لسة شارى بيتل 1965 من اسبوع و عندى شوية استفسارات

**amo400** · 15-01-2009 07:51 PM

اولا عندى مشاكل فى الغيارات حاسس انها بتعض

**ahit** · 15-01-2009 08:27 PM

المشاركة الأصلية كتبت بواسطة amo400

اولا عندى مشاكل فى الغيارات حاسس انها بتعض

السلام عليكم و رحمة الله و بركاته

مرحباً بيك عضو جديد معانا فى البيتل
و ألف مبروك العربية و ربنا يباركلك فيها و يكفيك شرها
و نتمنى إنك تتفاعل معانا بموضوعات جديدة أو الدخول على هذا الرابط لإضافة معلومات عن عربيتك و صور ليها و استفسارات و تجارب و غيره
http://www.nilemotors.net/Nile/showthread.php?t=48636

أما بخصوص سؤالك :
هل كل الغيارات بتعض و لا غيار معين ؟
لو كل الغيارات يبقى ممكن يكون الدبرياج ما بيخدش مشواره كامل للأخر و يمكن محتاج تعلية أو تحتيه شىء بيعوقه إنه ينزل للآخر مثلاً .
أو زيت الفتيس عاوز يتزود أو تغيرو بزيت 90 فى أى بنزينة محترمة .
و من الأفضل أولاً إنك تروح لميكانيكى كويس و أمين و فاهم يكشف و يقولك ممكن يكون من إيه , وأنا برشحلك الحاج محمد على الميكانيكى و عنوانه :

العنوان :موقف ميكروباص ألف مسكن على يمينك كمل على طول لغاية لما تلاقى ملاهى على الشمال لف و خش من بعدها يمين فى يمين و إسأل على قهوة سلطانة هو الشارع اللى بعدها على طول
يعنى قهوة سلطانة على ناصية الشارع شمال تخش الشارع ورشة الحاج محمد أول ورشة على اليمين بعد ما تخش الشارع بعشرة متر
موبايل الحاج محمد : 0129305520
دا رقم إبنه عمرو : 0166552904

و أى حاجة أنا فى الخدمة لوجه الله تعالى

**drjadoire** · 16-01-2009 05:53 AM

بص يا مان
المشكله دي كانت معايا اول مجبت البيتلز بتاعتي
وكان مشاكل في الغيار والعربيه واقفه خصوصا لما تطلع عالاوةل والتاني
عارف بنسبه 80 بالميا
الجراب بتاع سلك الدبرياج حتلاقيه مكسور وده حصل معايا لانك مكنتش واخد عالغيار في الاول
وشوف برده ميكانيكي محترم يكشفلك عليه

**ابوهاشم** · 16-01-2009 08:37 AM

والله ممكن يكون مافيش اى مشاكل عندك بس علشان انت لسه شاريها ومش متعود على غياراتها اصل غيارات البيتلز لازم تتعود عليها مش زى اى عربيه تانيه وبرضه برشحلك الحاج محمد على زى ماقاللك الاستاذ احمد حسن وهو ان شاء الله هيقولك ان كان فيها حاجه ولالا
انا كنت عنده امباح وكنت بشتكى من غيار المارشدير وبرضه قاللى مافيهوش حاجه خالص وظبطلى الفرامل وحتى كنت بساله ان عربيتى اوقات بعد مااركنها بلاقى نقط زيت تحتها وبرضه قاللى طبيعى بس نصحنى اروح اغسل الموتور بالجاز

