هل البيجو فى انهيار

**the-hero** · 20-01-2009 10:24 AM

ونفس الموضوع بينطبق على بي ام واودى وتيوتا ولكزس ومستوبيشى ونيسان وكرزيلر كله داون
يعنى مبيعاته وانتشاره بيقل بس منقدرش نشكك فى كفائه النواع ديه
وكمان ياعم فيه ازمه عالميه ده شركت فورد فلست

**Ahmed Selim** · 20-01-2009 10:46 AM

التقارير اللى بتقول عليها دى بتوضح أيه ؟؟
( لينك asiaone )
بيقول أن فى موديلات معينة من رينو و موديلات معينة من بيجو مش عاجبة العملاء برة مصر.....و فى نفس القائمة برضه فى مرسيدس و فيات وفولكس فاجن....هل معنى ده أن كا عربيات رينو وبيجو و مرسيدس و فيات وفولكس فاجن وحشة وأن الشركات دى فى أنهيار ؟؟؟؟؟

بالقطع لأ......

( ملف ال PDF )
ده بصراحة أنا مش فاهم حضرتك بتستشهد بيه على أيه؟؟؟
خاص بالسوق البولندى و سنة 2007.....يعنى ما لهوش لازمة دلوقتى وكمان بيتكلم كذا حاجة منهم رضاء العملاء عن خدمة ما بعد البيع وعن المنتج اللى أشتروه
وبرضه فى نفس التقرير تلاقى شركة زى سانج يونج متفوقة على عمالقة الألمانى مرسيدس و أودى و أوبل.......مش غريبة شوية ؟؟؟

**Sharky** · 20-01-2009 10:57 AM

لو حضرتك بصيت على اللينك بتاعك
حتلاقى برضه شركة زى تويوتا الصانع الأول فى العالم فى المركز السابع يعنى نزلت مركزين عن تقرير السنة إللى قبليها
يعنى كل سنة بتنزل عن السنة إللى قبلها
دى غير مرسيدس إللى أرتفعت عن السنة إللى قبلها و بقت فى المركز الـ 30 !!!

**Ahmed Selim** · 20-01-2009 11:20 AM

المشاركة الأصلية كتبت بواسطة crazylambada

يا جماعة التكنولوجيا الزيادةغبيةاوي
انا لما كنتشغال في مودرن سيرفس توكيل بيجو و هيونداي مركز خدمة معتمد
جت عربية بيجو 307 جديدة لنج موديل 2008
مبتدورش طلع السبب بعد وضع السيارة على الكمبيوتر
ان صاحبتها كانت ماشية عليها و العربية سخنت بس كملت بيها لحد البيت
فالترموستات بتاعها فيه نظام انه بيدي اشارة للكمبيوتر بتاع العربية
بالتحذير و في حالة عدم انصياع قائد السيارة بمجرد توقفه للسيارة
الكمبيوتر بيدي امر بعدم ادارة السيارة ثانيا و يتم الغاء هذا الاورد بوضع السيارة على كمبيوتر المركز
يعني تتشال بالونش
طبعا الاعتمادية للسيارة سيئة جدا
انا عارف انه كده بيحافظ على العربية
بس لو فيه ظروف او حاجة من ديه تعمل ايه
عربيتك سخنت في الطريق ووقفت بيها تهدىها وتبردها
تيجي تدورهامتدورش و تحتاس في الطريق لوحدك
علشان كده محبتهاش و محبتش التكنولوجيا ديه اللي تمنعني من التواصل مع محرك السيارة بنفسي للطوارئ فقط
انا مبقولش البيجو وحشة
بس المبالغة فيالشيئ ممكن يقلب للضد
وطبعا احسن مركز خدمة للبيجو هو مودرن سيرفس بلا منازع
و انصح بيه للجميع

يعنى حضرتك شايف أن لما مؤشر الحرارة يعلى عن الطبيعى ويخش فى الأحمر والسواق مش واخد باله يبقى أنهى حل الأحسن ؟؟
1- العربية تعمل اللى عملته ده
2- العربية تكمل مشاوير عادى لحد ما الموتور يبوظ

أذا كان السواق أصلاً مخدش باله أن الحرارة عليت ( وعادة هتلاقيها مصحوبة بتنبيه صوتى فى صورة صفارة ).....كل ده واللى سايق مش واخد باله.......يبقى أنهى حل الأحسن ؟

**mecho** · 20-01-2009 12:19 PM

انا مش عارف حضراتكم بيقنعو نفسكم ازاى بكفائة المويلات الحديثة من بيجو
1- انا مش مطلوب منى اعد اصلح العربية بنفسى بدل التوكيل
2- مش مطلوب ان العربية تقف فلى الصحراء و لمل تبرد حتة مترداش تدور علشان لما سخنت اخر مرة الترموستات فصل
3-مش مطلوب ان ال 406 تقف فى اى حتة فى الدنيا و تدى جير بوكس فايل و لازم يشلها ونش بفلوس اد كدة و الادهى ان التوكيل غالبا ميصلحش العيب او بيعمل عمرة فتيس ب 14000
4- مش مطلوب منى ان سعر العربية فى اقل من 6 سنوات ينزل سعرها من 230 الف الى 80 الف زى 406 موديل 2003
5-ال Pdf بتاع 2007 مناسب للسيارات حتى 2007 و اعتقد ان معظم الاعضاء من هذة الفئة اما لباقى الروابط فاعتقد اننا بالنسبة للبيجو لا نتحدث عن المركز السابع او الثامن و لكن عن المراكز الاخيرة

