اكتشاف جامج جدا يحتاج الي خبراء قسم الدايو

**jojowork1** · 11-01-2009 07:42 PM

هاي يا جماعه انا كنت اشتركت في المنتدي ده من فتره وكنت بستفيد منه جدا عشان كنت عاوز اجيب عربيه واخيرا جبت دايو لانوس 2000 بس المشكله اني مهندس الكتونيات وكمان ليا في المكنيكا وعندي عده كتيره جدا وطبعا عملت شويه الحجات اللي شفتها علي المنتدي زي تغير جوان التكيهات وتنظيف الايديل كنترول وبعدين حبيت اظبط شويه حجات كان الحزام ما بيلمش لوحده فا فكيت الفيبر اللي حوليه وبعدين فكيته عشان اظبطه فطلعت في دماخي انظف الموكيت رحت فكيت الكراسي والكنبه وكانت المفاجئه ان لقيت ضفيرتين اسلاك علي جنبين العربيه وحبيت افهم بيعملو ايه لانها كانت كميت اسلاك كبيه جدا جدا فكيت لاغايه ماوصلت لعبه سوداء تحت الكرسي فكتها لقيت فيها دائره الكترونيه اعتقد ان هو ده الكمبيوتر وهنا وعاوز اسئل سؤلين
الاول انا فاهم ان الكمبيوتر ده هو اللي مسئول عن كل حاجه تقريبا في العربيه فهل ده بيتغير لو باظ لاني ما اعتقدش انه يتصلح لان فيه كميه مايكروشبس وايسيهات ارقمها عجيبه جدا وهل جهاز حساس زي كده مش ممكن يعطل والعربيه ماشيه علي الطريق وهل ده خطر وهل الجهاز ده لو متوفر دلوقتي هيكون متوفي في المستقبل
السؤال الثاني الاسلاك الكتيره اغلبيتها نهايتها سكتات ومش وصله في اي حاجه فهل ديه طبيعتها كده ولو طبيعتها كده اكيد ليها استخدام ولو مش طبيعتها كده فهل حد فاككها واذا كان هل مش عامله مشكله في العربيه
ياريت ياجماعه نفتح الموضوع ده عشان انا لسه هكمل في العربيه كتير
شكرا ليكم

**jojowork1** · 11-01-2009 07:43 PM

ديه صورت الكمبيوتر

**Sherif Khalifa** · 11-01-2009 08:00 PM

هوا متوفر استيراد
معرفش فى جديد ولا لا

**samirayad** · 11-01-2009 08:13 PM

المشاركة الأصلية كتبت بواسطة jojowork1

هاي يا جماعه انا كنت اشتركت في المنتدي ده من فتره وكنت بستفيد منه جدا عشان كنت عاوز اجيب عربيه واخيرا جبت دايو لانوس 2000 بس المشكله اني مهندس الكتونيات وكمان ليا في المكنيكا وعندي عده كتيره جدا وطبعا عملت شويه الحجات اللي شفتها علي المنتدي زي تغير جوان التكيهات وتنظيف الايديل كنترول وبعدين حبيت اظبط شويه حجات كان الحزام ما بيلمش لوحده فا فكيت الفيبر اللي حوليه وبعدين فكيته عشان اظبطه فطلعت في دماخي انظف الموكيت رحت فكيت الكراسي والكنبه وكانت المفاجئه ان لقيت ضفيرتين اسلاك علي جنبين العربيه وحبيت افهم بيعملو ايه لانها كانت كميت اسلاك كبيه جدا جدا فكيت لاغايه ماوصلت لعبه سوداء تحت الكرسي فكتها لقيت فيها دائره الكترونيه اعتقد ان هو ده الكمبيوتر وهنا وعاوز اسئل سؤلين
الاول انا فاهم ان الكمبيوتر ده هو اللي مسئول عن كل حاجه تقريبا في العربيه فهل ده بيتغير لو باظ لاني ما اعتقدش انه يتصلح لان فيه كميه مايكروشبس وايسيهات ارقمها عجيبه جدا وهل جهاز حساس زي كده مش ممكن يعطل والعربيه ماشيه علي الطريق وهل ده خطر وهل الجهاز ده لو متوفر دلوقتي هيكون متوفي في المستقبل
السؤال الثاني الاسلاك الكتيره اغلبيتها نهايتها سكتات ومش وصله في اي حاجه فهل ديه طبيعتها كده ولو طبيعتها كده اكيد ليها استخدام ولو مش طبيعتها كده فهل حد فاككها واذا كان هل مش عامله مشكله في العربيه
ياريت ياجماعه نفتح الموضوع ده عشان انا لسه هكمل في العربيه كتير
شكرا ليكم

يا ريس دا أنت اللى مفروض تجاوبنا....وتفيدنا

**jojowork1** · 11-01-2009 08:58 PM

انا بحاول اعرف لسه بس اكيد التعاون هيفيد اكتر كل اللي عنده معلومه يفيدنا

**samirayad** · 11-01-2009 09:10 PM

شوف يا أخى ....وحدة التحكم من القطع المعمرة بالسيارة.....وراعى المصمم حمايتها من التعرض لover Current بتوصيلها بأرضى السيارة........وبالنسبة لوجود سوكتات كثيرة عند نقاط الاتصال الداخلة والخارجة فهذا لتسهيل عملية الصيلنة والاستبدال لأى طرف كهربى يحدث لة خلل من الأطراف الداخلة والخارجة لوحدة التحكم.........وقد يحدث انهيار (ولكن دا احتمال ضئيل جدا)لوحدة التحكم أثناء التحرك بالسيارة...وبالتالى ستختل كل المنظومة ويترتب على ذلك توقف السيارة نهائيا ...لأنة كما تعرف حضرتك هى العقل المدير للسيارة عامة...ناهيك عن لو كانت السيارة مزودة بناقل حركة أوتو ماتيكى........

**lol656** · 11-01-2009 09:13 PM

بص يا سيدي اولا الكمبيوتر بتاع اللانوس 2000 موجود تحت علبة الطابلو مش تحت الكراسي

ثانيا ده مبيتصلحش ابدا وفيه منه جديد في اول فيصل

**samirayad** · 11-01-2009 09:20 PM

على فكرة فية شركات أجنبية بتقوم باصلاح وحدات التحكم للسيارة فى حالة تلف أى مكون الكترونى من مكونات وحدة التحكم ......لأن الوحدة تحتوى على كم هائل من الدوائر المختصة بوظيفة ما للسيارة........يعنى مثلا لو تلف مايكرو شيبس أو دائرة متكاملة (آى سى )....يمكن تغييرها ولكن مش فى مصر الكلام دة...ولكن تكلفة الاصلاح كبيرة وبالتالى شراء جديد أفضل فى هذة الحالة......ويمكن شراء وحدة تحكم خاصة بسيارة نفس الطراز(نظام الاستيراد)أو المدبوح كما يطلق علية تجار قطع الغيار المستعملة