الموضوع: حل اخير لصوت الاقمشة المزعج

تيل الفرامل لما يطلع صوت(ده لو مكنش نتيجة اتربه او وسخ على التيل و الطنابير) معناها ان السبيكه الى معمول منها التيل ناشفه و بتاكل فى الطنابير و مهما تصنفر فى التيل الصوت مش هيروح. هيخف و بعد كده يرجع تانى. طب ليه؟ لان مع فك التيل و صنفرته مساحة التلامس مع الطنابير قلت. و لما التيل يطبع = مساحة التلامس تقريبا مساحة التيل الصوت هيرجع تانى و حلها انك تغير التيل حتى لو كان لسه جديد و تجيب نوع كويس لانك لو استخصرت و استعملته هيبوظ الطنابير

المشاركة الأصلية كتبت بواسطة l0new0lf

تيل الفرامل لما يطلع صوت(ده لو مكنش نتيجة اتربه او وسخ على التيل و الطنابير) معناها ان السبيكه الى معمول منها التيل ناشفه و بتاكل فى الطنابير و مهما تصنفر فى التيل الصوت مش هيروح. هيخف و بعد كده يرجع تانى. طب ليه؟ لان مع فك التيل و صنفرته مساحة التلامس مع الطنابير قلت. و لما التيل يطبع = مساحة التلامس تقريبا مساحة التيل الصوت هيرجع تانى و حلها انك تغير التيل حتى لو كان لسه جديد و تجيب نوع كويس لانك لو استخصرت و استعملته هيبوظ الطنابير

فى الحقيقة ده كلام صحيح واحب ان اضيف السبب ان التيل ناشف هى نسبة مادة النحاس المضافة الى التيل
والفكرة فى الموضوع ان الصنفرة ليست لكل التيل ولكن لحرف التيل راجع الرسم هى فكرة جديدة ولكنى اختلف معاك فى ان التيل الرخيص يكون هو السبب بالعكس التيل الاصلى يكون انشف من التجارى ويظهر الصوت اكثر اذا غيرت التيل بدون خرط وتسوية الطنابير

1- قبل ما تركب تيل جديد لازم يتصنفر كله على سطح مستوى علشان نضمن ان مفيهوش عالى و واطى نتيجة التصنيع مش الحواف بس
2- مش المفروض انك تخرط الطنابير كل مره تغير فيها التيل. و المفروض انك تقيسها كل مره تغير تيل علشان لو لقيت معدل التاكل زاد تغير نوع التيل. و خلى بالك ان ممكن تكون المشكله اساسا ان الى خرط الطنابير خرطها غلط. و دى تحسها لما تدوس فرامل تلاقى البدال تحسه بيطلع و ينزل تحت رجلك. و ده معناه ان الطنابير فيها عالى و واطى نتيجة الخرط الغلط . مش عيب تيل. عيب صنايعى
3- لو راجعت كلامى كويس هتلاقى انى مجبتش سيرة اسعار
انا قلت تجيب تيل كويس يعنى نوع كويس بغض النظر عن سعره لانه حتى لو كان غالى قطعا هيكون ارخص من جوز طنابير جداد
و اياك تخلى حد يظبطلك الطنابير بالصاروخ grinder . لازم مخرطه