الموضوع: .:::: سيات إبيزا 2009 - ::. Seat IBIZA 2009 ::.. First View

أولا - أنا أحد مستخدمى إبيزا 2009 ورغم استدامة بحثى عن سيارة بمواصفات جيدة واستقرارى على سيات ابيزا2009 إلا ان طلع الواقع غير الحقيقة تماما
ثانيأ - السيات الى محطوط صورتها دية 2010 وكمان اضعف بمراحل من 2009 وكل الى حلو فيها اللون الخارجى - وتكوينها الداخلى رخيص جداااااااااااا الكاسيت ماليزى والتابلوه مش بالجمال الى ظاهر فى الصور دية ابدا - موديل2009 تكوينة الداخلى رغم كل العيوب اغنى بكثير.
أما كلاهما فالصالون من الوراء مينفعش يقعد فيه غير حد بدون رجلين.

علاوة على ان توكيل سيات بالخارج اذا لجأتله فى اى شكوى لا بيحل ولا بيربط ولا بيرد عليك اصلا.

وتوكيل سيات فى مصر ربنا يكون فى عونهم ضايعيين فنياً علاوة على انهم كذابين وبيقولوا اى كلام فى الباذنجان.

بص يافندم: سيات ابيزا عربيتى المصونة موديل 2009

بتستهلك بنزين بمعدل 4كم / واحد لتر والطبيعى ان الصفيحه الى هيه 20لتر تعمل معدل من 230 الى 260كم
ولم يعترف به التوكيل الا بعد ان احضرت لهم مهندس استشارى خارجى وبعد ان استهلكت السيارة بنزين ل 11300كم (وهيهات ان حد يحللك حاجة او يسمعلك)


الموتور صوتة ولا صوت موتور التوك توك - والرد من الفنيين المصونين هو ان ده عادى
وبالفحص والتمحيص وسماع اصوات سيارات مماثلة لم يكن مطابق - عارفين صوت الموتور ده ممكن يؤدى لإية إن موتور العربية يكسر منى وانا ماشية على الطريق يعنى حياتى وحياة الناس الى ماشية

الفرامل مش بالكفاءة المفترضة

مسلمين العربية بزجاج منقر وتابلوه ودريكسيون متخربش وبالتراب فطبعا متقدرش تكتشف كل العيوب دية

الفيتيس فيه عيب

الكوتش فيه عيوب تصنيع وملهوش ضمان - ده وهيه عامله اقل من 3000كم وانت روح غيره على حسابك لعربية زيروووووووووووووو (متخيلين يا ناس)

العربية بتتمرجح على الطريق وكأنك راكب مركب فى البحر

المساعدين رايحين فى داهية - تاخذ المطب كأنك اخذت قنبله فى وشك

وكل ده ولما تكلمهم فى مركز الصيانه يردو عليك بكلمتين - عادى - ده هيه صوتها كده - الكوتش بره الضمان - اصلك بتجرى بالعربية عشان كده بتاكل بنزين - دوسى حبه حبه على دواسة البنزين - غيرى البنزينة الى بتمونى منها...................كلام مساطب مش مهندسين

وكانت النتيجة قضية فى حماية المستهلك لما نشوف هترسي على اية؟؟؟؟؟

الجميل انك متقدرش توصل لحد يديك كلمه مفيدة - همه باعو البيعه وخبطو الخبطة وخلاص على كده

حد يقولى المفروض انى اركب ابيزا تانى؟؟؟؟؟؟؟؟؟؟ او اتعامل مع الوكيل تانى؟؟؟؟؟؟؟ بجد الواحد مش عارف يشترى من مين؟؟؟؟؟؟؟؟؟؟؟؟؟ بيدو ناس ناس عربيات كويسة قرايبهم وحبايبهم عربيات على الفرازة لكن الى مش منهم عربيات الله اعلم بيها