**أحمد سالم** · 16-01-2009 02:30 PM

السلام عليكم
مبروك عليك يااخ amo400

العربيه وربنا يباركلك فيها اولا لو عربيتك حالة الفتيس بتاعها كويس هى طبيعى بتبقى الغيارات فيها مش خفيفه وممكن يتهأ لك انها بتعض فى بداية دخول الغيار مكانه وده طبيعى ومن مميزات البتلز ان كل غيار فى مكانه مش بتبقى عصاية الغيارات سايبه زى عربيات تانيه كتير لو كنت بتركب فيات قبل كده هتحس ان البيتلز بتعض ثانبا كلام الاخ احمد حسن حاول تشوفه برده بس انا انصح بزيت فتيس 140 وليس 90 لأن 140 زيت كثافته قويه وبيحافظ على التروس اللى جوه الفتيس طبعا فى ناس كتير اول مابيشترو البيتلز مابيعرفوش انها بتحتاج زيت فتيس هل انت كشفت على الزيت من ساعة مااشتريتها؟؟
لانى مره قابلت واحد فضل بالعربيه حوالى سنه وهو مايعرفش انها بيتحط ليها زيت فى الفتيس لغاية ماركبت معاه ولقيت الغيرات صعبه عنده وبتعمل صوت فقلت له على الزيت وراح فعلا كشف عليه لقاه ناقص جدا
لو زودت الزيت واستمرت المشكله حاول تروح للحاج محمد على وهو ان شاء الله هيحل لك المشكله
وأى اسئله احنا فى الخدمة لوجه الله

**adelmagdy** · 16-01-2009 11:54 PM

زي ما قال الاستاذ احمد سالم تغير بزيت فالفالين 140 والكلام ده سئلت فيه عمرو محمد علي قولتله انا بحط زيت 140 قاللي ده الصح بس انا ليا استفسار ازاي الفتيس بيعض عادي في البيتلز انا عندي الفتيس ناعم بغباء وسلس جدا بالرغم ان العربية عايزة كاوتش فخد علشان بتنقط زيت فتيس

**ahit** · 17-01-2009 01:11 AM

السلام عليكم و رحمة الله و بركاته

أولاً :أتفق مع كل اللى إتكتب من جميع الأعضاء المشاركين فى الموضوع.
ثانياً : هو طبعاً زيت 140 أفضل من وجهه نظرى و لكن الأستاذ/ amo400 بيقول أو بيسأل عن ما إذا كان هناك مشكلة أم لا فى الفتيس و انا رديت بإنه يحط زيت 90 لأنه مش بيدارى عيوب الفتيس و فى بعض الأحيان بيخلى الفتيس أنعم و أسهل و هو اللى هايبين إن فيه عيوب فى الفتيس ولا لأ ( بمعنى آخر 2 كيلو زيت فتيس بـ 20 جنية زيت 90 أفضل من إن ميكانيكى قد يكون غير أمين يعمل شغل على الزبون ) و دا من وجهة نظرى الخاصة .
ثالثاً : يمكن مراجعة الموضوع التالى بخصوص زيت الفتيس
http://www.nilemotors.net/Nile/showt...E1%DD%CA%ED%D3

**original** · 17-01-2009 03:18 PM

مبروك ياترى سعرها كام؟؟؟

**ابوهاشم** · 20-01-2009 02:20 PM

المشاركة الأصلية كتبت بواسطة adelmagdy

زي ما قال الاستاذ احمد سالم تغير بزيت فالفالين 140 والكلام ده سئلت فيه عمرو محمد علي قولتله انا بحط زيت 140 قاللي ده الصح بس انا ليا استفسار ازاي الفتيس بيعض عادي في البيتلز انا عندي الفتيس ناعم بغباء وسلس جدا بالرغم ان العربية عايزة كاوتش فخد علشان بتنقط زيت فتيس

الغيارات فى البيتلز مش بتعض ولا حاجه هى الفكره كلها ان البتلز غياراتها مختلفه ولو حد متعود على غيارات الفيات مثلا لما يركب بيتلز الغيارات تعاكس معاه لانه مش متعود عليها لكن اى واحد مننا علشان متعودى عليها بيكون غياراتها سهله ليه

