بعد توكيل تويوتا وربنا يعينك واي خدمه انا موجود
ونتشرف بمعرفتك انت راجل محترم والله بجد
عرض للطباعة
لو المقارنة من ناحية الفئة
حنلاقى إن السيريون فئة أعلى من فئة البيكانتو و الـ I10 يبقى طبعا سعر السيريون حلو على أساس إنها أعلى بحوالى 5 الاف فقط عن البيكانتو الفول أوبشن مانيوال و بنفس سعر البيكانتو الفول أوبشن أتوماتيك
لكن لو المقارنة حتبقى بسعة السى سى و السلندر
فى هذه الحالة البيكانتو تتفوق عليها لإن البيكانتو 1100 سى سى 4 سلندر فول أوبشن اتوماتيك 70 الف
فول أوبشن مانيوال 65 الف
يعنى من الاخر إللى حيقارن على أساس إن السيريون نزل منها 1300 سى سى و 1500 سى سى و سعرها بيوصل لأكتر من 90 الف حتبقى بالنسبة له صفقة رابحة لإنه شارى سيارة بتتباع بنفس الشكل بأكتر من 90 الف بـ 70 الف فقط
لكن إللى بيقارن فقط من ناحية السى سى و السلندر حتبقى غير رابحة لإنه بسعرها دا يقدر يجيب بيكانتو فول أوبشن بتزيد إنها اتوماتيك و سى سى أعلى و سلندر أعلى و ضمان أكتر (5 سنوات أو 100 الف كم)
كل واحد بقى يحسبا بالطريقة إللى تريحه
يا جماعة اللي بيقول بيكانتو فول اوبشن العربية ده بجد فاضية
مفيهاش الاتي:
-ايرباجز
-مرايات كهرباء
-زجاج خلفي كهرباء
-لمبة الشنطة
-ضبط ارتفاع الحزام
-مساحة خلفية
-مرايات في الشماسة
-طي الكنبة ومساند الراس الخلفية
عايز حد يقولي فين بقي fulloption
وكل ده موجوده في السيريون بفرق سعر مش كبير
ولا اية؟؟؟؟؟؟؟؟؟؟؟؟؟؟
لو فعلا البيكانتو الفول اوبشنز مفيهاش الكلام دا وموجود في السريون .. تبقي السريون افضل ...
ياريت ابوعبدالله يقدم خدمة جليلة للمنتدي عن طريق مقارنة شاملة بين البيكانتو الكاملة والسيريون...عشان يبقي الكلام واضح لاي حد يفكر يشتريها.
ولو اللوجان في الليلة مش غلط برضة.....
والله معاك حق في نقطة يا استاذ وائل ..
بعد الهم الي واحد بيشوفوا علشان يعمل اسبط المشاوير او علشان
يتحرك اصلا من شارع بيته ( اه من عباس العقاد ! )
الاوتوماتيك مبقاش ميزة او رفاهية ! ده بقى " STANDARD "زي التكييف كدة !
انا والله اول مرة في حياتي اروح اعمل فرشة طبية لرجلي من كتر استخدام الدبرياج !
العربية تقريبا نسيت ان في غيرا تالت و رابع و خامس !
كله اول و تاني بس !
الكومبيوتر الرحلات كاتب متوسط السرعة بتاعي في 15000 كم الي فاتت الي 90% منهم جوى البلد !
21 كم في الساعة!
lol
طب ممكن اعرف ياجماعة اخبار العربية دي ايه في المطبات؟
يعني ارتفاعها عن الأرض ممكن يخليها تحك في المطبات كتير ويضر بالعفشة؟
لاني طريقي في الحقيقة في كمية مطبات مختلفة الإرتفاع والأشكال لا بأس بها فعايزة اطمن من الناحية دي برده :w6266d
لو العربيه نفس ارتفاع ال1300 منها تبي كويسه ارتفاعها معقول مش واطيه ولا عاليه اوي بس كويسه اوي في المطبات