يا جماعة العربية صافقة رابحة بس الى يفهم
عرض للطباعة
يا جماعة العربية صافقة رابحة بس الى يفهم
يا جماعة لسة لحد دلوقتى محدش اشترى سيريون وان ؟؟؟
عشان يقولنا ايه النظام و اخبار العربية ايه معاه؟
مع ان احد اعضاء المنتدى كان بيقول انه ال 100 عربية اللى جايين خلصوا خلاص؟؟؟؟؟:36_1_37[1]:
او حتى لو حد يعرف حد جابها .... يسألوا و يقولنا ... و يجعله عامر :S_thum1[1]:
وبعدين عايز رأيكو فى معادلة قريتها و هيا بتقول انه قوة اداءو توفير العربية فى البنزين بيبان من حاصل قسمة سعة السى سى بتاع الموتور على عدد الاحصنة و كل ما الرقم يكون قريب من 10 بيبقى معناه ان العربية اداء قوى و توفير فى البنزين... و ده فى حالة السيريون وان : 1000/ 68 = 14.7 يعنى انها قوية و موفرة
ايه رأيكم فى المعادلة دى ؟؟؟؟؟:36_1_37[1]:
لسة ناوى على الرحيل ..... تفتكر مالوش بديل
اعمل ايه فى الوحدة .... و انت مش هنا:N_no[1]:
تهيألي العربية دي بتخاطب اصحاب ميزانية ال70الف و بالرغم من كده قطع غيارها و صيانتها مكلفين و مش زي الفيرنا و الانوس اللي في نفس الرينج و ارخص في النقطتين دول مقارنة بالسريون
بالاضافة الى:
السعة اللترية المنخفضة 1000سي سي
الشكل الغير مستساغ للأغلبية
عربية ميني مش سيدان
و بتفكرني بالابيزا 2003 في زمانها و لكن ما ساعد على الانتشار المعقول للإبيزا هو الشكل الخارجي المميز و الجذاب على عكس السريون
عموما السوق المصري كبير و ارمي فيه اي حاجة هتتباع زي الحلاوة
بصو يا جماعه نتكلم بالعقل
كده كده احنا بينضحك علينا هنا في مصر وفي جمييييييييييييييييييييييي يييييييع العربيات بلا استثناء ومكسبهم في العربيه الواحده بيوصل اعتقد ل 10000 وممكن يزيد
بالاضافه الي انهم بيشيلو كماليات كتيييييير جدا موجوده بره
ما علينا يبقي مدام هينضحك عليه يبقي ينضحك عليه في حاجه تستحق:120146b
يبقي دلوقتي لما اجي الاقي السيريون 1000 سي سي فول اوبشن مانوال ب 70000 شامله 2 ايرباج وحزام شد مسبق يعني كمان فيها امان وياباني 100% وشكره وعرربيه ليها سمعه واسم جامدين بره قبل مصر اعتقد ده مش كتيير لو هنقارن بالبيكانتو الي تقريبا كامله مانوال ب 65000 و1100 سي سي
وطبعا مفيش فيها ايرباج ولا باج حتي من غير اير:N_no[1]: وكوري واصغر من السيريون يبقي اعتقد الفرق بتاع ال5000 ده مش كتير علي ياباني و2 اير باج ومساحه اكبر وشكل اكثر انسيابيه (مش قصدي من ناحيه الجمال لان الشكل ده ازوارق ) ومحدش بقه لو سمحت يجي يقولي اصل دي 1100 ودي 1000 و3 سلندر لان حضرتك عارف ان انت مش شاري بورش كايين مثلا انت شاري عربيه اقتصاديه وعربيه مدينه يعني بفرض 100 سي سي مش هما اللي هيخلوك تطلع من الفيراري بتاعت صاحبك وبعدين مش عربيات شد وجري دي عربيه تريحك من التاكسي والاتوبيش والمترو
طبعا محدش برده يجي يقولي طيب مانا اجيب فيرنا ولا لانوس
لان دي فئه ودي فئه ودي عربيه ليها محبيها وهما مقدرينها وعجباهم ودي برده ليها معجبنها:B4_556:
ملحوظة في غاية الأهمية يا معاذ .
نقطة نسبة الانضغاط دي مهمه جداً فعلاً يا معاذ، كدة ناس كتير جداً هتفكر الف مرة
انها تجيب عربية وتستخدم معاها بنزين بـ2.75 قرش للتر الواحد.
كدة انا شايف ان المنافسة هتصب لصالح السيارات الكوري بالنسبة في الفئة دي.
والمعجب بالسيريون يجيب الـ1300 افضل لان الفرق يتدفع في البنزين في خلال فترة قصيرة جداً.
كتير قوي 70 الف الصراحه علي عربيه دي
طب يا جماعة انا فى الصعيد و معندناش بنزين 95 و بيتهيألى كمان بنزين 92 مش فى كل حتة. يعنى كل اللى عندنا (فى قنا) بنزين 90 و كمان 80 بس قليل شوية. و انا السيريون كانت عجبانى بس كنت مستغلى 80 الف (توتو على كبوتو::10D5C8~1107:) فى عربية هاتش باك و خصوصا انه استعمالى خفيف و تقريبا بحسس على العربية و بصراحة فرحت لما نزلت سيريون 1000 و قولت اهى كده تمام لغاية ما سمعت موضوع الانضغاط و بنزين 95 و الواحد بطنه وجعته و اضايقت و الحمد لله على كل حال يعنى كده خلاص مفيش امل غير فى السيريون 1300 مانيوال على العموم انا كده كده لابد فى الدرة و مش هاشترى غير بعد شهر 7 او 8 ان شاء الله.
و برضه خليها تصدى و موديلها يعدى ...
لو لم اكن مصريا .... كان يبقى موووز باللبن