مساء الخير يا باشا
انا ليا استفسار ايه هوا اقل قياس للنظر يسمح باستخدام العدسات
وانا عندي اجسماتيزم في عيني بس معرفش كام بالظبط
فهل دة يؤثر عليا لو لبست لينسز
عرض للطباعة
مساء الخير يا باشا
انا ليا استفسار ايه هوا اقل قياس للنظر يسمح باستخدام العدسات
وانا عندي اجسماتيزم في عيني بس معرفش كام بالظبط
فهل دة يؤثر عليا لو لبست لينسز
ممكن لبس العدسات من اول -0.25 او +0.25
و لكن وجود استيجماتيزم يغير الموضوع ، لأن حسب درجته اما تلبس عدسة عادية ، او نوع مخصوص يصلح الأستيجماتيزم ، او يمنع لبس العدسات تماما ، و طبعا كل حالة من دول و تفرق فى تأثيرها على العين
حاول تكتب لى مقاسات النظارة علشان نحدد تأثير الأستيجماتيزم ايه
و تحياتى
ميرسي يادكتور على المعلومات الهايلة دي
هو كده يبقى ميش رواسب بروتينية....
هي فعلا ساعات كتير عيوني بتحمر
فكده يكون عيوني حساسة من المحلول؟
ولو في نوع مايسببش الحساسية وموجود بره ممكن تقولي على اسمه؟
هي العدسات ملونة سنوية -0.75 في كل عين
وكانت في عبوة بلاستيك صغيرة عليها غلاف فويل
انا اسفة لو طولت عليك وتعبتك معايا
هل الجديدة نفس نوع الأولى ؟؟
لو نوع تانى فيه احتمال ان درجة تحدب العدسة تكون مش مناسبة للعين و دى مكتوبة على العدسة تحت اختصار BC يعنى Base Curve و هنا يستحسن نرجع لنفس النوع الأول و نحفظ ال BC بتاعته كام لأن دى تبقى المناسبة للعين
أما لو كان نفس النوع فغالبا يبقى الزوج ده فيه مشكلة و ينصح بتغييره و نشوف هل المشكلة هاتتكرر ولا لأ
و تحياتى
Ah ha
هنا وضحت الرؤية
آسف انى ابلغ حضرتك ان فيه حتة خداع فى الموضوع
مافيش فى العالم عدسة سنوية بتوضع فى غلاف بلاستيك عليه غطاء فويل ، دى كده عدسة استبدالية و عمرها مابين شهر الى 6 شهور على اقصى تقدير
و بما انها ملونة يبقى عمرها 6 شهور لو بتلبسيها 3-4 ساعات يوميا ، و 3 شهور لو 6-7 ساعات يوميا ، و شهر او اقل لو عدد ساعات الأستعمال اليومية فوق 7 ساعات مع ملاحظة ان كده غلط على العين و عادة هايحصل التهاب فى العين مع احمرار و دموع و زغللة و يمكن شكة او الأحساس بوجود جسم غريب
العدسات السنوية بتكون فى زجاجة صغيرة زى زجاجات المضادات الحيوية الحقن و الملونة السنوية ثمنها عادة فوق 1000 جنيه
ارجو اكون وضحت الموقف
و تحياتى
ازيك يا دكتور شريف وربنا يبارك مجهودك
من كلمك عن العدسات ان انسب عدد ساعات هو 7 او اقل
طيب لو انا لبس نضارة وعايز اغير لعدسات بس انا غالبا وقت الشغل بس من سعت ما بخرج من البيت لغاية مابرجع 12 ساعة ولو خرجت 16 ساعة غير جو شغلى فى مكان مفتوح مش مكتب مكيف لو فرضنا ان مقاس النظر مناسب للتغير والبس عدسات ياترى باقى الظروف مناسبة من حيث الجو و عدد ساعات البس
ومتشكررررررر جد جد مجهودتكم
شكرا جزيلا يا دكتور ربنا يطمنك
بخصوص قصر النظر اللي عندي انا حاسس ان كبير اوي مش عارف ليه
ممكن على بعد متر ونص او مترين وممكن متر مش بشوف نهائي ومبعرفش احدد الشئ اللي ادامي
طبعا مع لبس النضاره في فرق كبير
شكرا لحضرتك مره تانيه
لأ لأ لأ كده حصل لبس و سوء فهم ، كلامى فى التوقيتات دى كان على العدسات الملونة الأستبدالية
اما لو عايز تلبس عدسات لفترة طويلة يوميا فموجود انواع تقعد حتى 12 ساعة يوميا و انواع اخرى حتى 18 ساعة يوميا (يعنى تصحى تلبسها و تقلعها قبل النوم) و كل ده بيحكمه الأحتياجات اليومية و مقاس العين و طبيعة العمل (مثلا ما ينفعش عدسات لواحد فى مصنع الحديد و الصلب قدام الفرن العالى او مهندس مبانى وسط الرمل و الجير و الأسمنت ... الخ)
لو ممكن تكتب لى مقاساتك و طبيعة العمل و نحاول نحدد سوا النوع المناسب لك
و تحياتى
لو على المقاسات اللى كتبتها قبل كده فده قصر نظر بسيط
و شئ طبيعى انك تحس بزغللة من غير النظارة (ايا كانت درجة الزغللة و خصوصا ان مافيش نسبة بين المقاس و الزغللة يعنى ممكن اتنين واحد -2.00 و واحد -9.00 و الأتنين مزغليين على بعد 50سم)
المهم بالنظارة بتجيب لحد فين ، و طالما 6/6 يعنى 100% يبقى مافيش قلق او مشاكل
و تحياتى