هل بنزين 95 بيفرق؟؟؟

**ehab_mansour** · 18-01-2009 12:43 PM

المشاركة الأصلية كتبت بواسطة umoussa

يا باشمهندس إيهاب، ياريت تبعت الإيميل بتاعك علشان ابعتلك ملف المواصفات علشان من الواضح ان المنتدى موقف المرفقات

متشكر جدا يا هندسة علي المعلومات دي وده ايميلي وياريت نتواصل وياتري الأسئلة اللي قلتلك عليها تقدر ترد عليا فيها ومتشكر جدا علي سرعة ردك وربنا يكرمك ويزيك علما ويجزيك خيرا
الإيميل eh_mm6@hotmail.com

**civic2009** · 18-01-2009 01:14 PM

طيب يا بشمهندس umoussa انا عندى سيفيك 2009 و مكتوب فى الكتلوج بنزين اوكتين 91 و مفيش حاجة مكتوبة على باب التنك و نسبة انضغاط الموتور تقريبا 1:10.6
انا من ساعت مجبتها بحط بنزين 92 بس فى ناس قلولى حرام عليك دى لازم 95 طبعا الوكيل بيقول 92 شغال علشان البيع و انتو فهميت طبعا

فهل 95 حيفرق معيا فى سحب العربية و زيادة هدوء الموتور ؟ و نظام استهلاك البنزين اة؟

انا بصراحة خايف احط 95 العربية تتعود علية و محسش بفرق و معرفش ارجع ل 92 ( الكالم دة طبعا مش حقيقى صح؟

**umoussa** · 18-01-2009 01:37 PM

نسبة انضغاط المحرك مش عالية لدرجة تخوفك إنك تستعمل 92 أو 95

المهم تتعامل مع محطة بنزين موثوقة، 92 كفاية جداً على المحرك

لما تكون نسبة الانضغاط فوق 11 ساعتها انت محتاج بنزين سريع الاشتعال زي 95

**umoussa** · 18-01-2009 01:38 PM

لا طبعاً ملوش أضرار وكمان ملوش نفع وحرام عليك تستعمله فيها لأنه محرك ضعيف

**umoussa** · 18-01-2009 01:40 PM

المشاركة الأصلية كتبت بواسطة thegreatnileman

بالنسبة للماتريكس 95 اوفر واحسن ولا خلينا على ال 92

الماتريكس أصلاً مش محتاجة 95 وحرام عليك تكلف نفسك فلوس على الفاضي

**umoussa** · 18-01-2009 01:43 PM

المشاركة الأصلية كتبت بواسطة moby

هل له أى أضرار فى دايو لانوس 1500cc
وشكرا

لا طبعاً ملوش أضرار وكمان ملوش نفع وحرام عليك تستعمله فيها لأنه محرك ضعيف وبجد تكلفة باهظة على الفاضي وكمان حتتعب نفسك تدور على محطة محترمة فيها 95

**mohamed_hamdi** · 18-01-2009 02:49 PM

ممكن سؤال يا باشمهندس أسامة

ايه الأضرار من استخدام البنزين 95 لفترة ثم ملء التانك ببنزبن 92 مضطرا لوجودك في مكان غير متوافر فيه 95 وهكذا
شكرا جزيلا و جزاك الله خيرا على أسلوبك العلمي في التوضيح .

م /محمد حمدي

**umoussa** · 18-01-2009 07:43 PM

المشاركة الأصلية كتبت بواسطة mohamed_hamdi

ممكن سؤال يا باشمهندس أسامة

ايه الأضرار من استخدام البنزين 95 لفترة ثم ملء التانك ببنزبن 92 مضطرا لوجودك في مكان غير متوافر فيه 95 وهكذا
شكرا جزيلا و جزاك الله خيرا على أسلوبك العلمي في التوضيح .

م /محمد حمدي

الاستخدام قصير المدى ملوش تأثير، أنا بيحصل معايا نفس الموقف لما أكون في اسكندرية أو الجونة مثلاً فبكون مجبر استخدم بنزين 92 بكمية تكفي حتى إيجاد محطة فيها بنزين 95.

بما إن حضرتك معاك جيتا ونفس الحكاية بالنسبة للناس إلي معاها باسات FSI لمبة Check حتنور في العداد نتيجة سوء جودة البنزين وده علشان حساس الأكسجين بيشتغل على نطاق غلط. أكيد في ظروف بتجبر الواحد بس طالما توافر 95 لا تبخل عليها. واللهي يا باشمهندس محمد قطع الغيار غالية جداً وكما بعد ساعات مش متوفرة ولازم نعملها طلبية من ألمانيا وتاخدلها أسبوعين لحد ماتيجي.

طب تعمل ايه في واحد البنزين 95 خلص معاه قال يمون 10 لتر 92 لحد ميوصل ملقاش فكان مجبر يجط 90؟؟؟؟

حصلت معايا ومش عايز اقولك حصل ايه، أولا العربية أخرها 80 أو 90 ومافيش اي نوع من انواع الانضغاط على الغطلاق وتسأيف وكركرة مفيش احسن من كده يوميها أنا كنت خايف العربية تجيب وش سلندر بس الحمد لله ربنا ستر.

على فكرة أنا كما بيوميدكال القاهرة، بس سبت الموضوع من زمان، مفيش اجمل من الميكانيكا وخاصة لو بتتعامل مع مستوى عالي من التكنولوجيا يحتاج غلى تفكير منطقي وهندسي مش ميكانيكي