اعتقد ان المفروض نضع تخصصاتنا فى خدمة اعضاء المنتدى ، و عن نفسى فأنا اعلن استعدادى للرد على اسئلة الأخوة الأعضاء بخصوص طب و جراحة العين.
و تحياتى
اخوكم : د/ شريف منسى
اخصائى طب و جراحة العين
عرض للطباعة
اعتقد ان المفروض نضع تخصصاتنا فى خدمة اعضاء المنتدى ، و عن نفسى فأنا اعلن استعدادى للرد على اسئلة الأخوة الأعضاء بخصوص طب و جراحة العين.
و تحياتى
اخوكم : د/ شريف منسى
اخصائى طب و جراحة العين
دكتور شريف
أشكرك جدا على تلك المبادرة الطيبة وجزاك الله عن الجميع كل الخير
بس اوعى تغلي الفيزيتا علينا يا دكتور هههههههههههههههه
تقبل تحيتي وفااااااااااااااائق احترااااااامي
:satelite:
صباح الخير يا دكتور شريف اولا بشكرك جدا على العرض الطيب من انسان نبيل زيك
ثانيا كان عندى سؤالين
الاول
انا عمرى الان 26 سنة وفى السنوان الاخيرة تدهور البصر عندى بشكل شديد وارتدى الان نظارة طبية اعانى من سماكة عدستها وانا لسة شاب
فكنت عايز اعرف عمليات الليزك دى فعلا ليها فايدة ولا هيا مضاربة ربحية للعيادات
السؤال التانى لو العملية كويسة ومفيش منها مشاكل انا عارف انها مكلفة جدا فلو حضرتك تعرف مكان بيقسط تمنها يكون ليك جزيك الشكر
جزاك الله خيراً يا دكتور/ شريف
و بارك الله فيك و فى أمثالك
و جعله الله فى ميزان حسناتك
:w6266d :Ta_clap[1]: :k49: :satelite:
جزاك الله خير ...
و طبعا فى اسئلة بس بعد ما اكشف الاول ان شاء الله ..
أولا شكرا للجميع و ده اقل واجب
و بعدين كلنا اخوة:verygood:
بالنسبة لتدهور النظر و سمك العدسات فدى مسألة نسبية ، يعنى لو النظر بيتغير حوالى درجة كل سنتين او ثلاثة فده معدل مش غريب و شبه متوقع و بعدين حسب ابتدى يتغير من امتى ، فلو ابتديت تلبس نظارة من سن 5-6 سنين يبقى غالبا يثبت على العشرينات ، اما لو ابتديت تلبسها متأخر 16-18 سنة مثلا فمتوقع اما تجرى بسرعة (المقاس ينزل جامد) فى كام سنة و يثبت زى الحالة الأولى أو يفضل يتغير ببطء و لكن باستمرار و احيانا يوصل للثلاثينات و هو لسه بيتغير
زى ما قلت سمك العدسات مسألة نسبية ، يعنى ممكن واحد مقاسه يكون 4.00- و يقول عدساتى تخينة و لكن عادة بنقول تخينة من بعد 6.00-
بالنسبة لليزك فأنا لى تحفظ عليه و بصراحة مش باحبه (حد شاف دكتور عيون قلع نظارته ؟؟ خلونا صرحاء شوية):B4_556:
من غير ما ازعل حد من الزملاء منى فأنا مش باحب الليزك علشان حاجتين
1- نسبة فقدان الأبصار منه 15% (نسبة خطيرة فى عملية اختيارية مش اجبارية)
2- لا يمكن التنبؤ بمن ستنجح معه العملية او من ستفشل (ممكن تعمل كل الفحوصات و تطلع زى الفل و تعمل العملية و تسيب سحابة على العين مثلا)
ده غير المضاعفات اللى ممكن تحصل
فيه مثل قديم بيقول
"لو كان فيه الخير ما كان رماه الطير"
لو الليزك حلو كنا احنا أطباء العيون اول ناس عملناه:Copy of majd(4):
و اللى مش مقتنع ممكن يدخل على اللنك ده و يقرأ بعينه
Life After Lasik
