الموضوع: قرار منع استيراد السيارة الا من بلد المنشاء فقط

طبعا هذا القرار يهدف لحماية مصلحة الوكلاء لان السيارات الخليجي -علي سبيل المثال- ذات مواصفات أفضل مما يجلبه لنا الوكلاء أو يجمعونه محليا علي مزاجهم دون الاهتمام بوسائل الامان او مواصفات بحجة أنها كماليات تم نزعها لتخفيض السعر و لكن الحقيقة غير ذلك

لذا فأنا مع المقاطعة ليس من أجل خفض السعر فقط و لكن من أجل تحسين جودة و مواصفات السيارات سواء المستوردة أو المجمعة محليا لأنه ببساطة من حقنا ان نركب سيارات زي الخلق اللي بره

يا جماعه نفسي الناس تفوق من وهم ان الحكومة حتسمح بنزول الاسعار حتي لو وافق الوكيل والموزع ... يا جماعه دي سياسة دولة متعلقة بالسيولة المرورية وخريطة الطرق بعيد عن اي حاجة ....

الموضوع دا ممكن ينجح في اي دولة في العالم لان طرقهم تسمح بكدة واكتر ... لكن مصر مستحييييييييييل .....

المشكلة ان احنا عملين حملة علي العربيات ... ونسيين البنزين.. والاكل والشرب وخلافة .... كأن العربية هيا اللي حتاكلنا وتشربنا...

يا جماعة نفكر بالمنطق والعقل قبل الركوب وضرب الكلاكس...

اقسم بالله انا مليش علاقة لا من قريب ولا من بعيد بتجارة السيارات عشان محدش يزايد علي كلامي ...

يعنى هى خلاص هى دية إللى هتحمى البلد
سبحان الله - حسبى الله ونعم الوكيل

طب يشيلوا الجمارك أو يخفضوها - العربيات برة مصر رخيصة قوووى وجوة مصر مولعة نار على الرغم من الدخول القليلة للمصريين - ورغم كدة عاملين يخنقوا عمال على بطال

مين اللى قال ان سبب نقص المبيعات هو وجود العربيات الخليجى فى السوق؟؟ العربيات الخليجى أسعارها منزليتش و حملة المقاطعة شغالة فى الخليج زى ما هى شغالة عندنا، و تجار الخليجى عندهم مخزون راكد زيهم زى التوكيلات و كدة كدة حيخافوا يجيبوا أى عربيات جديدة حتى لو أسعاها أقل عشان هم محتاجين يصرفوا المخزون اللى عندهم الأول.


ثم ايه اللى يمنع لو واحد راح جاب عربية ألمانى من ألمانيا أو فرنساوى من فرنسا أو برازيلى من البرازيل بالأسعار المخفضة و نزل بيها مصر؟ أهى من بلد المنشأ المرة دى ... ناقص بقى يطلعوا قرار بمنع دخول العربيات لمصر الا عن طريق التوكيل و فى الحالة دى يبقى قرار مخالف لقانون منع الاحتكار.