سؤال خاص بتسخين السيارة

**mahmoudzaied** · 10-01-2009 05:07 AM

انا عايز اسأل على حاجة مهمة
انا عربيتى لانسر موديل 2008
لما اجى ادورها الصبح او بليل فى اى وقت بسيبها حوالى من 5 الى 10 دقايق تسخن
الrpm بيبقى عالى اول ما ادورها لحد ما المؤشر بتاع الحرارة يوصل للنص وانا مش بحب امشى بيها كدة لانى كل ما ادوس دبرياج الصوت بتاع العربية بيبقى عالى وبضايق جدا
فبسيبها تسخن براحتها لحد ما المؤشر يبدا يتحرك ويعدى او شرطة وبعد بنزلها من الجراج امشى او ساعات بسبيها تسخس لحد مايوصل المؤشر للنص
السؤال
هل دا غلط على العربية ولا لأ ؟
وهل الموضوع ده بستهلك بنزين كتير ولا لأ؟
صحيح ساعات مثلا اكون فى مشوار والجو شتا واقعد ساعة مثلا وارجع الاقى العربية بردت ادور وامشى على طول من غير تسخين
او مثلا فى الكلية لما اجى اروح ادور وامشى على طول
دا غلط بردو ولا لأ انى امشى بالعربية وهيا لسة باردة؟

**zarkoor** · 10-01-2009 07:02 AM

المشاركة الأصلية كتبت بواسطة mahmoudzaied

انا عايز اسأل على حاجة مهمة
انا عربيتى لانسر موديل 2008
لما اجى ادورها الصبح او بليل فى اى وقت بسيبها حوالى من 5 الى 10 دقايق تسخن
الrpm بيبقى عالى اول ما ادورها لحد ما المؤشر بتاع الحرارة يوصل للنص وانا مش بحب امشى بيها كدة لانى كل ما ادوس دبرياج الصوت بتاع العربية بيبقى عالى وبضايق جدا
فبسيبها تسخن براحتها لحد ما المؤشر يبدا يتحرك ويعدى او شرطة وبعد بنزلها من الجراج امشى او ساعات بسبيها تسخس لحد مايوصل المؤشر للنص
السؤال
هل دا غلط على العربية ولا لأ ؟
وهل الموضوع ده بستهلك بنزين كتير ولا لأ؟
صحيح ساعات مثلا اكون فى مشوار والجو شتا واقعد ساعة مثلا وارجع الاقى العربية بردت ادور وامشى على طول من غير تسخين
او مثلا فى الكلية لما اجى اروح ادور وامشى على طول
دا غلط بردو ولا لأ انى امشى بالعربية وهيا لسة باردة؟

حضرتك اعمل زى ما الكاتالوج بيقول ... دور العربية من غير ما تدوس بنزين ... انتظر 30 ثانية ثم ابداء بالتحرك ... الهدف من ده انك توصل الموتور لدرجة حرارة التشغيل اللازمه فى اقصر فترة ممكنة علشان مركبات الكبريت اللى موجوده فى البنزين تتبخر بسرعة و ما تغيرش من خواص زيت الموتور ... زى ما حضرتك عارف الكبريت له خواص تؤدى للتاكل ... لو حضرتك استنيت لغاية العربيه تسخن لوحدها يبقى الموتور مش بيسخن فى اقصر فترة ممكنة ... لكن لما بتمشى الفترة بتقل ... بس مش بسرعة علشان الزيت بتكون لسه لزوجته مش مناسبه للجرى بسرعة..

كمبيوتر العربية ECU بيقرا درجة حرارة سائل التبريد ... طول ما هى منخفضة حتلاقيه بيدى خليط بنزين غنى علشان التسخين يكون سريع و ده اللى حضرتك بتشوفه لما ال rpm بيعلا منك لما بتدوس دبرياج ... اول ما درجة حراره سائل التبريد توصل للقيمه المثلى ال ECU حتدى خليط البنزين و الهوا المناسب للقيادة الاقتصادية

تحياتى

**tutankhamoun** · 10-01-2009 08:17 AM

ده فيه إستهلاك للبنزين بدون داعي
أنت تدور و تستنى من نصف دقيقة إلى دقيقة حسب برودة الجو
و متخليش عدد لفات الموتور يعلى عن 2500 لفة في الدقيقة لما تتحرك بالعربية
لغاية ما تلاقي مؤشر الحرارة وصل للنص أو المنطقة المعتادة اللي أنت دايما بتشوفه عندها و هو في أقصى درجات التشغيل

**mahmoudzaied** · 10-01-2009 06:04 PM

الف شكر على المساعدة

**Badrowi** · 10-01-2009 06:15 PM

زيادة فترة التسخين غلط مش ميزة
زيادة فترة التسخين معناها زيادة تكثف الكبريت على جدران الاسطوانات الداخلية ونتيجة لوجود بخار الماء الناتج من عملية الاختراق هيتكون اكاسيد الكبريت .. واكسيد الكبريت حمض يؤدى لتاكل المعدن , دا غير استهلاك بنزين على الفاضى (انت اكيد عارف ان العربية فى التسخين شغالة rich mixture)

المفروض تدور دقيقتين تلاتة علشان دورة الزيت وبعدين تبدأ تتحرك من غير قرص ولا تتجاوز 60 لحد لما تسخن وتبدأ تزود بالتدريج وبكدة بتقلل فترة التسخين من غير تحميل او اجهاد للموتور(عملية التسخين هتتم اسرع وبالتالى هتقلل فرصة تكون حمض الكبريتيك)

لا تعليق بعد هذا الرد الوافى