أو لو حد يحب كلام متخصص و طبى يدخل على موقع الأكاديمية الأمريكية للعيون"American Academy of Ophthalmology"
aao.org
المشكلة ببساطة ان احنا ماعندناش رقابة على الدعاية فكله واحد بيقول اللى هو عايزه و مش مهم صح و لا غلط
و تحياتى
بالنسبة للفيزيتة يا Totaa فمش هانختلف
كله شغال:w6266d
بنزين ، قطع غيار ، اكسسوار ، ساندوتشات:k31: ... الخ الخ
كله ينفع:C_laugh[1]:
اولا شكرا جزيلا علي المبادرة الجميلة دي و ربنا يجعل ثواب هذا العمل في ميزان حسناتك
بالنسبة لي انا باستخدم النظارة من و انا في اولي كليه و كان نظري مش ضعيف بدرجة كبيرة يعني كنت ممكن اتحرك بدونها عادي واذاكر كمان من غيرها بس كنت احتاجها في اثناء المحاضرات عشان اشوف الكتابة علي السبورة
المهم في خلال ال 3 سنوات الأخيرة النظر بدا يتدهور بطريقة كبيرة و ظهر عندي ما يسمي بالإستيجماتيزم وحاليا انا لا استطيع ان استغني عن النظارة و كنت كشفت في الدولي للعيون و طلبوا مني طبوغرافية قرنية عشان فيه شك في القرنية المخروطية و للأسف ما عملتوش و ما رحتش تاني عندهم
المهم انا دلوقتي مستوي الرؤية مع النظارة مش كويس خصوصا بالليل و فيه زغلله و ازدواج في رؤية الأشياء بالليل و خصوصا لما تكون حاجات فيها ضوء يعني مثلا اللافتات الضوئية زي بتاعت الأطباء و المحامين بالليل بتبقي الكتابة داخلة في بعضها و بكون شايفها مرتين تحت بعض و لازم ادقق بعيني عشن اعرف اقراها
و المشكلة اني حاسس ان النظارة اخرها كدا بالنسبة للرؤية و بصراحة مش عارف اعمل ايه
هل ممكن استخدام العدسات يكون مفيد لحالتي و لا بلاش و هل هناك اي طرق اخري لعلاج الإستيجماتيزم ولا مافيش
درجات الإستيجماتيزم عندي 4.5 للعين الشمال و 5 للعين اليمين طبعا مع قصر نظر تقريبا بنفس الدرجات
علي فكرة انا كنت بعاني من رمد ربيعي في فترة طفولتي حتي سن 16 سنة و عمري حاليا 27 سنه يعني بالشكل دا علي ما وصلت ل 40 سنه هكون في الباي باي
اسف علي الإطاله و شكرا مرة تاني لحضرتك
يا دكتور شريف حضرتك جتلى من السما اولا ميرسى اووووووووى على العرض ده وربنا يخليك للمنتدى ياااااااااااااارب
اولا. انا عندى نظرى ضعيف من وانا صغير خااااااااااااااااالص يعنى تقريبا بلبس النظاره من وانا عندى 3 سنين او 4 مولود كده وعندى العين اليمين 7- والشمال 8- كنت عاوز اعمل عدسات علشان النظاره تخينه اوووووى بس بردو كنت هبدل فيها مع النظاره يعنى مثلا الصبح فى الشغل بالعدسات ولما اجى اللبس النظاره كده
تانى حااااااااااااااااجه انا كنت عاوز اعرف انا كده هخش الجيش ولا لاءء
وهو كده انا نظرى ضعيف اوى ولا اييييه
ربنا يجازيك خير يادكتور وفعلا موضوع مهم جدااااااااا .......ان احنا لازم نفيد بعض ..........
وانا عندي سؤال لحضرتك ان انا اول مبصحى من النوم عيني بتكون كان في شبوره قدام عيني لمده ربع ساعه مثلا ؟؟؟؟ ومعرفش ايه السبب وده موش علطول احيانا وبتكون عيني اليمين بس ؟؟؟؟؟؟؟؟؟
وشاكر لحضرتك .............
