة وده امر عادى بس السنه دى اخدت صيت علشان الأزمة الى حصلت فى العالم مش اكتر,وعلشان كده الناس خافت وترددت فى الشراء اكثر من الأول وقالى كمان ان كمان شهرين ثلاثة الاسعار هترتفع لان الدولار هيرتفع ... وكل حاجة هترجع طبيعى تانى ...
والله اعلم

**myself112** · 26-01-2009 05:32 PM

يا جماعة محدش يسأل حد عن ثمن عربيته لان هيسمع ارقام غريبة جدا مش عارف الى بيجاوب ده بيجبها منين ؟؟؟؟؟؟؟؟؟؟؟؟يعنى هيقولك سعر يخسف بالعربية الارض

**عبدالحميد** · 28-01-2009 05:08 PM

المشاركة الأصلية كتبت بواسطة fhd737

الموقع ملىء بالتجار الذين يوهمون الجميع بالنزول المتنامى للاسعار ويحاولون الشراء بابخس الاسعار واستغلوا اهتزاز السوق فى مطلع العام الجديد وهى لعبه سنويه معروفه ساعدتهم عليها هذا العام اهتزاز السوق العالميه وحاولوا ايهام البعض باننا مقبلين على كارثه مع ان مصر لها ظروف خاصه فى سوق السيارات ولن تؤثر المجريات العالميه علينا للاننا سوق مغلقه بالجمارك التى سترفع نهائيا عام 2019 واللى عايز رخيص بقى يستنى وانا انصح اللى عايز يبيع يستنى ويشوف الاسعارحتبقى ازاى التجار اشتروا ويخزنواوبعدين يبيعواباعلى الاسعار ثم لاحظ الجديد نزل ولا هو هو يبقى ازاى القديم اندبح بالشكل ده وليا تجربه عام 2004 مع نزول الاسعار بالتخفيضات الجمركيه اشتريت سياره ب30000 والراجل كان شاريها ب38000 قبلى بشهرين وبعد اربع شهور جالى 40000 وبعتها ف 2007 ب38000 وحسبى الله ف اللى معندوش ضمير

الظاهر إن أصدق كلمة فى الكلام ده إن الموقع ملىء بالتجار

**wolverine1987** · 29-01-2009 10:55 AM

فعلا مش صح الواحد يسأل عن ثمن عربيه مستعمله على الموقع لان ببساطه صعب الواحد يعرف سعر السوق عامل ايه دلوقتي و كمان حاله العربيه كمان بتفرق كتير برده.. ربنا يستر بس!