ما شاء الله .... هي دي أخلاق الرجال
و منتظرين رد المحترم ... الدكتور أمير .
و ربنا ما يجيب خلاف أبدا ما بينا إن شاء الله
تحياتي يا أبو رُقية
طبعا لجنه فض المنازعات حكمت في الموضوع
و بتدخل كبير قسم البروتون الفرعون توت شخصيا
يبقي مفيش غير تقديم الاعتذار لأبو رقيه و احب اوضحله ان لو اعاد قراءه مشاركاتي اللي بكلمه و ارد عليه فيها تاني هيغير رأيه فيا
بس يا توت ليا تعقيب صغير
انا مانكرتش المكونات المصريه في الصني نهائي
ده انا اقتبست مشاركه لسبعاوي موضح فيها ماهيه المكونات المصريه في العربيه و قلت ان حتي لو كانت المكونات المصريه دي محطوطه من اسوء ما يمكن مش هتفرق كتير في العربيه
و يا توت متتحسرش علي شراسه مواضيع جين تو كده لأن ربنا يكرم و ابيع الصني و اجيب جين في خلال الفتره القادمه و اشارك في مسيره كفاح الاسد البروتوني للسيطره علي الغابه
و مادام سيره الجين جت فابالمره احب اسئلك عن علاقه احمد صيام بعز العرب
هل هي علاقه غرام و انتقام؟
الراجل لسه بيعاني برده من حاجات في العربيه هو ايه الحكايه؟
و شكرا للجميع
لا بقا مليش دعوة :K_crying[1]:انا زعلان
ههههه يا جماعة مفيش حاجة
احنا كلنا اخوات
ماشاء الله على حضرتك:S_thum1[1]:
بجد قمة الاخلاق والحياديه...وبجد الواحد بيفتخر بشخص باخلاق وعلم حضرتك
http://i125.photobucket.com/albums/p...ies/flower.gif
وياريت يكون صاحب الموضوع ...يكون استفاد من وجهات النظر المختلفه
أحب أقول حاجة بس يا شباب.. مفيش حاجة اسمها حلوة و وحشة.
في حاجة اسمها استخدامات حضرتك للعربية ازاي و اد ايه و ايه هي اولوياتك. يعني في ناس تحب العربية شكلا فقط, فيه ناس تانية تحب الأداء الرياضي, في اللي الأهم عنده استهلاك البنزين......... الخ
فمفيش حاجة اسمها حلو و وحش عشان من وجهة نظري المتواضعة ان عربيتك (معلش) مراتك. انت بتقضي وقت في عربيتك أكتر من اللي بتقضي في بيتك و أكيد محدش يحب ان اي حد يعيب في مراته.
يبقى كل اللي نقدر نفيد بيه الزميل العزيز صاحب الموضوع و السؤال الأساسي هو عرض كامل لمميزات و عيوب كل عربية (بس تكون جربت الاثنين أكيد) أو اضعف الايمان عرض امكانيات كل منهم و في النهاية هو اللي هيشتري و هو اللي يقرر و يختار. (أكيد لو اي حد فينا قالو اشتري كذا, الراجل مش هينزل يشتري هوا) هيشوف هو محتاج ايه و هيشتريه و في النهاية العربيات دي ثقافة و اذواق و وجهات نظر مختلفة قائمة على مفهوم و نظرة كل واحد فينا للموضوع. (يعني مستحيل نتتفق على كل حاجة ابدا, لازم حتى لو اتفقنا هنختلف في حاجة حتى لو صغيرة). و لولا اختلاف الأذواق لبارت السلع....
اسف على الاطالة....
بالنسبة للزميل صاحب الموضوع.. أنا هعرض عليك اهم الحاجات في العربيتين و انت تحكم..
أولا: السيراتو سيارة كورية 100%, النيسان ياباني تفيل مصري و لازم الناس تفهم يعني ايه تقفيل مصري (نيسان المصرية بتجيب العربية جاهزة متقفلة بالموتور و الصاج أكيد و في مصر بيركبولها فرش من موبيكا و يركبو بطارية و الكاسيت و الأكر بتاعت الباب و بس على كده) مش لادا و لا 128 بتتصنع بالكامل في مصر يعني.
ثانيا: السيراتو 1600 سي سي, 122 حصان, 4 سلندر, 2 كامة
النيسان 1600 سي سي, 118 حصان, 4 سلندر, 2 كامة( بس بجد النيسان موتور عفي جدااا)
ثالثا: السيراتو أوتوماتيك تيبترونيك فعال جدا و تكيف تتش و كاسيت mp3, واسعة من جوه و شكل التابلوه شيك و العربية عالية عن الأرض
النيسان اوتوماتيك عادي بس الكيك داون يطلعك من عربيات كتير و التكيف بكر عادي و الكاسيت تقريبا بقى mp3, العربية واسعه بس السيراتو اوسع و التابلوه يعتبر مش حديث يعني مش شيك قوي بس ممكن يكون انت ليك رأي تاني او ميفرقش معاك يبقى ساعتها تمام و كمان العربية واطية عن السيراتو بس ده مديها ثبات.
رابعا: الثبات واحد تقريبا لأن العربيتين بجد ثابتين جدا على السرعات العالية و في الملفات.
خامسا: قوة جسم السيراتو أعلى من النيسان (عن تجربة) و استهلاك البنزين واحد تقريبا 10 لتر/100 كيلومتر
سادسا: السيراتو كاملة أوتوماتيك 98000 (هاي لاين 106000<abs,ebd,air bags, جنط 16 عريض>)
النيسان كاملة أوتوماتيك 94000 (الجديدة 104000؛<abs,ebd,ba,air bags بس>)
انت سيد قرارك و اسف على الاطالة...... :Zb_sor1[1]:
نسيت اقولك ان قطع غيار النيسان ارخص من السيراتو و لكن في رأي ان توكيل كيا أفضل من نيسان.....
توكيل نيسان نشيط واقوى من توكيل كيا
بنت خالتى معاها بيكانتو 2009 وبتقولى ان التوكيل تعبان جدا وبطىء فى الصيانات وتحس ان فى هرجلة
ياخسارة الخناقة خلصت :) ( بهرج طبعا )
---
عودة للموضوع الاصلي
انا شخصيا حفضل السيراتو الستيبترونيك .. بعيد كل البعد عن بلاد المنشأ و المصري و الياباني و قدسيته .
شكل السيراتو بالنسبة لي كفاية .. الصني شكلها كلاسيكي شوية في راي الشخصي . والسيارتين اثبتوا نجاح و انتشار ممتاز لحد الان .
بس في تعليق تاني برده
السيراتو خلاص بقت موديل قديم مع نزول السيراتو الجديدة او الفورتي و تبدا من 105 الف للاوتماتيك بمواصفات اعلي بكتير من الصني .
للاسف الصني مازالت ثابتة علي شكلها الكلاسيكي .. و في واحد فيها تجديد شوية في الواجهات ولكنها لم تطرح في مصر رسميا حتى الان .
بس عامة طول مالسيارة بتنتج و مفيهاش عيوب معروفة . حتفضل ذات شعبية خاصة عند الناس اكيد .
طيب سؤال واحد بعد إذنكوا لو انت معاك ال 90000 وكنت عايز عربية حلوة وواسعة وثبات وامان وتوكيل وموتور وعفشة وأداء يا ترى هتجيب سيراتو ولا صني حتى لو هتشتري مانيوال مش اتوماتيك يا ترى هتختار ايه وخلي بالك انك هتدفع 90000 واكثر يا ترى ايه اختيارك
http://www.postimage.org/aV1aK0qr.jpg