قصر العينى - معهد بحوث امراض العيون - عين شمس - العيون الدولى _ دار العيون - النور للعيون - العيون الوطنى - مركز البستان - تقريبا معظم مراكز الأشعة الكبيرة ... الخ الخ الخ
بصراحة للأسف معرفش التكلفة لكن اعتقد مش غالية
و تحياتى
عرض للطباعة
للأسف الشكوى مش محددة لأن ممكن ليها اسباب كتير ، صحيح صعب يكون السبب العين لأن لو هى السبب مش هايقعد دقيقتين و خلاص ، لأ ، كان يستمر فترة
عموما المتهمين فى الصداع ده هم : الجيوب الأنفية ، التهاب العضلات او العظام فى هذة المنطقة نتيجة التعرض لمسبب (مثلا تيار هواء على هذه المنطقة) ، التهاب فى الأعصاب (مثل نقص فيتامين ب) و هنا لو كده عادة هايكون فيه اماكن اخرى من الجسم بيحصل فيها الم او تنميل ، وجود مقاس بسيط فى العين ، حالة نفسية ... الخ
لابد من فحص :
انف و اذن و حنجرة
عيون
عظام
لتحديد سبب المشكلة:shyy:
و تحياتى
من الوصف ده غالبا المشكلة ان العدسة دى اصبح عليها رواسب بروتينية ، و هى اللى تسبب الزغللة و الشكشكة ، او ان العدسة فيها قطع ، او ان عليها مادة غريبة (مثلا Make up:makeup:) ، او ان نوع المحلول مش مناسب للعين و بيعمل لها حساسية فيصعب لبس العدسة ، او ان عمر العدسة الأفتراضى انتهى ، او ان حضرتك تجاوزت عدد ساعات اللبس اليومية فالعين مجهدة
لو سمحتى ذكر نوع العدسات و اشتريتيها امتى
و تحياتى
موضوع العين الحمراء ده متألف فيه كتب
اشهر احتمالات هى ان فيه عدوى ميكروبية اوان فيه حساسية
لابد من الكشف فى اسرع وقت ممكن
و لو تحب راسلنى على الخاص لتحديد موعد للفحص المجانى لو كنت قريب من المهندسين ليلا او جامعة القاهرة نهارا
معلش انا طلبت على الخاص لأن لسه الأدارة ماردتش علينا فى موضوع ذكر العناوين و المواعيد مسموح ولا لأ
و تحياتى
طبعا لما تقلع النظارة مش بتشوف حلو ، اى نعم المقاس صغير لكن موجود ، و لا بد من تصحيحه بالنظارة او العدسات
بالنسبة للعدسات برجاء ذكر النوع و تاريخ بداية استعمال هذا الزوج و كيفية معرفة وجه العدسة من ظهرها و نوع المحلول المستخدم و هل تستعمل محلول ملحى لشطف العدسة ام لا لتحديد نوع المشكلة
و تحياتى
ميرسي يادكتور على ردك عليا
انا حاليا ميش فاكرة نوعها بالضبط
انا اشتريتها من " مستشفى مغربي" من شهر واحد
وساعتها قلت لهم انا عايزة احسن نوع
بس انا عندي شوية اسئلة
- لو بيتكون عليها رواسب بروتينة انظفها ازاي؟
- لو نوع المحلول بيسبب لعيوني حساسية ممكن تقولي على محلول مايسببش حساسية مع العلم باني بستعمل
opti free؟
-ماهو عدد الساعات المفترض فيها لبس العدسات يومياً؟
وانا اسفة لو كنت طولت عليك....
