الموضوع: ممكن حد يدلني على اوبل في حدود 60~70 الف؟

المشاركة الأصلية كتبت بواسطة asbeats

السلام عليكم

انا نويت ان شاء الله اشتري اوبل
انا بصراحة مش خبير قوي في العربيات وكنت ناوي اشتري زيرو بس تراجعت تضامنا مع حملة المقاطعة

ولأني محتاج لعربية فكرت في كذا موديل واستقريت دلوقت على الأوبل
انا معايا مبلغ في حدود 60000 ممكن يزيد كمان 10 او 15 لو العربية بجد تستاهل

يا ترى السعر ده هقدر الاقي بيه اوبل كويسة ولا لأ؟
وهتكون موديلها ايه؟
انا هسافر بالعربية بمعدل 150 كم في اليوبصم ويا ريت متكونش بتستهلك بنزين كتير.


وهل ممكن حد من اعضاء منتدى اوبل يدلنى على عربية كويسة بس بالله عليكم يكون امين معايا.

ممكن حد يفيدني؟

بص ياباشا اهلا بيك معانا هنا 70 الف بتوعك يركبوك افضل حالة ممكن تشفهاء بس لازم تتعب بص انت نويت على فكتراء ولا استراء ولا كورساء مدام سفر انصحك بالفكتراء
اولا مزاياء العربية على الصفر مبتسحبش بنزين خالص انا كنت بعمل رايح جى اسكندرية حوالى 16 الى 20 لتر ماشى 90 110 بتستحمل جدا الحرارة غير المودلات التنية
بص مريحة اكيد بس انت شوف عيزهاء 1600 او 2000
بس بصراحة تاخد نصحتى جيب الفكتراء 2003 ال2000
الكملة هتعمل فى حدود 70 الى 75 حالة موميزة لكن فى حالات اسبشيل ما بين 75 الى 77 لا اكثر السعر نزل وهينزل
ومتعتمتش على حد لازم تتعب عشان تلقى حاجة كويسة وتكش عليهاء مرة واثنين وثلاثة انت بتدفع فلوس الفات واهم حاجة الحالة ونصيحة انت ممكنت تشوف الوصيت وتتفرج وتشوف مترحش سوق الجمعة كلة حالات تعبانة اوى وغالى اوى
وارجو مراعات انك تكشف على التكيف عند بتاع تكيفات نضيف ومكنت البور وطبعا كبس المتور وتبص على الفتيس
وفى النهاية ربنا يكرمك وتبقاء من العصابة هنا
وربنا يسهلك وتلقى حاجة كويسة ولو عزت اى حاجة احنا هنا اخواتك وممكن نبصلك عليهاء رغم الخبرة الضئيلة

بص يا باشا انا امامى فيكترا 2003 1600 سى سى زيتى من الاخر مافيهاش الهوا ملاكى اليكس او البحيره الله اعلم لان صاحبى اشتراها من اليكس و هو من دمنهور و رخصها من حوالى سنتين بإسمه لكن امامه جيتا جامده و هو عاوزها من زمان بس كانت الفلوس مقصره معاه شويه

المهم العربيه فول اوبشن و مش محتاجه اى حاجه لانه خطير فى العربيات و لو مهتم ابقى راسلنى و العربيه من الاخر 75 الف ولا كلمه .

المشاركة الأصلية كتبت بواسطة asbeats

الف شكر ليك وربنا يجازيك خير على النصيحة

افهم من كلام حضرتك ان فيكترا 2003 ال 2000cc افضل ,مش كده؟
هي دي اللي كنت بتسافر بيها اسكندرية؟

انا ان شاء الله هركز عليها في بحثي وربنا ييسر والاقى حاجة كويسة,خاصة ان ظروف شغلي مش مخليه عندي وقت اعمل اي حاجة!!!

انا بقالي فترة بدور بس مكنتش مركز في الأوبل.معرفش كانت تايهة عن بالي ازاي او يمكن ما توقعتش ان سعرها هيكون معقول كده

المهم انا كده كده ماليش خبرة فيها واكيد هاتقل عليكو لأني مش بثق في حد غير اعضاء منتدى نايل موتورز المخضرمين زي حضرتك

ربنا يبارك فيك وفي باقي الناس ويوفقنا للخير

مفيش مشكلة خالص احنا تحت امرك ثانيا انا معاية 97 1600 بس دية تعمل اقل من كدة بكتير تعمل ما بين 48 الى 60 حسب الحالة طبعا بس انا بقلك على دية لعدت اسباب اولا مع واحد صحبى وحدة جيبنهاء من الزيرو عربية ممتازة بقلهاء 5 6 سنين وهو بيسافر بيهاء كل يوم الاسمعلية بصراحة زى الفول انا عرفهاء كويس عربية حلوة جدا نصيحة منى متجبش 1600 من اول 2000 الى 2003 عشان فى عيب فى الكونترول يونت بتاع المتور دة بالنسبة للمتور اليكوتك نصيحة جيب 2000 مفهوش مشاكل عن تجربة شخصية وبص العربية دية من سنة كان بيطلب فيهاء فوق 100 حسب الحالة بس الاوبل كل سعرة وقع خالص وللاسف وانا بقلهاء بيع 1600 اكتر سهولة من 2000 مع الفرق فى المكنيات وكل حاجة وبص انا عايز اقلك حاجة انت قلى معاك الفلوس وعلى فكرة العرض كتير ولكن الطلب قليل عشان سعر العربية فى النازل وهينزل بس بسيط لنهاء خلاص نزلت قوى

المشاركة الأصلية كتبت بواسطة tamertamer

نصيحة منى متجبش 1600 من اول 2000 الى 2003 عشان فى عيب فى الكونترول يونت بتاع المتور دة بالنسبة للمتور اليكوتك نصيحة جيب 2000 مفهوش مشاكل عن تجربة شخصية وبص العربية دية من سنة كان بيطلب فيهاء فوق 100 حسب الحالة بس الاوبل كل سعرة وقع خالص وللاسف وانا بقلهاء بيع 1600 اكتر سهولة من 2000 مع الفرق فى المكنيات وكل حاجة

العيب اللى بتتكلم عنه فى الموتور ال 1600 ايكوتك
وده كان بينزل اوتوماتك
المانيوال فيه الموتور ال 1600 العادى وده مش فيه مشاكل
ال 2000 فى القديم وفيه الايكوتك
الايكوتك اعلى فى الاحصنه والعزم واقل استهلاك فى البنزين

موضوع السعر
فوق ال 100 ده كان سعر العربيه الفكترا CDX
ودى فيها كماليات لا يمكن حصرها

انا عامل موضوع عن عربيتى فيها بعض الكماليات دى
http://www.nilemotors.net/Nile/showthread.php?t=52534

ده غير فتحة السقف والتكيف التاتش والتراكشن كنترول والانذار الداخلى والخارجى وسخان الكراسى و و و و و

الفكترا ال2000 ال CD دى موتور كامه وحده وكماليات عاديه
تكيف وبور وزجاج كهربا ومرايات كهربا

عامل ستهلاك بنزين مهم
يبقى تخليك فى 1600 مانيوال
الاوتوماتك كانت نازله 1600 ايكوتك وده اللى فى مشاكل