مبروك الف مبروك جين2 الجميلة ربنا يديك خيرها وتفضل مبسوط منها
لايوجد بلوتوث
الزرار دة فين فى الكاسيت؟!
الصيانة كدة افضلك مدينة نصر وممكن الصحرواى من الدائرى ثم المحور ومثبت البيانات عشان كمان تحجز وتشوف اية اريحلك
ربنا يوفق
رقم العضوية : 26732
تاريخ التسجيل : 03Dec2008
المشاركات : 30
النوع : ذكر
الاقامة : zagazig
السيارة: seat ibiza
السيارة[2]: golf 2
الحالة :
السلام عليكم جميعا
انا الحمد لله استلمت عربيتى جين 2009 مانيوال يوم 28 ديسمبر
العربيه لونها ميتال جراى او سكاى جراى
المهم هاقولكو على العربيه عشان انا عارف ان فيه ناس قلقانه تشتريها وبتخش تدور زى مانا كنت بقعد افصص المواضيع بتاعه التفييم اللى الناس المحترمه اللى هنا بتكتبها
اول حاجه الموتور ما شاء الله باين عليه انه قوى جدا رغم انى لسه مجرتش بيها عشان التليين وكده
العفشه برضه كويسه ومش خشنة زى مانا كنت متخيل بعد ما الناس حكولى بالعكس انا شايف ان عفشتها ناعمة او زيها زى اى عربيه زيرو
كمان العربيه محكتش فى ولا مطب من اول ما جبتها رغم انى فيه مره كان راكب معايا اربعه قرايبنا منهم اتنين اوزان تقيله وكمان معاهم طفلين صغيرين
الصالون طبعا مايتحكيش عليه ماشاء الله قمة الشياكة والاوبشن اللى فى العربيه بيخليها احسن من اى عربيه فى نفس السعر يعنى التاره بتاعتها والفانوس اللى بيعلى ويوطى وفتح الشنطة من الريموت وباقى الاوبشن مش موجود فى عربيات كتير فى سعرها واغلى منها كمان
الكاسيت بتاع العربيه mp3 وصوته نقى والسماعات بتاعتها قويه برضه يعنى الواحد مش محتاج يركبلها اى حاجه زياده فى طقم الصوت الا بقى ممكن تركب بازوكا فى الشنطة لهواة الbase العالى
الصالون من ورا مش ضيق اوى ومش واسع برضه يعنى متهيالى طبيعى او زيه زى الفرينا والاكسنت بس انا لسه مركبتش فيها ورا ده كلام الناس اللى ركبو معايا
الثبات بتاع العربيه عالى جدا بيخليك تستمتع وانت سايقها يعنى باخد الملفات على الطريق بسرعه عاليه وبحس انى راكب عربيه محترمه
استهلاك البنزين كان بين ال 8 و ال 9 لتر اول 500 كيلو ودلوقتى وصل معايا ل 7 لتر لكل ميه كيلو
العربيه طبعا شكلها جامد جدا ومش منتشره زى عربيات كتير كان نفسى اركبها واتخنقت منها لما لقيت منها تاكسيات
الحمد لله ماسمعتش اى اصوات طالعه من العربيه الا شويه خبط كده بس ده لما كان فرد الكاوتش عليها طينه ومن اول ما غسلت العربيه ما سمعتش اى اصوات
نيجى بقى للعيوب
فرامل العربيه متهيالى كانت المفروض تبقى اقوى من كده شويه او ممكن انا مخدتش عليها لسه
بس انا شايف انها المفروض كانت تبقى اقوى عشان الموتور قوى فعايز فرامل قويه
الباب اللى جنب السواق مبيقفلش ويفتج مع السنتر (بسيطة الحمد لله) اكيد هاتتعمل فى الصيانه
غير كده الحمد لله مفيش اى مشاكل
