ياريت تظبيط مقابله للوحوش

**Ramy_Tantawi** · 15-01-2009 12:18 PM

اخجلتم تواضعنا يا استاذ طارق ..........ربنا يبارك في حضرتك ويكرمك ..........انا والله باهزر مع حضرتك والوحوش مش اكثر وبعدين انا لا يمكن ان افوت على نفسي فرصه اني اتعرف على وحش محترم زي حضرتك ........يا راجل ده كفايه اني اطلع في صوره حضرتك اللي مصورها بنفسك بس ......وبعدين الحمد لله انا دايما الوحوش واحشني ولو قرروا يتقابلوا اي يوم في كوكب بلوتو حتى هامون العربيه واطلع على هناك على طول.........

--مقابلة الوحوش بجد حدث لا يفوت مهما كان المقابل وحضرتك هاتشوف ان شاء الله بنفسك لما نتقابل على خير--

انا بس يوم السبت عندي اصبح صعب جداً اي سبت عندي بيكون عندي مشاوير كتير فا لو جمعه هايكون افضل كتير .

عموما انا في انتظار اي جديد وان شاء الله انسق مواعيدي على الميعاد اللي الوحوش مجملاً يستقروا عليه والله الموفق.

**Ramy_Tantawi** · 15-01-2009 12:24 PM

المشاركة الأصلية كتبت بواسطة عمرو عمارة

إحنا ممكن يا رامي نعمل إعلان لمقابلة تانية ونشوف مين هايلم أكتر عدد ونشوف بقى يا عم طارق مقابلة مين الي هاتنجح

طبعاً أنا معاكم يا وحوش ولو إني من المعارضين للشيشة جداً.....ربنا يهديكم يا وحوش

طارق باشا أنا مع رأي أحمد نخليها السبت الي بعد الجي عشان الواحد يدبر حاله

عمرو باشا واحشني والله جداً ...... وفاكرك دايما والله مع كل فرمله بفرملها ..........الحمد لله من ساعت آخر درس علمتهولي وانا قلت اتعلم بضمير بقيت قاعد على الكرسي يادووب طايل الدواسات

وطبعاً مش عاوز اقولك مع كل دوسة فرامل جامده ياعمل انزلاق اضطراري تحت الدكسيون وباطلع تاني على طول

....

بمناسبة الشيشه والوحوش اللي بيحبوا يحافظوا على صحتهم ما تيجي نعمل يا عمرو حمله نخليهم يبطلوا البتاعه اللي بتحافظلهم على صحتهم دي وممكن نسمي الحمله ( خليها تفسي ) مع اني مش عارف ايه دي اللي نخليها تفسي لكن اهو على نفس الوزن وبرضه يبقى اسمنا عملنا حمله

**chato_eg** · 15-01-2009 12:35 PM

المشاركة الأصلية كتبت بواسطة Ramy_Tantawi

ما تيجي نعمل يا عمرو حمله نخليهم يبطلوا البتاعه اللي بتحافظلهم على صحتهم دي وممكن نسمي الحمله ( خليها تفسي ) مع اني مش عارف ايه دي اللي نخليها تفسي لكن اهو على نفس الوزن وبرضه يبقى اسمنا عملنا حمله

:k48::k48::k48::k48:

الله يجازيك يا رامى...أنا وقعت على الأرض من الضحك !!!

**عمرو عمارة** · 15-01-2009 12:44 PM

المشاركة الأصلية كتبت بواسطة Ramy_Tantawi

عمرو باشا واحشني والله جداً ...... وفاكرك دايما والله مع كل فرمله بفرملها ..........الحمد لله من ساعت آخر درس علمتهولي وانا قلت اتعلم بضمير بقيت قاعد على الكرسي يادووب طايل الدواسات

وطبعاً مش عاوز اقولك مع كل دوسة فرامل جامده ياعمل انزلاق اضطراري تحت الدكسيون وباطلع تاني على طول

....

