الموضوع: السودان تنضم الى حلف الاعداء الجديد

المشاركة الأصلية كتبت بواسطة Ramy_Ali

البشير في دمشق
في تطور متصل، يصل العاصمة السورية ظهر اليوم الرئيس السوداني عمر حسن البشير في زيارة يلتقي خلالها نظيره بشار الأسد لبحث الأوضاع الخطيرة في قطاع غزة.

وقال سفير الخرطوم بدمشق عبد الرحمن ضرار إن زيارة البشير تتركز حول بحث سبل الخروج من الوضع الدامي الذي يتعرض له "أشقاؤنا الفلسطينيون في قطاع غزة، كما أن لديه برنامجا لعدة لقاءات" في سوريا.

كما ذكرت مصادر فلسطينية في دمشق أن من المتوقع أن يلتقي البشير بعض قادة الفصائل الفلسطينية في سوريا.

كل إلي خايفين و مش عارفين ينامو بيجمعو علشان يطمنو بعض

السودان عمرها ما هتشوف خير من غير مصر ، سوريا إيه اللى رايح يدور عليها

المشاركة الأصلية كتبت بواسطة Sameh

السودان عمرها ما هتشوف خير من غير مصر ، سوريا إيه اللى رايح يدور عليها

حضرتك تعرف إيه عن السودان؟؟؟
هو حضرتك تعرف إيه عن العلاقات السودانية المصريه؟؟؟
حضرتك تعرف إيه عن علاقة السودان بباقي الدول؟؟؟
حضرتك تعرف مصر عملت إيه للسودان منذ عهد الثورة؟؟
حضرتك تعرف إيه عن علاقة السودان بتركيا ولا الصين ولا لبنان ولا سوريا ولا دول الخليج كلها خاصا الإمارات والكويت وقطر؟؟؟
حضرتك لو عرفت أي إجابة من دول يبقى أكيد هتعرف إن مصر عمرها مهتشوف خير من غير السودان.
للأسف أرجع وأقول حسبي الله ونعم الوكيل في الإعلام المصري والحكومة اللي عامليين تغييب كامل للشعب عن أهم بلد المفروض إنها رقم واحد في أمننا القومي سواء العسكري أو الإجتماعي أو الإقتصادي.

المشاركة الأصلية كتبت بواسطة crazylambada

انا عذرك في الثار من اجل وطنك
بس ده ميخلكش تخش في المحظور
فيه خطوط حمرا مينفعش حد يقربلها
جملتك ديه تنرفز جدا و ناتجة من جملة لشخص اخر مستفذة اكتر
حاول تتمالك اعصابك شويا

اشكرك على رد حضرتك يا أستاذ crazylambada بس على فكرة أنا مصري مش سوداني وشغال في السودان بقالي سنة ونص بروح وأجي كل شهر أو شهرين.
لكن موضوع النرفزة والكلام ده أنا مش متنرفز ولا فارق معايا حاجة خالص غير فعلا إن الشعب المصري مغيب تماما عن أمنه القومي.
أنا مش هتكلم كتيير بس حاول حضرتك تتدور على النت عن علاقة مصر والسودان وكمان هسيب الإخوة المصريين اللي شغالين في السودان ومعانا هنا في المنتدى يردوا عليا لو كنت أنا غلط.
وبرجع وأقول تاني اللي مشفش السودان وشاف اللي بيحصل فيها دلوقتي وشاف حجم الإستثمارات الأجنبية اللي موجودة فيها وشاف دول زي الصين وتركيا ولبنان وسوريا وألمانيا إستفادوا قد أيه من ده وإحنا لسه محلك سر يبقى بجد لسه مشافش حاجة.
على فكرة أنا بجهز موقع في خلال شهر عن السودان وفرص الإستثمار ووظائف الموجودة محاولة مني ولو صغيرة في توعية الشباب المصري اللي أنا بنتمي ليه للخير اللي مستنيهم هنا.
كمان حاجة صغيرة جدا عاوز أقولك عليها وهي إن حكومة السودان بتعتبر المواطن المصري مواطن سوداني ليه نفس الحقوق والواجبات.وكفاية إن إنت ملكش تأشيرة لدخول السودان ولا بتعامل معاملة الأجنبي ولا ليك إقامة ولا أي حاجة وكمان معفي من شرط وجود شريك سوداني.
الحاجة التانية كمان مساحة الأراضي الزراعية في مصر حوالي 8 مليون فدان ومساحة الأراضي الزراعية في السودان المروية بمياه النيل والأمطار فقط حوالي 225 مليون فدان.