طبعا شكرا لكل الناس اللى فى المنتدى اللى بيتكلمو بصراحه عن العربيه لانى خدت القرار انى اجيبها بعد ما شوفت المنتدى ده
وللناس المترددين لسه عايز اقولهم انا كنت محتار بين الجين والياريس والنيو اكسنت والجيتز عشان هما اللى تقريبا فى نفس السعر
الياريس استحرمت ادفع 85000 واجيب عربيه ومتكونش كامله
النيو اكسنت عربيه حلوه بس خفيفه جدا كنت هاتقلب بيها مره على كوبرى
الجيتز عربيه كويسه برضه بس صغيره اوى وشكلها مدخل دماغى
الحمد لله انا مش ندمان بالمره انى جبت العربيه انا فرحان جدا بيها وشايف انها احسن عربيه فعلا بالسعر ده
شويه استفسارات بقى
انا كنت قريت ان الكاسيت بتاعها bluetooth بس مش لاقى حاجه عن الموضوع ده فى الكتالوج بتاع الكاسيت حد عارف عنه حاجه ؟
الزرار اللى مكتوب عليه RDS ده بتاع ايه ؟
انا دلوقتى المفروض اعمل صيانه الالف كيلو اعملها فين ؟ لانى معرفش اماكن التوكيل وبعدين انا من الزقازيق فياريت حد يوصفلى الطريق لاى مركز صيانه كويس مع العلم انى بروح القاهره صحراوى يعنى اول حاجه بتقابلنى بتبقى السلام وبعديها الحرفيين
كمان هو انا المفروض يبقى معايا ورق معين عشان الصيانه ولا هو الدفتر اللى جاى مع الكتالوجات ده بس ؟
معلش طولت عليكو
رقم العضوية : 13668
تاريخ التسجيل : 26Jun2008
المشاركات : 2,676
النوع : ذكر
الاقامة : ِCairo
السيارة: SPARK 2008 BLACK
السيارة[2]: 1st GEN.2 owner in Egypt
دراجة بخارية: لايوجد
الحالة :
مبروك الف مبروك جين2 الجميلة ربنا يديك خيرها وتفضل مبسوط منها
لايوجد بلوتوث
الزرار دة فين فى الكاسيت؟!
الصيانة كدة افضلك مدينة نصر وممكن الصحرواى من الدائرى ثم المحور ومثبت البيانات عشان كمان تحجز وتشوف اية اريحلك
ربنا يوفق
سبحان الذى سخر لنا هذا وماكنا له مقرنين وانا الى ربنا لمنقلبون
KH.Hamdy
هتلر
كنت قادرا على ابادة يهود العالم ولكني تركت بعضهم لتعرفوا لماذا أبدتهم
رقم العضوية : 5334
تاريخ التسجيل : 07Feb2008
المشاركات : 1,474
النوع : ذكر
الاقامة : cairo
السيارة: proto - persona
السيارة[2]: fiat bravo
دراجة بخارية: لا يوجد حاليا
الحالة :
مبروك يا اخى الفاضل اولا
سيبك من الدفتر هم اصلا بيعملوا ملف للعربية هناك عندهم
لو ماعندكش ملاحظات ثقيلة روح مركز الصيانة اللى فى العجوزة خلف مسرح البالون
لو عندك لا قدر الله ملاحظات هتاخد شغل جامد عليك يا باشا و على المركز الرئيسى فى ابو رواش - الطريق الصحراوى
بالتوفيق ان شاء الله
لا اله الا انت سبحانك انى كنت من الظالمين
رقم العضوية : 18817
تاريخ التسجيل : 13Sep2008
المشاركات : 377
النوع : ذكر
الاقامة : ALEXANDRIA
السيارة: don't have
السيارة[2]: don't have
دراجة بخارية: don't have
الحالة :
مبروك يا باشا و عقبال ال 100000 كيلو إن شاء الله و إن شاء الله كل الحاجات البسيطه تبقى تمام ..