جزاك الله خيرا على هذه الخدمة
أنا فى الفترة الأخيرة لما أجى أقرأ الجريدة أو أى ورقة فيها كلام صغير الافى عينيه بعد فترة بتزغلل و لازم أدعك فيها علشان اشوف من غير زغلله :(
الف شكر يا دكتور على ردك الواضح و اللى اكتر من رائع
بداية الشكوى واضح انها استجماتيزم بدرجة صغيرة علشان كده كنت بتلبس النظارة عند اللزوم
و بعدين الأمر تطور و زاد و بصراحة مع درجات زى 4.5 و 5.00 و الرؤية مش واضحة بالنظارة يبقى لازم اشك فى قرنية مخروطية "Keratoconus" و اللى يخلينى اشك اكتر فيها انك ذكرت انك كان عندك رمد ربيعى كتير و انت صغير و معروف ان فيه نظرية من نظريات حدوث القرنية المخروطية بتربطها بالرمد الربيعى العنيف لأنهم بيقولوا فى النظرية انه بيضعف النسيج الداخلى للقرنية فتتمدد تحت تأثير ضغط العين و تعمل القرنية المخروطية.
عموما ، لازم تعمل طبوغرافية القرنية علشان نحدد مجرد استجماتيزم و لا قرنية مخروطية
انسى العدسات اللاصقة ، مقاسك كبير فى الأستجماتيزم ، صحيح هتلاقى قريب منه و لكن مش هاتبقى مريحة و لا واضحة فى حالتك
لو الأمر مجرد استجماتيزم عادة بيثبت بسرعة و لكن لو قرنية مخروطية فالأمر مختلف و عادة بتزيد و لها سكة تانية
مستنى ردك عن الطبوغرافية للقرنية
و تحياتى
لو مافيش استجماتيزم عالى (او مافيش خالص) ممكن تعمل عدسات ، و تفكيرك سليم فى لبسها فى الخروج و النظارة فى البيت ، انا دايما انصح بكده للى عايز يلبس عدسات
مع الألتزام بعدد ساعات لبسها اليومى و عدم تخطيه و تغييرها فى مواعيدها عند انتهاء عمرها الأفتراضى و اختيار ماركة كويسة من عيادة محترمة (بلاش اعلانات السوق) و عدم لبسها و الرجوع للنظارة ايام التراب او لو العين التهبت (و طبعا تعالجها)
كده تبقى عدسات مريحة ان شاء الله
بالنسبة للجيش فالخروج الطبى للنظر بيدأ من 4.00- فما فوق (حسب معلوماتى :36_6_3[1]:)
فى تصنيف المقاس انت كده آخر المتوسط و بداية المقاسات العالية و ده مش مهم ، المهم انك بالنظارة تجيب 6/6 لكل عين
و تحياتى
الف شكر لحضرتك
كان عندي سؤال
انا من فترة كدة ظهر لي كيس دهني بالعين وبعدين عدي الجفن العلوي وفضلت اخد في علاجات ولكن مفيش فايدة مش رضي يروح خالص بس صغر حجمه واستقر علي كدة . في الاخر رحت مستشفي الدولي للعيون والدكتور قررلي عملية ازالة الاكياس الدهنية وعملتها فعلا ببنج General المشكلة بقي ان ان الورم لسة موجود صحيح هو خفيف بس برده موجود انا مش عارفة هو ده معناه ان الاكياس لسة موجودة ولا هو بياخد وقت علي مايروح خالص وياتري اعمل ايه عشان اتجنب تكرار حدوثه مرة تانية مع العلم ان انا معرفش هو طلع ليه اصلا .
