جنوط اسبور للسويفت

**Viper911** · 17-01-2009 04:42 PM

لا شكر على واجب ....
بالنسبة لمكان الرقم ده هتلاقيه في الجنط من جوا يعني في ظهر الجنط و بيكون عبارة عن دايرة صغيرة مكتوب فيها رقمين زي 40 أو 35 أو 25 و ده بيختلف فعلا من جنط للتاني و معظم الصيني بيكون 25 و النظيف شوية بيكون 35 و أعلى و أن بنصحك بالنسبة للسويفت انك تجيب النظيف عشان ميخليش العجل بره (( زي ما قلت ان كل ما يزيد الرقم بيدخل العجل لجوة أكتر يعني 35 بيكون داخل لجوه أكتر من 25 )) و بكده تتجنب مشكلة ان العجل يحك في الرفرف اللى ورا خصوصا مع التحميل عشان أنا غيرت الجنط بتاعي بعد ما جبتوا بكام شهر بسبب المشكلة السخيفة دي .... و خلي بالك مش كل صنايعي كاوتشات هيبقى عارف حوار الرقم ده و هيقولك ان الكاوتش عريض على العربية .. بس فكك من كلاموا عن الكاوتش العريض ده و خليك في حوار الرقم بس و ركب أي عرض انتا عايزو لغايت 195 بدون أي قلق ....
و أنا تحت أمرك في أي استفسار تاني

**sss2000** · 18-01-2009 09:34 PM

شكرا يا باشا علي مجهودك معايا ويا تري الجنوط الصيني am دي كويسة واجيبها منين بالظبط

**Viper911** · 19-01-2009 03:00 AM

الجنوط الصيني AM كويسة بس أشكلها مش حلوة و كمان مش هتلاقي أشكال كتير لأبعاد مسامير السويفت ....... أنا أنصحك تجيب حاجة اندونسي زي Divino و ده اللى أنا مركبوا في الصورة بتاعت profile بتاعي و العربية اللى في الصورة ديه بتاعتي و الفرق في السعر يعتبر مش موجود (( يعني 100 او 150 بالكتيير عن الصيني و أحسن منه بمراحل )) .... و يا سلام يا أشرف باشا لو تجيب حته تايواني ... هوه ده الشغل هتلاقي أنواع و أشكال نضيفة بجد و هتلاقيه عند المحلات النضيفة بس و مش غالي أوي في حدود 1400 جنيه ..

**sss2000** · 20-01-2009 08:40 PM

شكرا يا باشا علي النصيحة طب النوع الاندونيسي الي انتا جايبة جايبة منيين وبكام بالظبط وعلي فكرة عربيتك حلوة ربنا يبارك لك فيها ويكفيك شرها

**Viper911** · 23-01-2009 06:46 AM

المشاركة الأصلية كتبت بواسطة sss2000

شكرا يا باشا علي النصيحة طب النوع الاندونيسي الي انتا جايبة جايبة منيين وبكام بالظبط وعلي فكرة عربيتك حلوة ربنا يبارك لك فيها ويكفيك شرها

الله يكرمك و ألف شكر على ذوقك ....
بالنسبة للجنط ده DIVINO ..أنا لقيتوا هنا في الاسكندرية في شارع بورسعيد و كان تقريبا طقم واحد بس اللى جه و فعلا تقريبا مشفتش غير واحد بس مركب زي بتاعي (( الله أعلم ممكن فيه ناس تانيين)) و كان عامل تقريبا ألفايه .... بس بصراحة أحسن من الصيني و حاسس ان العربية مرتاحه معاه أكتر..
و ديه صور الجنوط.......الأول هوا الصيني (أحلى حاجة الشكل بجد) و التاني هو الاندونيسي

**sss2000** · 23-01-2009 06:01 PM

بجد متشكر جدا علي ذوقك وتعبك معايا وانا هسأل عن الجنوط الاندونيسي في القاهرة عندي ويارب الاقيها

**aymoonoo** · 03-02-2009 04:02 PM

طيب انا عندي سويفت وعايز اجنطها ممكن اركب اكبر من 15 وهل الكاوتشات الي جايه مع قياس الفبريكه نتفع تركب على ال15؟

**أبومعاذ** · 03-02-2009 06:40 PM

المشاركة الأصلية كتبت بواسطة sss2000

بجد متشكر جدا علي ذوقك وتعبك معايا وانا هسأل عن الجنوط الاندونيسي في القاهرة عندي ويارب الاقيها

هتلاقي جنوط اندونيسي عند اشرفكو

**أبومعاذ** · 03-02-2009 06:41 PM

المشاركة الأصلية كتبت بواسطة aymoonoo

طيب انا عندي سويفت وعايز اجنطها ممكن اركب اكبر من 15 وهل الكاوتشات الي جايه مع قياس الفبريكه نتفع تركب على ال15؟

السويفت بيركبلها لحد 17 بس خليك في ال 15 او ال 16 بالكتير عشان كدا كدا العربية دي عفشتها ضعيفة
بخصوص الكاوتش بتاع الفابريكة بيبقى مقاس 13 و بالتالي مش هيركب على الجنوط 15 ولا 16

**nav man** · 03-02-2009 10:54 PM

شكلها حلو يامان.انت شجعتني اركبلها جنوط.

الموضوع: جنوط اسبور للسويفت

LinkBack

أدوات الموضوع

عرض

-

-

المواضيع المتشابهه

جنوط اسبور 15 بالكاوتش

جنوط 15 اسبور للبيع

جنوط اسبور

جنوط اسبور

جنوط اسبور للسيريون

الكلمات الدلالية لهذا الموضوع

المفضلات

المفضلات

ضوابط المشاركة