ممكن تسعرولنا العربية دي يا رجالة نايل موتورز؟

**عزوز** · 15-08-2007 09:47 PM

رينو رينبو موديل 99 تكييف وسنتر وزجاج كهرباء دواخل فابريكة بالكامل والسقف الخارجي ومعظم الخوارج فابريقة و4 كاوتش جديد نوفي وبطارية جديدة العربية بصراحة نظيفة اوي الحمدللة
لو سمحتوا يا رجالة سعرها كام بما يرضي اللة لأني بافكر اشتريها

**hazem_khidr** · 15-08-2007 10:19 PM

ممكن تقول 40 او 42 لو نضيفه اوي لكن ما تزودش عن كده علشان الرينبو من العربيات الممتازه اه لكن مالهاش سوق .و خلي بالك من قطع غيارها لو متوافره في النطاق اللي انت عايش فيه يبقي هاتها مش حتندم و لا حتزعلك انما لو مش متوافره يبقي شوف حاجه تانيه

**عزوز** · 15-08-2007 11:16 PM

شكرا يا عم حازم علي الرد السريع وعلي فكرة انا معجب جدا بمشاركاتك واهتمامك بردودك علي الاعضاء وواضح انك فاهم لأن ردودك منطقية جدا
بس ليا استفسار بسيط هي قطع غيارها غالية اوي يعني ولا في المعقول يعني قريبة من اللانوس كدة ولا اغلي بكتييير ؟ وأخيرا هي العربية دي بتنزل من غير باور ولا أيه؟
ومتقلقش يا عم انا ساكن في القاهرة يعني قريب من قطع الغيار

**hazem_khidr** · 15-08-2007 11:25 PM

الله يخليك يا اخ عزوز علي كلامك الحلو دا في حقي.
بصراحه ما اعرفش ازيد منها كتير ولا لاء بس الفئه دي عموما (الفئه العائليه الصغيره) المفروض اسعارها ما بتبقاش عاليه .
ممكن تنزل تلف و تسأل علي الحاجات اللي ممكن تحتاجها زي جوان تاكيها جنزير كاتينه سيور فوانيس حاجات من اللي ممكن تتهلك بسرعه بس.و اسف اني مش حعرف افيدك في الموضوع دا :)

**عزوز** · 16-08-2007 01:02 AM

شكرا يا استاذ حازم علي تعبك وعلي ردك وياريت لو حد من الاعضاء المحترمين يقدر يفيدني
وشكرا

**أبو عبدالله** · 16-08-2007 11:25 AM

لا أسعارها مش زي اللانوس خالص

لأن الدايو ارخص اسعار ممكن تلاقيها في السوق المصري

فلتر الزيت 15 او 17
فلتر الهواء 35
التيل 75 او 125 حسب النوع
الجوانات كلها بـ 150

**Hossam_Hassan** · 16-08-2007 11:56 AM

التيل يتاع اللانوس من 45 - 95 بالكتير و فلتر الهواء ب 25 و الموضوع ده فيه معلومات أكتر

http://www.nilemotors.net/Forum/viewtopic.php?t=636

**أبو_حمزة** · 16-08-2007 12:57 PM

واحد زميلى فى الشغل معاه العربية دى من حوالى 3 سنين
كل يوم بيعمل بيها على الأقل 120 كم و مبسوط منها جدا و على حد علمى مش بيفكر يغير رغم انه يقدر
حسب كلامه اسعار قطع الغيار متوسطة (أغلى سنة بسيطة من هيونداى اكسيل) بس متوفرة بدون مشاكل
ده رأى صاحبها بدون تجربة شخصية ليا

**عزوز** · 17-08-2007 01:34 AM

شكرا يا باشا علي الرد المفيد بس ياريت لو عندك معومة عن اسعارها بالاخص موديل 99 يبقي تشكر يا مان

الموضوع: ممكن تسعرولنا العربية دي يا رجالة نايل موتورز؟

LinkBack

أدوات الموضوع

عرض

ممكن تسعرولنا العربية دي يا رجالة نايل موتورز؟ - انشر الموضوع فى :

-

-

-

-

-

-

المواضيع المتشابهه

---:::::::::::::: كل سنة وى انتم طيبين يا رجالة نايل موتورز ::::::::::---

طلب من رجالة نايل موتورز

العربية اتسرقت يا رجالة نايل موتورز

ياريت تسعرولنا العربية دي يا رجالة نايل موتورز علشان نعرف نبيعها

ممكن تسعرولنا العربية دي يا رجالة نايل موتورز؟

الكلمات الدلالية لهذا الموضوع

المفضلات

المفضلات

ضوابط المشاركة