العلاجات كانت
كمادات مياه دافئة
Tobradex دهان وقطرة
tobrex قطرة
ايزو مفنيكول
ايزوبتو فينيكول
شامبو جونسون للاطفال
وغيرها
كمان بحس اني مش بشوف التفاصيل الدقيقة اوي في الاشياء وسألت قالولي اني مش محتاجة نظارة فهل ده عادي ولا النظر ممكن يضعف ان مالبستش نظارة
وشكرا بجد:Ta_clap[1]:
المقاسات العالية و ده مش مهم ، المهم انك بالنظارة تجيب 6/6 لكل عين
ايوة يعنى انا كده كده مش داخل الجيش ي:satelite: شكرا يا دكتور
وعلى فكرة انا العين الشمال مش بتجيب 6/6 اخر مرة كشفت الدكتور قالى العين الشمال ضعيفه وده اخر كشف ليها لآنى بعد لبست النظاره اللى بتبقى فى العيادات ديه وظبطلى الكشف اللى طلع على الكمبيوتر اليمن شوفت بيها كل الدواير الشمال شوفت بيها اول اربع صفوف بس
يعنى الكبيره ديه اللى بتبقى فوق وتحتها 3 بس
وشكرا اوووووووووووى يا دكتور شريف:Ta_clap[1]::Ta_clap[1]:
مشكور يا دكتور على مضوعك المهم
انا باستخدم النظاارة وانا عندي 8 سنين
ودلوقت تقريبا 18
ايه الحل الامثل اللي انت تنصح بيه عشان اقلع النظارة وما استخدمهاش تاني
انا ممكن اقرا واكتب من غير النظارة بس بعد مدة عيوني بتوجعني
يا ريت الحل عشان انا مش مصدق امتى اقلع النظارة والف شكر مقدما
للأسف الشكوى مش واضحة قوى ، ممكن يكون فيه مقاس فى العين دى بتاخد وقت على ما تضبطه بعد الصحيان ، ممكن يكون فيه التهاب يسيط مزمن (حساسية مثلا) و اكتر فى اليمين فتعمل شوية افرازات تتجمع مع النوم و لما تصحى بتاخد وقت على ما تروح ، ممكن تكون العين بتبقى مفتوحة شوية و انت نايم فبيحصل جفاف و تبقى مزغللة لغاية ما تصحى و تبتدى ترمش و الدموع تتفرد تانى على سطح العين ، ممكن حاجات كتير فأحسن حل هو الفحص لتحديد سبب الشكوى
شكرا ليك ، لو السن قرب من او وصل 45 سنة فده شئ طبيعى و لابد من نظارة قراءة
و عادة المشكلة دى (اسمها Presbyopia) بتبدأ اعراضها من حوالى 35 و تزداد لحد ال 45 فتبقى نظارة القراءة ضرورية
اما لو كنت صغير و لكن بتقرأ كتير:3_3_102[1]: فده بيكون شد فى عضلة العين الداخلية و له تمارين لتجنبه
فى انتظار التوضيح
و تحياتى
كلنا عندنا كمية غدد بتفرز مادة دهنية هى جزء من فيلم الدموع و دى فتحاتها بتكون عند حافة الجفن ، و لو حصل حاجة تقفل فتحة الغدة (مثلا بشره دهنية بتلم التراب و الخلايا الميتة او محتاج البس نظارة و مش بالبسها الخ) تتكوم الأفرازات بداخلها و تعمل كيس دهنى ، و مشكلته الكبيرة انه فندق 5 نجوم للباكتيريا (مادة دهنية فى درجة حرارة الجسم و شبه معزولة عن الدورة الدوية بجدار ليفى) و بالتالى يلتهب و يكبر و ناخد له علاج فالالتهاب يروح و يكش و لكن مايضيعش (3% فقط تروح مع العلاج و 97% لازم تتفتح)
طبعا العلاج مضبوط ما عدا
ايزو مفنيكول
ايزوبتو فينيكول
ما احبش اكتبهم لأن عادة بيعملوا للعيان حساسية
و على فكرة الكمادات الدافئة 50% من العلاج
اللى انا مستغرب له بنج عمومى (General Anaesthesia) ليه ؟؟ هو انتى خوافة قوى للدرجة دى
