اسنطلاع : كام واحد بيزود كاوتش العربيه و هو مخروم و بيكسل يكشف عليه و يصلحه

**kliken** · 10-01-2009 12:42 AM

اكيد فينا كتير بيزود الكاوتش و يقعد كام يوم على ما ينقص تانى و يروح مزوده برضه فى السريع و يمشى و هكذا
اصلى بصراحه بقالى بتاع شهر على نفس القصه عندى فرده عمال ازودها كل 5 ايام تقريبا و مكسل اروح اكشف عليها

**THETOP** · 10-01-2009 12:59 AM

انا برضو

مستنى اروح الصيانة وهما يعملهوا

عشان قلقان من بتوع الكاوتش

**محمد جلال** · 10-01-2009 01:10 AM

كانت بتحصل معايا وازوده لمدة اسبوعين لكن لما بلاقى الكاوتش بيقل اسرع من الاول بروح لبتاع الكاوتش الاقى بدل الخرم ثلاثة فدلوقتى اول بأول لما بحس بحاجة بروح للراجل علشان بحس العربية مش مضبوطة وبذات لو قدام بس بقف على ايد الراجل وبافضل لزقله وابص عليه وهو بيحط الكاوتش فى الميه واعد معاه كام خرم ودى حكايتى مع الكاوتش وتحياتى .

**kliken** · 10-01-2009 01:18 AM

لازم فعلا موضوع المتابعه مع بتاع الكاوتش علشان فى منهم كتير معندوش ضمير انا حصلت مع والدى فى محطه على الدائرى و طلعولوا مش فاكر حوالى 10 ولا 12 خرم و هو اصلا ما كنش داخل يعمل حاجه فى الكاوتش هو كان داخل يحط بنزين و نصبوا على والدى و بعد كده عرفنا موضوع النصب فى الكاوتش

**HeMa_LanCeR** · 10-01-2009 01:47 AM

انا بقي بزوده مره واحده ولو ريح تاني با اعمله علي طول بس عند واحد معين
مابتعاملش غير معاه هو بس
وعلي فكره انا بلحم مكواه علشان بكره الخابور ده كره العمي
اللي اخترعه ده راجل مفتري