**Ahmed Selim** · 20-01-2009 12:59 PM

المشاركة الأصلية كتبت بواسطة crazylambada

كده كده بيبقى فيه تحذير عالي مرئي و مسموع
بس افرض لو انتا في طوارئ
العربية مبطلتش من نفسها
يعني لما بتسخن و يحذره و يرفض يكون مبطل لوحده
لأ
دا يستنى لحد ما تبطل الموتور و بعد كده خلاص انسى لازم ونش و على التوكيل
حكاية انه الاحسن ده
يرجع حيب تقديرك للموقف
فاهم قصدي
و الموضوع في الاول و الاخر اراء
بس عربيتي لازم اكون متحكم فيها مية في المية مش العكس تبقى هي المتحكمة فيا
بعيد عنك داء فيا
دا حتى انا عكس الكل بحب المانيوال و بعشقه و بكره حاجة اسمها اتوماتيك مش بطيقه
و كمان مبحبش العربية الناعمة اوي زي الميجان لما سقتها كنت حاسس بالملل
احلى حاجة في سواقتك بالعربية انك تبقى حاسس بكل حتة فيعربيتك وواصلها
زي عربيات السباق بالظبط

باشا أحب بس أبشرك أن فى خلال سنوات هيبقى اللى أنت مش بتحبه هو اللى موجود فى السوق ومفيش غيره.................التكنولوجيا

المشاركة الأصلية كتبت بواسطة mecho

انا مش عارف حضراتكم بيقنعو نفسكم ازاى بكفائة المويلات الحديثة من بيجو
1- انا مش مطلوب منى اعد اصلح العربية بنفسى بدل التوكيل
2- مش مطلوب ان العربية تقف فلى الصحراء و لمل تبرد حتة مترداش تدور علشان لما سخنت اخر مرة الترموستات فصل
3-مش مطلوب ان ال 406 تقف فى اى حتة فى الدنيا و تدى جير بوكس فايل و لازم يشلها ونش بفلوس اد كدة و الادهى ان التوكيل غالبا ميصلحش العيب او بيعمل عمرة فتيس ب 14000
4- مش مطلوب منى ان سعر العربية فى اقل من 6 سنوات ينزل سعرها من 230 الف الى 80 الف زى 406 موديل 2003
5-ال Pdf بتاع 2007 مناسب للسيارات حتى 2007 و اعتقد ان معظم الاعضاء من هذة الفئة اما لباقى الروابط فاعتقد اننا بالنسبة للبيجو لا نتحدث عن المركز السابع او الثامن و لكن عن المراكز الاخيرة

هو أحنا مش بنقنع نفسنا لسه......أحنا already مقتنعين......ودى حرية شخصية
لكن بالنسبة لحضرتك مش مطلوب منك تعمل حاجة أنت مش مقتنع بيها......مش عاجبك البيجو.....بلاها بيجو....مش حابب فرنساوى بلاها فرنساوى
أحنا بس كنا بنحاول نتناقش فى مدى أهمية تقرير معمول عن السوق البولندى من سنة......أيه اللى يفيدنا فيه؟
يعنى قصدى أنت ممكن تلاقى مثلاً تقرير تانى زيه بتاع دولة تانية ( ولنفترض سنغافورة ) ممكن تلاقي فيه أن بيجو أحسن واحدة فورد أقل واحدة........ينفع ساعتها نقول أن فورد وقعت ؟؟؟

20-01-2009 02:42 PM

الأيدولوجية الرجعية المناهضة للتكنولوجيا الحديثة. !
وده فكر كانت بتتبناه جماعة بوذية خلال آواخر القرن ال 19
وكانوا بيعتقدوا ان التكنولوجيا هى العدو رقم واحد للجنس البشرى !!
وكلما تطورت تلك الآفه المسماه بالتكنولوجيا كان هذا دليل على إقتراب فناء الأرض والجنس البشرى ! D:

ياجماعة زمن الكربراتيرات والدوارة بواسطة المنافيلله خلاص إندثر!
مش عارف ليه عشاق الأبلاتين والكوندنسر مش واخدين بالهم إننا فى عام 2009 !!

-

-

-

الموضوع: هل البيجو فى انهيار

LinkBack

أدوات الموضوع

عرض

-

-

-

-

المواضيع المتشابهه

البورصة .......... انهيار و لا تصحيح؟

استفتاء بخصوص وحوش البيجو مش مالكين البيجو

ساعدونى ف اتخاذ قرار اشترى البيجو 205 دى ولا لا؟(معنديش خبرة ف البيجو )

انهيار اسعار الفابيا

الكلمات الدلالية لهذا الموضوع

المفضلات

المفضلات

ضوابط المشاركة