طبعا الكلام الأخير بيخلينى اشك ان سبب المشكلة هو الأحتياج للنظارة و لو محتاجينها فلابد من الألتزام و الا اهلا بمحاصيل الأكياس الدهنية و لو النظر سليم نفكر فى الأسباب الأخرى
بالنسبة للزغللة و الكلام الصغير فلو متأكدين فعلا ان مافيش مقاس فلابد نفكر فى الضغط المنخفض و/أو الأنيميا (فقر الدم) لأن دى اشهر اسباب زغللة غير النظارة
انصح بكشف دقيق و بالذات لتحديد الحاجة للنظارة من عدمه مع قياس ضغط الدم و عمل تحليل صورة دم كاملة
و تحياتى
للأسف الشكوى مش واضحة قوى ، ممكن يكون فيه مقاس فى العين دى بتاخد وقت على ما تضبطه بعد الصحيان ، ممكن يكون فيه التهاب يسيط مزمن (حساسية مثلا) و اكتر فى اليمين فتعمل شوية افرازات تتجمع مع النوم و لما تصحى بتاخد وقت على ما تروح ، ممكن تكون العين بتبقى مفتوحة شوية و انت نايم فبيحصل جفاف و تبقى مزغللة لغاية ما تصحى و تبتدى ترمش و الدموع تتفرد تانى على سطح العين ، ممكن حاجات كتير فأحسن حل هو الفحص لتحديد سبب الشكوى
شكراااااااااا على التوضيح يادوكتر وانا فعلا بتكون عنيه شبه مفتوحه وانا نايم فعلا فهكشف زي محضرتك بتقول اضمن ..............
وشكراااااا على اهتمام حضرتك مره ثانيه .......:satelite::satelite::satelite:.
لو كنت بتلبس النظارة من سن صغير فالمفروض ما يبقاش فيه ضعف كده فى الشمال الا لو كنت و انت صغير مش منتظم فى لبس النظارة و لكن برضه مش بالشكل ده ، لأن كده تبقى الشمال فيها كسل يا اما المقاس بتاعها مش مضبوط و هنا السؤال المهم هو ، هل كان فيه وقت لما كنت بتلبس النظارة الشمال بتجيب كل العلامات زى اليمين ولا لأ؟
لو دايما الشمال بتقف عند الحد ده يبقى فيها مشكلة (احتمال فى الشبكية فى مركز الأبصار) و لكن لو كانت بتجيب العلامات فى وقت ما و دلوقت لأ يبقى احتمال المقاس مش مضبوط او حاجة جدت فى العين (مثلا تأثير قصر النظر على مركز الأبصار)
يا ترى هل تفتكر الدكتور اللى قال لك العين الشمال آخرها كده حط لك عدسة فيها ثقب صغير جدا امام الشمال ولا لأ؟؟
فى انتظار الرد
و تحياتى
طبعا غلط غلط غلط انك تقلع النظارة و تعمل اى حاجة من غيرها ، كده هاتجهد عينيك و تتعب نفسك بلا داع
:Zb_sor1[1]:
آسف انى اقول لك ان حتى الآن مافيش حل يخليك تقلع النظارة خالص و تستغنى عنها (ممكن تلبس عدسات لو مقاسك يسمح و تبدل فيها مع النظارة لكن تقلع النظارة خالص ؟؟ لسه مافيش حل ناجح)
ملحوظة : بلاش عمليات تصليح النظر بغض النظر عن نوعها ، كل الموجود حاليا له مشاكله ، حد شاف دكتور عيون قلع نظارته يا ناس ؟؟؟:36_1_37[1]:
و تحياتى
دكتور شريف بعد ازنك عايز اعرف مكان كويس اشترى منة عدسات تكون محترمة وبسعر كويس وياريت لو تقلى على نوع معين
شكراَ عالموضوع و إهتمامك يا دكتور
انا بيجيلي صداع غبي جداَ من السواقة بالليل و الأنوار العالية بتاعة العربيات عمال علي بطال .. فا جبت نضارة عملتلها عدسات anti reflection (مش نظرو بدون كشف فقط جبت النضارة و قلتله إعملها انتي رفلكشن) و بقيت ألبسها و انا سايق بالليل .. هل ده صح ؟
و لو غلط أعمل إيه لأن النور العالي بيجبلي صداع وحش جداَ خاصة لو عالصحراوي ولا حاجة .
