اقتباس:
المشاركة الأصلية كتبت بواسطة maka
الله يسلمك يا دكتور و اسف على تعبك معى
مافيش تعب خالص
اقتباس:
المشاركة الأصلية كتبت بواسطة maka
انا فعلا مش بلبس النضارة الا عند مشاهدة التليفزيون والكمبيوتر و السواقة لانى بشوف الصور البعيدة
مشوشة ومهزوزة , ماعدا كده غالبا بقلعها
النفروض ان النظارة تتلبس على طول لأن خلعها (مع حاجة العين لها بدليل تشوش الصور البعيدة) يتسبب فى اجهاد العين
اقتباس:
المشاركة الأصلية كتبت بواسطة maka
شكرا يا دكتور على المعلومات , و هل قطرة الدموع الصناعية ليها اعراض جانبية
الدموع الصناعية مالهاش اعراض جانبية مادمت بتستعمل انواع بدون مواد حافظة زى :
Tears Gurad Eye Drops
Hyfresh Eye Drops
Refresh Plus Eye Drops
اقتباس:
المشاركة الأصلية كتبت بواسطة maka
هى فعلا كانت نزلة برد مع شد عضلى فى عضلات الظهر
بالنسبة للضغط انا باخد علاج فعلا اسمه Co-Tareg و الضغط عندى مظبوط عند 150 :140 - 100 :80
مبينزلش عن كده , اما عن معاد قياس الظغط بقيسه كل شهر او 2 تقريبا وبتابع مع الدكتور كل 6 شهور تقريبا
زى ما قلت لحضرتك ان البرد ممكن يعمل كده ، و سلامتك.
بالنسبة للضغط فمش ظريف انه الفوقانى يوصل ل 150 و التحتانى مش لازم يعدى 100
لو حافظت عليه اقل من المعدل ده للأثنين دول يبقى كده الضغط مضبوط تمام.
بالنسبة لنوع العلاج فأنا اعرف ان ال Co-Tareg من الأدوية الكويسة للضغط بس ماقدرش اتكلم اكتر من كده فى النقطة دى لأن مش مجالى فمش عايز افتى..
اقتباس:
المشاركة الأصلية كتبت بواسطة maka
Prefrin
دى قطرة قابضة (مزيلة للأحمرار) ، ماعنديش مانع من استعمالها فقط عند اللزوم (زى ما حصل ... عيد و الدنيا قافلة و عينك حمراء) و لكن مافيش داعى للأستمرار عليها.
اقتباس:
المشاركة الأصلية كتبت بواسطة maka
لا الحمد الله معنديش اى التهاب او حساسية و مفيش افرازات او دموع كتييرة
وشكرا يا دكتور و معلش تعبتك معى
مافيش تعب خالص و اهلا بيك فى اى وقت و تحت امرك لو لسه فيه اى استفسار.
و تحياتى