**amo400** · 21-01-2009 05:43 PM

شكرا جزيلا لكل من شارك بجد انا مشترك فى منتديات كثيرة عمرى ما لقيت ناس محترمة و جدعة زيكم كده انا اسمى ايمن فتحى و زى ما قولت لسه شارى عربيتى موديل 65 من كده يبقى اسبوعين اشتريتهخا من ولد فى معهد اسينيما و بصراحة تعب فى شدها كان لونها احمر و خلاه اسموك سلفر او رمادى مدخن الماتور 1300 سى سى نقلت الملكية و ثبت اللون على الرخصة و ابتديت رحلة العشق للسيارة الرائعة الى كانت غايبة عن بالى نهائى لحد ما اعز اصدقائى قالى عليها هوا ما شاء الله معاه تريوس 2 2008 و لم ينسى البيتل ابدا و فرح جدا لما انا سمعت كلامه و اشتريتها انا كان معايا 127 و جننينتى انا بصراحة كنت خلاص على وشك اجيب كيا بيكانتو زيرو قسط بس انا ساكن فى مصر القديمة و عندنا مطبات تهد اجدع عربية و بصراحة انا بسوق و مبخفش و محتاج عربية دبابة و البكانتو بيبى خالص .........

المهم رحلتى مع السيارة
1 - اتعرفت على كهربئى بيتل اسمه مسعودج محترم و مؤدب بس مش فاهمنى فاكر انى جبت العربية ديه عشان انا غلبان و معاييش فلوس كل لما اقوله عايززين نعمل عدادا ار بى ام او سنتر او زجاج كهربا يقول لا حرام واحده واحدو و بسكت عشان ميقولش ده فلوسه كتير و يطمع

2 - جبت طقم النواكل من مدينة نصر الحى السابع عن واحد بتاع قطع غيار بيتل عنده عربية بيتل و بيحبها جدا

3 - رحت الوكالة وكالة البلح عند اثنين بسال عادى عن حاجاته و قطع غيرها لقيت واحد اسمة الصفتى بس بينى و بينكم محدش يعرف يروح الوكالة و بعرف يتفرج او يشترى الا لما يكون صنيعى اما زبون ميعرفش

4 -ركبت كلاكس طات

5 - الفتيس اتعودت عليه شوية بس الاول بينط لما احرق عليه واكيد فيه حاجة انا معرفهاش فى موضوع الفتيس بس ايه مواصفات مشاكل الفتيس الى لازم يتغير؟؟؟؟؟؟؟

6 - اخويا هايعملى علبه بلاستيك بغطاء زى صندوق يعنى عشات البطارية تتحط فيه و تتنعزل تماما و هايكون فيها مخارج السلك

7 - العربية جميلة ما شاء الله ثقة فى الاداء المريوطية مدينة نصر على الدائرى بالليل 120 140 بدون مبالغة

8 - فرامل اليد مضيقانى جدا بتشغلل كلها و عمله صوت مزعج

9 - نفسى اخف صوت الماتور
10 - نفسى ارصص و اظبت زوايا مش عارف فين

11 - خايف اروح لعم محمد القيه مشغول جدا و بصراحة انا ما بحبش مشوار جسر السويس خالص مع اعتزاى لجسر السويس

12 - العجل قدام فى المطبات بحس انه مفكوك
13 - ان شاء الله هاحضر صور و ابعتها
14 - عايز اجيب نواكل الشبكات الخلفية و عايز اجيب غطاء استبن بتاع عربية جيب و احط الاستبن ورا
15 - واحد قالى هاجيبلك ستاير على الرخصة و لما يصدق هاعملها انترية و اركب ستاير خلفية
16 - عايز اجيب عداد ار بى ام و عداد سرعة يكون شكلهم قيم
17 - ما فيهاش حزام امان حاطط حزام شنطة برميه عليا لما يكون فيه حاجة

((((( انا اتكلمت كتير جدا اسف )))))

اخوكم المتشكر جدا ايمن

الموضوع: لسة شارى بيتل 1965 من اسبوع و عندى شوية استفسارات

LinkBack

أدوات الموضوع

عرض

-

-

-

-

-

المواضيع المتشابهه

انا عايز اجيب عربية تيمبرا بس عندى شوية استفسارات

بروتوناوى جديد وافتخر بس عندى شوية استفسارات

انا عايز اجيب عربية تيمبرا بس عندى شوية استفسارات

شوية استفسارات ؟

الكلمات الدلالية لهذا الموضوع

المفضلات

المفضلات

ضوابط المشاركة