و سؤال تاني .. ليه الناس اما بتلبس نضارة نظرها بيضعف عن الأول !؟
كده سنك صغير على نظارة القراءة
مشكلتك انك بتعمل near work كتير بعينيك و ده ممكن يعمل شد فى العضلة الداخلية للعين و حله هو الوقاية منه و دى سهلة جدا ، طريقة الأمريكان بيسموها قاعدة العشرين :
كل عشرين دقيقة من الشغل القريب ، ارفع عينك منه و بص على حاجة على بعد عشرين قدم او اكثر ، لمدة عشرين ثانية:36_1_37[1]:
يعنى كل ثلث ساعة بص بعينك على حاجة بعيدة (آخر الطرقة ، من الشباك او البلكونة) و انت فى مكانك لمدة نصف دقيقة
طريقة ممتازة و فعالة:10D5C8~1107:
و تحياتى
ممكن استعمال مرهم قبل النوم لتجنب الحالة دى
مش عارف مسموح لى اكتب اسماء علاج ولا لأ لذا ارجو مراسلتى على الخاص لكتابة اسمه لك
مافيش تعب ولا حاجة لكن برضه مش عارف مسموح لى ذكر اماكن او انواع ولا لأ
ياريت الأدارة تفيدنا فى كده ، و برضه يمكن مراسلتى على الخاص للرد على هذا السؤال
تحياتى للجميع
بالنسبة لسؤال الأول فأنا آسف ، انت وقعت ضحية الأعلانات اللى ماعليهاش اى نوع من الرقابة ...
الأنتى ريفليكشن اتعمل اصلا علشان لما نجمات هوليوود يلبسوا النظارات الفريمليس (من غير شنبر) كان لمعان الفلاش على زجاج النظارة بيبينها ، فعملوه علشان يمنع اللمعان (انعكاس الفلاش) فمايبانش انهم لابسين حاجة
يعنى من الآخر لا بيمنع زغللة القيادة الليلية و لا بيحمى من اشعة الكومبيوتر ولا الكلام الفارغ الكاذب بتاع الأعلانات ده
انصحك تعمل كشف علشان احتمال يكون فيه مقاس صغير او استجماتيزم (و هو ده اللى ممكن يفسر سبب الصداع مع النور العالى بتاع العربيات و السواقة بالليل)
بالنسبة للسؤال الثانى فدى احد الأساطير اللى عندنا اللى مفهومة غلط و الأجيال بتتناقلها
النظارة مش بتضعف النظر، الموضوع بسيط جدا ، خليك معايا :
واحد نظره ضعيف لكن ماشى بيه لأن ماشافش غيره ، فطبيعى ان مش هايشتكى منه لأن ما يعرفش غيره (مافيش حاجة يقارنه بيها)
و لكن لما لبس النظارة شاف الصورة اللى المفروض كان يشوفها ، الصورة الواضحة الحادة اللى من غير زغللة ، هنا بقى فيه مقارنة ، فطبيعى ان لما ييجى يقلع النظارة ، المخ يرفض الصورة المزغللة لأنه عايز الواضحة :k26:، فبيحس انه متضايق و مش شايف كويس (علشان المقارنة اللى شغالة فى المخ) و يبقى عايز يلبسها تانى علشان يشوف كويس:36_1_37[1]:
النظارة مش بتغير المقاس ، بتوضح الصورة بس ، و طبيعى ان الأنسان عايز الأحسن مش الأوحش
أرجو اكون وضحت الصورة (زى النظارة):C_laugh[1]:
و تحياتى
صباح الفل يا دكتور الاول طبعا الف شكر علي هذه الخدمه عندي ابني عنده12سنه عند الولادة كان عندة انسداد بالقناة الدمعية في عينه اليمين الدموع بتزل علي خدة دلوقت الواد كبر وتعباة نفسيا هل ليها حل وفي حدود كام وشكرا
آسف جدا على التأخير و لكن لظروف غصب عنى
المفروض كان يتعمل له تدليك و مساج لمحاولة تسليك القناة الدمعية و هو رضيع و مش عارف اتعمل ولا لأ و هل اتعمل صح ام لا
و المفروض لو فشل نعمل توسيع للقناة الدمعية (لحد 3 محاولات) بعد كده يبقى مافيش غير عملية توصيل القناة الدمعية
ممكن معلومات اكتر عن ايه اللى اتعمل له ؟؟؟
و تحياتى
شكرا علي رد سياديكم هو متعملش له اي حاجه خالص من الحاجات السابقه وشكرا
دكتور شررررريف ..