The car that make you dream of it when you are awake
رقم العضوية : 10752
تاريخ التسجيل : 15May2008
المشاركات : 1,825
النوع : ذكر
الاقامة : Alexandria
السيارة: HYUNDAI Verna 2014 M/T
السيارة[2]: Proton GEN2 A/T 2008
دراجة بخارية: no
الحالة :
الف مبروووووك يا باشا علي العربية ووصولك لاول صيانة
وربنا يباركلك في العربية و يكفيك شرها
بالنسبة للموضوع بتاع الفرامل انا كان عندي نفس المشكلة ولكن في الصيانة بلغتهم
ولما استلمتها من الصيانة لقيتهم زودوا زيت الفرامل و في نفس الوقت سحب الهوا الزيادة الي في البدال
فالفرامل بأت استجابتها عالية و تمام الحمد لله
وربنا يوفقك الي الخير
Eng.Mo'men Hamdy Fahmy
رقم العضوية : 7188
تاريخ التسجيل : 09Mar2008
المشاركات : 400
النوع : ذكر
الاقامة : Cairo
السيارة: no car
السيارة[2]: Gen2 A/T 2009
دراجة بخارية: gfgj
الحالة :
الف مبروك عليك الجميله جين2 ربنا يكرمك بيها ان شاء الله
RDS:RADIO DATA SYSTEM وده نظام تشغيل الراديو من محطات الاذاعه الموجوده على النتالزرار اللى مكتوب عليه RDS ده بتاع ايه ؟
بالنسبه للفرامل كانت عندى واطيه شويه وخليتهم يعملوها فى الصيانه
عليك وعلى الصحراوى
تحياتى
رقم العضوية : 26732
تاريخ التسجيل : 03Dec2008
المشاركات : 30
النوع : ذكر
الاقامة : zagazig
السيارة: seat ibiza
السيارة[2]: golf 2
الحالة :
متشكرين يا جماعه ربنا يبارك فيكو جميعا
ممكن اعرف المركز اللى فى مدينه نصر عنوانه ايه بالظبط ياريت لو حد يعرف
ولا مدام الموضوع فيه ظبط فرامل وكده اروح على بتاع ابو رواش ؟
كمان انتو اصدكو الصحراوى اللى هو طريق مصر اسكندريه اللى بيتراح من الدائرى ؟ مظبوط كده ولا انا غلطان
ويعنى ايه نظام تشغيل الراديو من محطات الاذاعه الموجوده على النت ؟ اصدى بتستخدمه ازاى ولا ملوش لازمه ؟
رقم العضوية : 7188
تاريخ التسجيل : 09Mar2008
المشاركات : 400
النوع : ذكر
الاقامة : Cairo
السيارة: no car
السيارة[2]: Gen2 A/T 2009
دراجة بخارية: gfgj
الحالة :
بالضبط ..الدائرى ثم الصحراوى اللى عند ابو رواش عند الكيلو 28 حيعملولك الصيانه والفرامل اكيد إن شاء الله
بالنسبه للـ RDS المفروض انه يشتغل اذا توفر ارسال اصلا عن طريق البحث وعند استبقال اى محطه بيعمل صوت (بيب) ويبتدى الارسال وطبعا زر الـ RDS يكون منور
اعذرنى لانى ماجربتوش .. ده كلام الكتالوج وناوى اجربه لما انزل انهارده
تحياتى
رقم العضوية : 22258
تاريخ التسجيل : 15Oct2008
المشاركات : 548
النوع : ذكر
الاقامة : cairo
السيارة: gen2
السيارة[2]: 127
الحالة :
الف مبروك عالعربية واول 1000 كيلو وعقبال ال1000000000 , ولما تعمل الصيانة متنساناش في التقرير وتقولنا عملت ايه.
بس قبل ما تروح الصيانة اكشف انت عالعربية كانك لسه جايبها واكتب كل ملاحظاتك علشان لما تروح الصيانة متنساش حاجة.
وربنا يوفقك ويكفيك شرها.
Eng Michael Nabil
رقم العضوية : 19752
تاريخ التسجيل : 21Sep2008
المشاركات : 857
النوع : ذكر
الاقامة : cairo
السيارة: بريليانس جالينا
السيارة[2]: رينو ميجان 2
الحالة :
الف الف مبروووووك وعقبال العمر كله وهي معاك ربنا يباركلك فيها ............
المفضلات