مفاجئة 2009 فوانيس النترا ليدات كرستالة

**AhmedSarhan** · 17-01-2009 02:29 PM

أيمن باشا...لو سمحت ممكن الباركنج سنسور اللى من غير تخريم فى الاكصدام EPS تقوللى بكام و أجيبو منين
وهل هوا فعلا أحسن من الباركنج سنسور العادى و سهل التركيب و لا لأ
أنا فعلا عاوز واحد بس مقلق شويتين
فهل فى صنايعى فاهم فى الفك و التركيب كويس
عشان الشغل يطلع نضيف
و لا أنا بشتريه و اشوف أنا بقى حد يركبهولى ؟

أنا أعرف أنك مركب واحد فى السوبر ميجان..أنا كنت عاوز أركبه فى كورولا...فهل بجيبه و أركبه فى ساعتها ولا بشتريه و ألف بيه ؟
ولو هركب يبقى فى القاهرة ولا بورسعيد ؟

كمان طلب لو يا باشا شفتلى الفوانيس الرينجز و اللينسز سعرها كام عند غزى يا ريت على الخاص

و بالمرة أنا دايخ على كاسيت بايونيير FH-P80BT
http://www.nilemotors.net/Nile/showt...203#post602203

لو موجود يبقى انت كدا ضبطتنى آخر حاجة
طلباتى كترت أنا عارف بس عشمى فى ربنا و فيك كبير
أنا مستعجل على الكاسيت و الباركنج سنسورز جدا
فياريت حضرتك ترد عليا سريعا...
شكرا مقدما يا أيمن باشا و مبروك علي المنتدى أخوك الصغير محمد :)

**MoToRiZeR** · 17-01-2009 04:43 PM

برضه نسر جامدة الفوانيس يا باشا انا عاجبني الكريستال

ممكن تجمع ناس من هيونداي و تاخدوا مجموعة بسعر حلو .

**HamadaMOMO** · 18-01-2009 12:34 AM

ممكن ياباشا لو اكثر من 4 قطع

**sameh.acc** · 24-01-2009 12:36 PM

على فكرة الفانوس دة انا شوفت عربية النترا مركباه وجريت وراه فى الشارع كنت لابس بدلة ومنظرى يهلك من الضحك والراجل كان حاررررق بس حلفت انى اجيبة وجيبته وقالى الفانوسين ب 1800 جنية عند محل الزغل اللى جنب مؤمن فى شبرا مكدبتش خبر ورحت للراجل قالى والله يافندم خلصان من زمااااان قالى شوفه فى شارع ذكى فى التوفيقية :(

**Jato.33** · 24-01-2009 09:50 PM

المشاركة الأصلية كتبت بواسطة sameh.acc

على فكرة الفانوس دة انا شوفت عربية النترا مركباه وجريت وراه فى الشارع كنت لابس بدلة ومنظرى يهلك من الضحك والراجل كان حاررررق بس حلفت انى اجيبة وجيبته وقالى الفانوسين ب 1800 جنية عند محل الزغل اللى جنب مؤمن فى شبرا مكدبتش خبر ورحت للراجل قالى والله يافندم خلصان من زمااااان قالى شوفه فى شارع ذكى فى التوفيقية :(

وأنا كمان بأكد المعلومة

أنا سائل عليهم بنفسي عند واحد إسمه هاي لاين كان موجود في معرض الأهرام فورميلا لما كنت هناك من يومين

قالي 1750 بالظبط

**HamadaMOMO** · 24-01-2009 10:07 PM

انا مصدقكم يا جماعة بس الفوانيس مش حاضرة عند كل السادة الافاضل الى قولتو عليهم - نزلو بالظبط قطعتين عينة من 4 شهور وبرضوا حمادة غزى الى جبهم بس وزعهم على تجار القاهرة علشان الالنترا سوقها ميت فى بورسعيد وحاليا مش موجودين الا فى بورسعيد فى البضاعة الجديدة

وتاكيد على كلامى البدى كيت للالنترا الاصلى حمادة غزى حيجيبة كمان شهر واتحدى اى حد شافة على الالنترا فى مصر او عند اى حد فى مصر