انا بعانى من اشعة الشمس بغباااااء .. يعنى مش بقدر افتح عينى فى الشمس اطلاقااااااا وببقى ماشي فى الجامعة حاسس انى ( بحسس:) )
كمان عينى بقت توجعنى من كتر القعدة على الكمبيوتر ..
يعنى ممكن افضل على الكمبيوتر لمدة 20 ساعة ..
عملت كشف والدكتور قالى الحمد لله نظرك 6 / 6 كويس .
بس لازم تلبس نظاره حفظ و قالى على نوع مش فاكره بصراحة .
بس مكتوب Plano 0.25 وحروف غريبة .
فانا المفروض هشوف حد اعمل عنده النظارة دى .
فبخبرتك كده مين احسن عدسات وشنابر برده :) و فى نفس الوقت يكون معقول ..
؟؟؟؟
غريبة ؟؟؟ امال مين شخص مشكلة القناة الدمعية ؟؟
المفروض اللى شخصها كان يقول لكم على كده
ما علينا ... قدر الله و ما شاء فعل..
عموما هو المفروض دلوقت يتعمل الآتى :
أولا ناخد عينة من الأفرازات المرتجعة اللى بتخرج من فتحة القناة الدمعية و نعمل لها مزرعة و حساسية لتحديد اذا ما كان فيها ميكروبات ام لا و لو فيها نوعها ايه و حساسة لأى مضاد حيوى و دى بتاخد 3 ايام على ما تظهر نتيجتها لكن هاتفيدنا جدا:36_1_40[1]:
ثانيا ممكن نختصر سكة الفحوصات و نعمل له تصوير بالأشعة و الصبغة للقناة الدمعية علشان نعرف حالتها هى و الكيس الدمعى اخبارهم ايه ، و هل فيه سدد ولا ضيق و فين بالضبط و ده اسمه Dacryocystorhinography
ثالثا بما ان عمره 12 سنة (ربنا يخليه و يحفظه) فهو كده عجوز على المساج و التسليك و لكن خلينا نصبر لما نشوف نتيجة الأشعة ايه ؟؟ لأن مثلا لو غشاء صغير ممكن المساج (حتى فى السن ده) يجيب نتيجة ممتازة
و خير ان شاء الله
مع تحياتى
مشكلة الشمس دى موجودة عند ناس كتير و ده لأن بعض الناس عيونها حساسة للضوء الشديد اكتر من غيرهم و دى اختلافات عادية و بالذات لو عينك ملونة ، كل ما كانت افتح تبقى حساسة للضوء اكتر، و زى ما قلت ده طبيعى
تبقى مشكلة فى حالة ما كنت انت بتمشى فى الشمس عادى و مؤخرا حصلت الحكاية دى و لازم نشوف سببها
بالنسبة لما يكون نظرك 6/6 (بكشف كامل مش قياس علامات و بس) يبقى مافيش لازمة للنظارة و عادة ماحدش بيكتب 0.25 الا لو فيه سبب قوى زى سقوط الشعر (الثعلبة) او صداع فظيع ...الخ
و كمان مافيش حاجة اسمها حفظ نظر ، دى كلمة بنقولها علشان نحبب الشخص اللى بيكره النظارات فيها و نخليه يلبسها
اما بالنسبة للكومبيوتر فانا رديت قبل كده على Sharky فى الموضوع ده الصفحة اللى فاتت و لكن نقوله تانى علشان خاطرك
