الموضوع: اشتري السيريون ولا

المشاركة الأصلية كتبت بواسطة lancelot

و تقريبا ان الكاملة 1500 هيا الوحيدة اللي فيها ABS ومعاملات الامان التانية (حد يصححلي لو انا غلطان) ...

مش هاقدر أفيدك في كل أسئلتك
أكيد الأخوة هايقوموا بالواجب
بس بخصوص الجزء المقتبس المعلومة اللي فيه مش صحيحة لان معاملات الأمان بما فيها الـ ABS موجودة في الموديل ال 1300 GLX اما عن الأيرباجز الاتنين فهما موجودين في كل الموديلات بما فيها الموديل المانيوال

وربنا يرزقك حسن الاختيار ان شاء الله

بص أخي الفاضل
لو حضرتك جربت الجيتز
ممكن تستنى مقابلة اعضاء دايهاتسو وتحضرها وتجرب العربيه بنفس وانت هتعرف الفرق ان شاء الله
وانصحك بكثرة الأستخارة طبعا لكي ترزق الخير بإذن الله

امام بخصوص المواصفات كما وضح اخي على فعلا
ان العربيه بكل موديلاتها بيبقى فيها اير باجز استاندر في العربيه والزاج الكهربائي والباور

اما ABS بيبقى في الموديلين 1.3 و 1.5 GLX بس

العربيه محترمه جدا وادائها عالي ولو لفيت وشوفت تقييمات ملاكها هتعرفها اكتر ان شاء الله

كل حاجه هتلاقيها هنا ان شاء الله

^^** == كل ما تحتاجه عن السيــــــريـون == ** ^^


----------------------------------

العربية تستحق الانتحار مش سنة واحدة بس (لا ياعم انا بهزر انت غالى عندنا ) بس بجد العربية مفيش علها غبار وهيا اقوىىىىىىىىىىىىى عربية فى فئة الهاتش باك الصغيرة
يعنى لو قدرت تجيبها اوعى تتردد دى كفاية انها يابانى ومع كل الناس شغالة بحالة الزيرو سفر مشاوير مستعجلة كل حاجة ماقلتش لا (بسم الله ما شاءالله )

انا كنت في نفس موقفك بالضبط من سنة و شوية
أول عربية و بقارن بين السيريون و الجيتز و معاهم الأفيو

جبت سيريون في الأخر لأن عجبني شكلها (جوة و برة )
إلي جانب إن تجهيزات الأمان فيها أحسن .
و أضف علي ذلك إنها إقتصادية في البنزين لأن انا مشاويري كلها طويلة فا مش عايز عربية تبقي بلاعة بنزين .

أضف علي ذلك إعتمادية دايهاتسو و التوكيل أفضل من غبور طبعاَ ده شئ لا غبار عليه كما أنها كانت أوسعهم و أحدثهم شكلاَ (الجيتز أعتقد خلاص شكلها هيقف) .

و بعد تجربة سنة و شوية الحقيقة انا غير نادم علي إختياري تماماَ بالعكس الحمد لله سعيد به ، و تقدر من المنتدي تشوف إن ملاك العربية مبسوطين منها و من Reviews النت هتلاقي ناس عدت بيها ال 60 و 70 ألف و مبسوطين بإعتمادية العربية كما أن المواقع نفسها بتقول أنها أفضل سيارات المدينة .

فا لو بتقارن بين السيريون و الجيتز أرشحلك السيريون .
و ربنا يوفقك للأفضل لك .