معطر للسياره لمده 6شهور ب 10 جنيه

**أشرف فتحى** · 04-03-2009 12:10 AM

بعد الجزء الاول ازاى تلمع عربيتك ب5 جنيه فقط
دى تبقى الحلقه التانيه من دليلك فى ترويش السياره باقل المصاريف والخساره.

الموضوع المره دى بصراحه جه صدفه مش شطاره منى والتفاصيل كالتالى:-
لو بصينا لمصاريف الكار كير نلاقيها باى حال من الحوال مش هاتقل عن 100جنيه
فبدأت ادور عن الكيماويات اللى بيستعملوها فى الكار كير وده مش موضوعنا دلوقتى لكن هانركز على الجزء الخاص بتنظيف الارضيه والسقف لانه ده مرتبط بموضوعنا
لو معاك اطفال زى حالاتى هاتلاقى بقع غريبه فى ارضيه العربيه ومش هاتعرف جت منيين
فى الكار كير بيفكوا الكراسى ويجيبوا ازازه بلاستيك فيها محلول لونه اخضر وريحته غريبه ويبدأ يدعك الموكيت لغايه ما يرجع زى الجديد ويشفط المياه بالهوفر وينشف الموكيت بالهوا المضغوط والمحلول ده غالبا ما بيسترخصوايشتروا الشامبو المخصص للعمليه دى ويستخدما مزيج من الصابون السائل اللى بيتباع فى البنزينه الزجاجه ب 2.5 جنيه والبنزين عشان بيطير بسرعه وبيطلعوا بيه البقع الصعبه
المهم انا مش مستعد افك كراسى والقلبان ده فقلت خلاص اجيب شامبو تنظيف السجاد واجرب بيه

وبالفعل اشتريت حاجه عباره عن بخاخه وعبوة اقتصاديه (يعنى من غير بخاخه)وبتاخد عليهم التالته هديه ب28 جنيه وبتتباع عند ماى واى (my Way)اللى فى الالف مسكن اللى فى جسر السويس ودى شركه فى العبور بيبيعوا مستحضرات تجميل على منظفات على برفانات على مواد غذائيه وكده
المهم شمرت القميص والبنطلون وهاتك يادعك بالمحلول المخفف بالشامبو ده لغايه ما الموكيت رجع جديد والمفاجأه بقى ايه انه طلع منظف ومعطر للسجاد والموكيت وريحته جميله وشيك جدا جدا جدا تقريبا نفس المعطر المستخدم فى المساجد لتعطير السجاد
طبعا خلصت ونشفت العربيه وسبتها وتانى يوم الريحه هيا هيا
تالت يوم برضه الريحه هيا هيا
حوالى اسبوع لغايه دلوقتى ما عملتش غير انى بخيت مره بالمحلول المخفف ده عشان الريحه تصحصح تانى وبالمعدل ده العبوه هاتكفى من 6 شهور لسنه ان شاء الله
والسلام عليكم ورحمه الله

نقل للكماليات بمعرفتى

مشرف القسم العام

**EslaM_NagY** · 04-03-2009 12:17 AM

ليا الشرف انى اكون اول واحد ارررررد

الففففففففف شكر

دايما كدة مظبطناااااااااا

**mo7a_mo7a** · 04-03-2009 12:19 AM

دا انت مشكلة

بسم الله ما شاء الله عليك عندك افكار حلوة جدا واقتصادية جدا جدا

فعلا لما تبص لمنظفات ومعطرات السيارة تلاقيها غالية جدا لكن هي هي نفس مكونات المنظفات والمعطرات المنزلية
وبكده ممكن نستخدم المنظفات المنزلية للسيارة ونوفر المبالغ دي

شكرا جدا

**mo7a_mo7a** · 04-03-2009 12:20 AM

فكرة علي الماشي انت ممكن كمان تستخدم منظف السجاد علي الكراسي لو الفرش قماش وحيديك نفس النتيجة وكمان حيدي ريحة اقوي لان الكراسي حتشرب اكتر بكتير
وممكن ترشه علي السقف بردو علشان يشرب الريحة

**mo7a_mo7a** · 04-03-2009 12:25 AM

المشاركة الأصلية كتبت بواسطة EslaM_NagY

ليا الشرف انى اكون اول واحد ارررررد

الففففففففف شكر

دايما كدة مظبطناااااااااا

انت اول واحد بترد علشان بتكتب جمل قصيرة

تحياتي

**ابوهاشم** · 04-03-2009 12:58 AM

شكرا ياباشا على المعلومه الجباره دى

**أشرف فتحى** · 04-03-2009 01:04 AM

المشاركة الأصلية كتبت بواسطة hashem1999

شكرا ياباشا على المعلومه الجباره دى

الشكر لله يا باشا واحنا فى الخدمه

**mo7a_mo7a** · 04-03-2009 01:23 AM

المشاركة الأصلية كتبت بواسطة أشرف فتحى

تمام كده ياباشا وتم تنظيف السقف من بصمات مجهوله الهويه

اما بالنسبه للكراسى فهى عندى جلد ودى احسن حاجه ليها هى والتابلوه تفتكر ايه؟؟؟؟
الفازلين
ايوه الفازلين العلبه المربعه اللى بتتباع فى الصيدليه والسوبر ماركت ودى ميزيتها غير اللمعان الرهيب والمنظر الشديد انها معدومه الرائحه وما بتعملش تداخل مع الرائحه المفضله ليك كمعطر للسياره يعنى على سبيل المثال انا بحب معطر اللافندر وعايز المع التابلوه وملمه التابلوه بريحه الفراوله او الفل هايحصل ايه الريحتين هايدخلوا فى بعض وبكده تكون حرقتلى موضوع الحلقه التالته يا دكتور

طبعا ده غير انه مالوش اى اثار جانبيه على الجلود اللى فى التابلوه او الفرش او فرش الابواب

بس الفازلين حيفضل منه اثار علي الجلد في الشقوق والثنايا والتجاعيد وحيلم تراب ويبوظ الهدوم

ومتقلقش علي الحلقة التالتة انا حكفي علي الخبر مجور

-

-

الموضوع: معطر للسياره لمده 6شهور ب 10 جنيه

LinkBack

أدوات الموضوع

عرض

معطر للسياره لمده 6شهور ب 10 جنيه - انشر الموضوع فى :

-

-

-

-

-

-

-

المواضيع المتشابهه

لليبيع سونى إريكسون xperia mini للبيع وباقى 6شهور على ضمانة

سامسونج بخطبن حالة الجديد وضمان 6شهور نهائى285 جنية

سيات معدله بالاسكندريه 4500 جنيه(يوجد صور للسياره)

معطر السيارة

للبيع سياره فيات (بولنيز) 1600 سى سى بمبلغ19000 جنيه مع صور للسياره بالمحمول

الكلمات الدلالية لهذا الموضوع

المفضلات

المفضلات

ضوابط المشاركة