سؤال عن اسعار اللانسر 2008

**اسامة عبد العزيز جابر** · 18-08-2007 11:08 PM

انا ان شاء الله حأستنى الشكل الجديد والموديل الجديد 2008 واشوف الفرق فى السعر بس اللى أنا خايف منة أن الأسعار 2007 ماتنزلش وتبقى أسعار الجديد بشكلية الأتنين غاليين علشان يصرفوا اللى موجود عندهم من 2007 لو فية .

**Mohammad** · 18-08-2007 11:38 PM

انت هترعبنى ليه يا اخ شرقى دا انا كن خلاص اخدت قرار الانتظار على امل يحصل نزول لسعر الشكل القديم , هل فعلا الاحتمال دا وارد؟

**Sharky** · 18-08-2007 11:55 PM

المشاركة الأصلية كتبت بواسطة Mohammad

انت هترعبنى ليه يا اخ شرقى دا انا كن خلاص اخدت قرار الانتظار على امل يحصل نزول لسعر الشكل القديم , هل فعلا الاحتمال دا وارد؟

بصراحة اللى أنا سمعته فى الجيش إنها نازلة بنفس الأسعار اللى كانت نازلة بيها فى الحجز اللى فات يعنى سعرها ماقلش فى الجيش لكن معرفش فعلا إن كان سعرها حيقل ولا لأ

على العموم إنت مش حتخسر حاجة لو إستنيت الشهرين دول و حنعرف إيه النظام
على العموم ماتقلقش لو فيها خير ليك حاكون من نصيبك إن شاء الله

على فكرة أنا أسمى أحمد و Nick Name بتاعى Sharky شاركى مش شرقى :)

**أبوسيف** · 19-08-2007 01:58 AM

أنا كنت ناوى أشترى على أول 9 لكن فضلت انى استنى لنهاية السنة لما نشوف ايه اللى هايحصل من نزول موديلات جديدة وحقيقة إشاعة الجمارك ، بس لو الشكل الجديد للانسر نزل بالأسعار دى أعتقد ان كفة اللانسر هاتكون هى الأرجح ، وربنا يوفق الجميع.

**ramyfaris** · 19-08-2007 10:24 AM

وانا فكرت اشتري دماغى من الموضوع ده كله.....وشكلى كده بدل لانسر هشتري سيريون واريح دماغى....بلا مصرى بلا خليجى بلا شكل جديد بلا شكل قديم...... :lol: :lol: