الموضوع: أسألــــــكم الدعــــاء لوفاة اخوتى

المشاركة الأصلية كتبت بواسطة Ahmed A.Maksoud

مع أحترامى لحضرتك.....وبعيداً عن موضوع المقاطعة.....مش معن أن واحد يقول رأيه ويختلف مع رأى حضرتك يبقى رأيه مستفز.

أنا معظم الحاجات دى مش بتعامل معاها ألا نادراً ( مسحوق غسيل أو معجون أسنان أخرى...ده لو أشتريتهم من الأنواع دى أصلاً )

بس هو فعلاً السؤال اللى المفروض يتجاوب عليه
مين أول واحد هتضره المقاطعة؟؟؟ مش العامل المصرى اللى شغال فى الشركة دى سواء هى تشاين أو فرانشيز ؟؟؟
طب الشركة دى لو قفلت....حد منكوا حيصرف عليه وعلى عيلته لحد لما يلاقى شغل...ده بفرض أنه هيلاقى شغل بسهولة زى ما حضراتكم بتقولو.

أنا شايف أن أحسن من الكلام و أحسن من المقاطعة هو التبرع بأى حاجة......فلوس.....أدوية....هدوم ......بطاطين....

و أعتقد أن أقتراحى هيبقى له أثر أسرع ووقع أحسن على الأخوة فى غزة ثبتهم الله.

ياسيدى الفاضل انا لم اقصدك ولم اقصد اى شخص وانا كلامى عامه بصفه عامه هناك من يقلل من قوه المقاطعه مع ان الغرب واسرائيل نفسها تكبدت خسائر بالملايين بسبب المقاطعه

اذن هى سلاح فعال

اما عن ان المقاطعه هتضر بالعماله المصريه فهذا غير صحيح اطلاقا

لان الرزق بيد الله وقد قدر الله للناس ارزاقهم من قبل ان يخلقهم اذن فلن تنال نفس الا ماقدر لها الله واعلم ان مالم يحصل عليه احد من وجهه نظره فاعلم ان الله قدر الا يكون له الا ماقدره هو

ثم ان الله امر بذلك ان نتماسك ونشد بعضنا بعضا واعلم ان الله ربما يرزقنا من حيث لانحتسب بسبب هذا العمل

اخى لم نموت من الجوع والله ولن تموت نفس الا بعد ان تستكمل عمرها ورزقها فكن مطمئن

كل المنتجات المذكورة ليها بديل وبديل نظيف كمان.....الموضوع عايز إجتهاد وعزيمة وإخلاص النية

الموضوع فعلا له دور فعال جدا بس لازم نحدد أولوياتنا زي ما تفضل أ.اسلام جلال

يمكن تصنيف المقاطعه أولويات

1- أولوية أولي طبقا لنسب الأرباح و بالتالي كل ما هو مصنع في أمريكا و أتباعها (Made in USA &...).
2- أولوية ثانيه كل ما هو مملوك لشركات أمريكية و أتباعها و يصنع خارجها مثل شيفروليه دايو مثلا بفكرة Chain.
3- أولوية ثالثة كل ما هو بنظام الفرانشيز مثل ماكدونالدز و غيره

وده لأننا للأسف بنحب دائما الهرجلة ومش بنعمل حاجة في الآخر بس لو مشينا بنظام هنقدر نوصل لحاجة .
وطبعا اقتراح اننا نوفر من رفاهياتنا لأجل اخواننا في فلسطين حتى وان متبرعناش بالفرق هيكون ليها عامل نفسي مهم جدا وهو احساسك بيهم ..
يعني مثلا وانا مش بطلب من اي حد يعمل كده بس لو كل واحد قعد يوم كامل في بيته (ونخليها يوم اجازة ) بدون كهرباء !! مش هيحس باخوانه ساعتها وبمعاناتهم وعمره ما هتجيله الجرأة انه يقول الكلام اللي بيتقال انهم "يستاهلو" !! وهيخلي كل فرد في البيت يحس بيهم؟؟

انا مع اخونا العزيز كريم منير فى كل ما يقول و الحمد لله مقاطع من زمااان

موقع لجنة المقاطعة بالاسكندرية

http://www.kate3.com/

المشاركة الأصلية كتبت بواسطة عمرو عمارة

كل المنتجات المذكورة ليها بديل وبديل نظيف كمان.....الموضوع عايز إجتهاد وعزيمة وإخلاص النية

للأسف يا جماعة
معظم المنتجات دي مالهاش بديل بنفس الجودة في السوق المصري
انا مش بقول كده حبا في الدول دي بس
المقاطعة سلاح في ايد البلد ورجال الأعمال انهم يوفروا البدائل بأسعار أقل وجودة أعلى وبلاااااااااااااش الطمع

يا جماعة انا عايــــــــــــــــــــــ ز اقول حاجة بعد اذن الاعضاء
حتى لو جزء كبير مننا قاطع المنتجات دى هل
اللى برة هيقولو يلاهوى احنا هنخسر يبقى لازم نحترم نفسنا ومنحتلش حد ولا نفرض سيطرتنا على حد؟
وحتى لو هنتكلم باضعف الايمان
برضو يا جماعة مش هياثر معاهم فحاجة
انا عايز اقول ان موضوع المقاطعة دى حاجة نفسية اكتر ما هيا حاجة تاثير بالسلب على الاقتصاد الامريكى او الدنيماركى او او