وصلنى اليوم الكيت بتاعة Alpine CDA-9887
إسمها KTX-100EQ Imprint Sound Manager

الكيت عبارة عن موديول صغير و مايك
الموديول بيتوصل على اللاب توب و الكاسيت
المهم عملت التوصيلات و نزلت السوفتوير على اللاب توب و بدأت أمشى مع الخطوات
ابتدا يختبر سماعة سماعة يطلع صوت من السماعة و المايك يستقبل

أول مشكلة ودى كانت غلطة منى - انه كان متوقع 2 صب وانا ماعنديش ولا صب واحد حتى

المهم خلص و طلع رسالة انه مش لاقى صب و ال أكمل والا لا
المشكلة التانية كانت ان بطارية اللاب توب قربت تخلص المفروض انه يجرب على 4 أماكن للمايك
مرة فى كرسى السواق و مرة فى النص و مرة ورا وهكذا
فقلت أكمل وخلاص عملت مرة واحدة والمايك فى النص
حفظت التغيرات فى الكاسيت
فصلت و شغلت الصوت فعلا إختلف
الصوت بقى تفاصيله أوضح التريبل والميد بيز أعلى والبيز مش عارف اوصفه إزاى كنت الأول بحس بهزات سريعة مع ترددات البيز الواطية 20 و 30 و 40 و حتى ال 50 عشان طبعا مافيش صب
الهزات قلت والبيز بقى أوضح

هحاول اعيد الضبط تانى بس اكوم موصل اللاب بالكهربا عشان أعمل كل المراحل

الخلاصة تقريبا قررت مش هجيب صب والسيستم كده زى الفل

فاضل بس أضبط ال Gain صح عشان السماعات تطلع كل اللى عندها بس محتاج Digital Multimeter

والسلام ختام