بمناسبة الشيشه والوحوش اللي بيحبوا يحافظوا على صحتهم ما تيجي نعمل يا عمرو حمله نخليهم يبطلوا البتاعه اللي بتحافظلهم على صحتهم دي وممكن نسمي الحمله ( خليها تفسي ) مع اني مش عارف ايه دي اللي نخليها تفسي لكن اهو على نفس الوزن وبرضه يبقى اسمنا عملنا حمله

حبيبي رامي.....بكرة تتعود على الطريقة الي علمتهالك دي وتقول لنفسك أنا إزاي كنت بسوق كده

طبعاً أنا معاك في الحملة دي وممكن نفكر إزاي نفرض عقوبات على المدخنين

.....ربنا يهديهم جميعاً

**human** · 15-01-2009 12:56 PM

عايزين المقابله فى مركز شباب الشيشه بتاع علاء ولى الدين :)

انا مش عارف ازاى بس نسيت Chato-eg
حاجه تكسف

عايزين نحدد معاد طيب بعد ما شاركى يخلص
جمعه او سبت

**عمرو عمارة** · 15-01-2009 01:01 PM

المشاركة الأصلية كتبت بواسطة human12

عايزين المقابله فى مركز شباب الشيشه بتاع علاء ولى الدين :)

انا مش عارف ازاى بس نسيت Chato-eg
حاجه تكسف

عايزين نحدد معاد طيب بعد ما شاركى يخلص
جمعه او سبت

في الحالة دي أنا هاضطر أجيب الجوزة بتاعتي معاية وشوية ملوخية مضروبين عشان التقلية تعمل أحلى دماغ

**Ahmed Selim** · 15-01-2009 01:06 PM

شاركى هيخلص يوم السبت 31 أن شاء الله
يعنى كمان أسبوعين......أيه رأيكم ؟

وبالنسبة للشيشة.....متقلقش يا طارق.....حتى لو هيقعونا فى حتة مفيهاش شيشة.......أنا هجيب الشيشة بتاعتى معايا

**human** · 15-01-2009 01:23 PM

شكرا يا شاتو :)

المشاركة الأصلية كتبت بواسطة Ahmed A.Maksoud

شاركى هيخلص يوم السبت 31 أن شاء الله
يعنى كمان أسبوعين......أيه رأيكم ؟

وبالنسبة للشيشة.....متقلقش يا طارق.....حتى لو هيقعونا فى حتة مفيهاش شيشة.......أنا هجيب الشيشة بتاعتى معايا

طبعا لو احمد عبد المقصود مش هيبقى عندو شيشه بورتبال هتكون عند مين :)

المشاركة الأصلية كتبت بواسطة عمرو عمارة

في الحالة دي أنا هاضطر أجيب الجوزة بتاعتي معاية وشوية ملوخية مضروبين عشان التقلية تعمل أحلى دماغ

احىى الدماغ العاليه
ويسلام بقى لو فى جنينه المطار عشان الحشيش يبقى حوالينا :)

**Mustafa_Farouk** · 15-01-2009 04:00 PM

المشاركة الأصلية كتبت بواسطة Ramy_Tantawi

بمناسبة الشيشه والوحوش اللي بيحبوا يحافظوا على صحتهم ما تيجي نعمل يا عمرو حمله نخليهم يبطلوا البتاعه اللي بتحافظلهم على صحتهم دي وممكن نسمي الحمله ( خليها تفسي ) مع اني مش عارف ايه دي اللي نخليها تفسي لكن اهو على نفس الوزن وبرضه يبقى اسمنا عملنا حمله

أنا كمان ضحكت جداً و استغربت ، إسم الحملة غريب جداً دي على وزن يلا نغير النشيد الوطني بتاع رامي الاعتصامي يا رامي ؟!!.

-

الموضوع: ياريت تظبيط مقابله للوحوش

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

سؤال للوحوش

يعنى ينفع منعملش ولا مقابله لحد دلوقت .. دعوة للاول مقابله ((:

ياريت مساعده .. تظبيط لانسر 2009

مقابله المنتدي العامه &مقابله كيا مين رايح من اسكندريه

ياريت مساعده .. تظبيط لانسر 2009

الكلمات الدلالية لهذا الموضوع

المفضلات

المفضلات

ضوابط المشاركة