الكومبيوتر يعتبر Near Work و ده مجهد للعين لو لفترات طويلة مستمرة (انت بتقول 20 ساعة ؟؟؟ امال بتنام و تذاكر امتى؟؟) مشكلتك انك بتعمل near work كتير بعينيك و ده ممكن يعمل شد فى العضلة الداخلية للعين و حله هو الوقاية منه و دى سهلة جدا ، طريقة الأمريكان بيسموها قاعدة العشرين :
كل عشرين دقيقة من الشغل القريب ، ارفع عينك منه و بص على حاجة على بعد عشرين قدم او اكثر ، لمدة عشرين ثانية
يعنى كل ثلث ساعة بص بعينك على حاجة بعيدة (آخر الطرقة ، من الشباك او البلكونة) و انت فى مكانك لمدة نصف دقيقة
طريقة ممتازة و فعالة
ايضا مش لازم ننسى ان مع الكومبيوتر و التليفزيون معدل الرمش بالعين بيقل و ده بيعمل جفاف (مؤقت) فى سطع العين و بيكون مزعج جدا و حله استعمال احدى قطرات الدموع الصناعية لترطيب العين كل ساعتين مثلا
و عموما لو انت فى جامعة القاهرة راسلنى على الخاص لتحديد موعد للفحص المجانى فى اقرب وقت و يا ريت تأجل موضوع النظارة لغاية ما افحصك بنفسى
بصراحة انا لسه مش عارف هل الأدارة تسمح بكتابة مواعيدى و اماكنى ولا لأ ، و هل مسموح اكتب علاج ولا لأ
ياريت الأدارة ترد علينا
و تحياتى
شكرا جزيلااااا على المجهود الخرافة ده يا دكتور شريف .
بس انا كشفت عند الدكتور على اللوحة (C) و لبست كام نظارة ورا بعض و حطيت عينى قدام جهاز كده جواه صورة بعيدة و قعد يعمل حاجات فى عينى غريبة شوية :)
و انا للاسف مش فى جامعة القاهرة .
و يا ريت الادارة ترد فى اقرب وقت .
ولو ممكن حل سريع لاشعة الشمس دى لانى مش بحب البس نظارة الشمس و انا نازل مشاوير صغيرة .
كده يبقى غالبا قعدك على جهاز الكومبيوتر و اخذ مقاس و لكن انا لسه مستغرب لأن نادرا ان حد يكتب مقاس 0.25 زى ما قلت
لو ممكن تكتب المقاس بالضبط ؟؟ (اتوقع ان عين Plano يعنى مافيهاش مقاسات يعنى طبيعية تماما و الأخرى فيها 0.25 -/+ و ممكن يكون cylinder و طبعا معاه Axis و عموما عن نفسى اعتقد ان نظارة زى دى مالهاش لازمة
و مش هاقفز للاستنتاجات ، منتظر كتابة المقاس بالتفصيل
بالنسبة للشمس تجنب الأنتقل من مكان مظلم الى مشمس بسرعة ، ممكن كده تساعد على تحمل الشمس شوية:Oc_sun1[1]:
و تحياتى
متشكرين يا دوكتور على المبادره الجميله و الانسانيه دى ...
انا لما ببقى ادام الكمبيوتر بحس ان عينى تعبانى و عايز ابص فى اى حاجه غير الكمبيوتر او ادعكها ...
روحت كشفت نظر
الدكتور قالى انه ناقص ربع ...
و قالى موضوع الكمبيوتر ده محتاج نضاره ريفليكشن ..
و قالى البسها علشان كده ..
و انا بصراحه مش عايز البس نضاره !!
هل فى ضرر من عدم لبسى ليها ؟؟
و هل لو عملتها البسها فى اى مكان غير الكمبيوتر هتبقى مفيده ولا زى قلتها ؟؟