ينفع اسافر بعربيتي البيتلز اسكندريه بحالتها دي اعمل ايه

**drjadoire** · 16-01-2009 06:05 AM

هااي شباب
انا زي مانمتم عارفين بقالي تلات شهور جايب البيتلز موديل 78 برازيلي
هي تقريبا موتورها ممكن يكون خفيف بس مش بتاكل زيت قوي يعني
الكاوتش جديد
ابلاتين وكوندينسر جديد
بس البوجيهات مستعملين لسه مغيرهم
يا تري ينفع اسافر اسكندريه اقضي يوم وارجع بلليل
وياتري العربيهةتمشي المسافه دي من غير متقف في السكه
انا بيني وبينكم خايف لاني اول مره اسافر بيها
ولو وقفت تبقي مشكله

يا تري تنصحوني بايه
واتوكل علي الله واسافر ولا بلاش ولو اسافر اعمل حسابي في ايه عشان اضمن انها متقفش
او اجي ادور في اسكندريه متدورش او من كتر المسافه تقف
مستني ردودكم يا شباب
ودي صوره العربيه

**aymansaad** · 16-01-2009 07:47 AM

توكل على الله وسافر بس ما تقرص عليها واطمن على الزيت اول بلول وامشى الطريق الزراعى لانه اكثر ونس

**samirayad** · 16-01-2009 08:13 AM

دا بيتوقف برضة على شطارتك فى الميكانيكا...فلوبتعرف تحلل مشاكل وممكن تعمل الصيانات الخفيفة للسيارة...مثل نظافة الكربراتير وتنظيف بك السلانسية وخلافة....فتوكل على الله ....بس ابقى سافر بدرى وارجع بدرى وياريت يكون معاك حد...مش لوحدك....وابقى خد معاك طقم بوجيهات احطياطى.....غير كدة ما أنصحكش

**samirayad** · 16-01-2009 08:16 AM

المشاركة الأصلية كتبت بواسطة samirayad

دا بيتوقف برضة على شطارتك فى الميكانيكا...فلوبتعرف تحلل مشاكل وممكن تعمل الصيانات الخفيفة للسيارة...مثل نظافة الكربراتير وتنظيف بك السلانسية وخلافة....فتوكل على الله ....بس ابقى سافر بدرى وارجع بدرى وياريت يكون معاك حد...مش لوحدك....وابقى خد معاك طقم بوجيهات احطياطى.....غير كدة ما أنصحكش

يفضل أيضا التجربة للاّداء فى مشوار قصير الأول...للاطمئنان

**ابوهاشم** · 16-01-2009 08:28 AM

ينفع قوى توكل على الله كل اللى مطلوب منك انك ماتقرصش على موتورك يعنى كبيرك 70ك فى الساعه اكتر من كده غلط على الموتور
وطبعا يكون معاك زيت احطياتى وربنها يسترها معاك ومعانا

**fahd_628** · 16-01-2009 12:26 PM

عادى يا باشا دة كان عندنا 128 كانت شغالة 100 كم فى اليوم و مكنتش بتقول لأ

المهم انك متزودش سرعة جامد يعنى حسب احساسك بالموتور ميكونش بيزعق يكون صوتة كويس انا بصراحة معرفش السرعة دية كام

و انت ادرى بحالة عربيتك يعنى لو بتعطل منك فى المدينة يبقى بلاش لكن لو مش بتعطل يبقى توكل على الله

**drjadoire** · 16-01-2009 12:35 PM

ايوا بس انتم كده خوفتوني
الموتور يا جماعه مفيهوش حاجهيعني قوي
هو بس موضوع الدخان اللي لما العربيه بتقف فتره طويله وتسخن في الزحمه تطلع دخان ابيض بسيط
لكن وهي ماشيه مش بتطلع حاجه
اما بالنسبه للمشاوير القصير
انا بروح بيها من الهرم لمصر الجديده مرتين اسبوعيا
وكل يوم بروح لرمسيس
العربيه بتجري معايا ل120 وهي مستريحه وانا لامس البنزين
بس هو عشانم اسافر لازم اخد زراعي وانا ساكن في الهرم
ولازم يعني افهم في الميكانيكا واعرف انظف الكاربراتير واغير بوجيهات

لو حد من الشباب عمده خبره هل فيه ميكانيكي فولكس في اسكندريه ولو فيه يا تري نمرته كام او مكانه فين احتياطي يعني ولو تعرفوا اكتر من واحد ياريت تقولولي

**أحمد سالم** · 16-01-2009 02:22 PM

السلام عليكم
اخى الفاضل اولا اتكل على الله البيتلز ياأخى عربيه مش موتسيكل يعنى تسافر فلسطين مش اسكندريه بس كل اللى عليك انك لو بتحس ان الزيت بينقص خالى معاك زيت ااحتياطى ولو جبت سير دينامو برده خليه للاحتياط مش اكتر بس وسافر لو حصل معاك ى حاجه كلمنى او كلم الاستاذ احمد حسن او كلم الحاج محمد على الميكانيكى انا سافرت اسكندريه اكثر من مره واحمد حسن بيسافر بعربيته كثير جدا جدا الاسكندريه الاسماعليه بحكم شغله وعمرنا ماحصل حاجه معانا فى الطريق انا السير قعد معايا فى العربيه احتياطى بقاله سنه ونصف ومستخدمتهوش ولا عمرى زودت زيت خالص انا بس بخليه للاحتياط
سافر ياأخى واعرف انك راكب عربيه وعربيه جامده كمان طبعا قبل السفر بنتأكد من ظبط الهواء فى الاطارات
ونشوف زيت الفرامل وزيت الماتور وأتكل على الله
تليفونى 0102070464
تليفون الاستاذ احمد حسن 0100058284
الحج محمد على الميكانيكى 0129305520 - 0166552904
وان شاء الله رحلة سعيده

**drjadoire** · 16-01-2009 05:28 PM

كلام جميل يا باشا
بسفيه كزا نقطه يعني العملهي تكفني كام عشان الواحد مفلس ومش عاوز يزبطها بكتير
علما باني لسه عاوز ازبط النور لان النور العهالي فيه لمبه محروقه وورا لمبه محروقه برده

والسير يا تري بكام بالزبط
يا ريت تفيدوني وتفتكر لو العربيه مشيت فتره طويله ساعتينسفر للاسكندريه متقفش لو لو مطرت عليا او من البرد ممكن تقف
يا ريت ترلادوا عليا ونناقش الموضوع لغايه مسافر علي اخر الاسبوع ده

**drjadoire** · 17-01-2009 01:58 AM

ايه يا جماعه محدش قاللي السير يعمل كام والتزبيطات دي تعمل كام
يعني اللمض المحروقه في النر تعمل كام
اصل بيني وبينكم مفلس اليومين دول وحابب اطمن قبل مسافر