طيب العدسات ملونة و لا شفافة
لو المشكلة دى من الأول ممكن يكون فيه مشكلة فى نوع المحلول (و هنا Optifree) لو دى اول مرة يستعمل فيها و هنا ننصح بتغييره و لكن لو كنا بنستعمله على طول و برغم كده العدسة بتعمل مشاكل من اول مرة فممكن يكون فيها مشكلة او فيه مشكلة فى طريقة اللبس ، و بالنسبة للوش من الظهر فده لازم ناخد بالنا منه و الا العدسة تبقى مؤلمة ، و الطريقة سهلة ، العدسة شكلها زى سلطانية الشوربة (شكل حرف C)، فلو حطيتها على الأصبع السبابة و ضغطت عليها برفق بين السبابة و الأبهام هنلاقى الحروف (edges) بتقرب من بعضها و لكن لو مقلوبة فهى عايزة ترجع لعدلتها و مش قادرة فنلاقى الحروف تبعد عن بعضها و بطن العدسة بتلزق فى بعضها ، و على فكرة ، معظم المحاليل فيها رسم توضيحى للجكاية دى
مادام مابتستعمليش محلول ملح فخلاص ، كده صح ، المهم نبعد عنه لأن مشاكله رهيبة
فى انتظار الرد على نوع العدسات شفافة ولا ملونة
و تحياتى
للأسف مافيش حاجة كدة اسمها احسن نوع (احسن نوع فى اليومية ولا السنوية ولا الأستبدالية و لا الملونة و لا لعلاج الأستيجماتيزم ولا ولا ولا ...) ، المفروض انا احدد متطلباتى فى العدسة و على ضوء كده نحدد الأنواع المناسبة ، للأسف كده انت بتقولى لهم : "انا ماعرفش حاجة فى العدسات ، خدوا راحتكم"
دى بقى المشكلة الكبيرة ، المفروض ان فيه اقراص مزيلة للبروتين بتستعمل فى الأوقات دى (بتكون العدسة لمعانها مطفى و زى اللى خشنة و عليها زى فيلم مش شفاف قوى ، و ممكن نقط بيضاء خفيفة) ، و المشكلة ان وكلاء الأدوية فى مصر بطلو يستوردوها ، ليه ؟؟ اصلهم اكتشفوا ان المحاليل فيها مزيل للبروتين و بالتالى مافيش داعى نجيب الأقراص (و لكن تخيلوا الشركات الهبل اللى بيعملوا المحاليل دى لسه عاملين خطوط انتاج للأقراص المزيلة للبروتين و مش واخدين بالهم من المعلومة الخطيرة اللى اكتشفناها ان الأقراص مالهاش لازمة و ان المحاليل كفاية ، اصلهم جهلة مابيفهموش ، احنا العباقرة فقط) .. عموما لو تعرفى تجيبيها من بره يبقى خير و الا عليه العوض فى العدساتاقتباس:
- لو بيتكون عليها رواسب بروتينة انظفها ازاي؟
اقتباس:
- لو نوع المحلول بيسبب لعيوني حساسية ممكن تقولي على محلول مايسببش حساسية مع العلم باني بستعمل
opti free؟
Optifree من الأنواع الممتازة ، الفكرة ان كل عين و ممكن ترتاح لنوع و ترفض نوع تانى ، الحل الوحيد للمعرفة هو التجربة و الخطأ (ممكن نقلع العدسات و بعد العين ما تهدأ تماما نضع نقطة من المحلول فى العين (زى القطرة) و نشوف ، لو حدث احمرار شديد و دموع غزيرة و عدم راحة يبقى فيه حساسية من المحلول و الا فلا ، عموما اللى بيرتاح على Optifree بيتعب من Renu و العكس صحيح و فيه انواع تانية فى السوق ، المهم نبعد عن اللى سمعتها وحشة (زجاجة كبيرة جدا و بثمن بخس جدا و بلاش اقول الأسم ) ، و على فكرة ، مش لازم نغير كذا نوع محلول على العدسة و الا عينك تتعب ، نستعنل نوع و لما يخلص يا اما اكرره او اغيره انما مش النهاردة نوع و بكرة التانى و بعده ارجع للأول و هكذا
حسب النوعاقتباس:
-ماهو عدد الساعات المفترض فيها لبس العدسات يومياً؟
مثلا الملونة 3-4 ساعات يوميا معقول جدا (بسبب جونا الجميل و هوانا البديع) ، 6-7 ساعات اقصى حد يومى لها
برجاء ذكر العدسات ملونة ام شفافة و هل كانت فى زجاجة زى حقن المضادات الحيوية ولا عبوة بلاستيك صغيرة عليها غلاف فويل ؟
مع تحياتى