انا النهارده كنت بحط بنزين فى محطه على اول طريق السويس القاهرة محطه شل و بعد ما فولت بنزين دخل عليا عامل المحطه و قالى مبروك كسبت شنطه فيها هدايا للعربيه فوطه و 2 معطر و ملمع تابلوه يعنى المهم قلت اما اشوف ركنت و جالى واحد ببدله و اتكلم معيا و قال انه من شركه اسمها سوق العمار للاستثمار العقارى و عامله زى سيمينار لعدد 20 اسره بكره و انا منهم عن القارات اللى بيسوقولها و هخش سحب على عربيه بس فى المستقبل و ان بكرة فى سيمينار لو حضرته هخش سحب على لابتوب او اكسشوار او ميكرو ويف او ما شاء الله ذهب و هختار قطعه انتيكه من عندهم من غير سحب و ورانى صور الانتيكات المهم قالى بس لازم تدفع 50 جنيه لضمان انك تيجى و هتاخدها من الريسيبشن اول ما تيجى انا من اول ما اتكلمت معاه و مستنى يقولى هات فلوس بس فضلت معاه و قلت بكل ذوق معلش بس حضرتك عارف ان النصب كتير و كده و انا بعد اذنك هنزل لمسئول المحطه و هسئله قالى ماشى مفيش مشكله و نزلت كلمت راجل مسئول و قالى ايوة انا رحت الشركه و هما فعلا ناس محترمه و زى الفل و بعدين ورانى بطاقته علشان حاسس انى مش مصدقه و المهم قلت فى الآخر اروح و خلاص و دفعت له الفلوس و مليت استماره باسمى و ادانى كتيب صغير عن الشركه و نشاطتها و الجوائز و صورها و بصراحه المشكله كلها مش فى ال 50 جنيه قد ما انى هاجى من سفر و يطلع الموضوع نصب علشان كده كنت قلقان من كلامه و خايف يكون نصب
فيا ريت يا اخوانى لو حد اتعرضله موقف مشابه و راح يقول على اللى حص او لو واحد صاحبه او لو سمع اى حاجه عن الموضوع يفيدنى
و شكرا