هل البيجو فى انهيار

**ahmed_khalil** · 21-01-2009 03:37 PM

انا رحت عند احمد عماره من فتره و مالاقيتش اى معاناه خاااالص تانى حاجه معاناه من ناحيه ايه؟؟؟؟ عربيه فى عيوب صناعه ولا مخبوطه ولا صيانه ولا ايه؟؟؟

**mecho** · 21-01-2009 08:37 PM

انا اقصد التوكيل الرئيسى و مظاهر المعاناة موجودة فى اول رسالة فى هذا الموضوع

**mecho** · 22-01-2009 05:54 PM

بالمناسبة هى بيجو مشارطة فى فورملا 1 السنة دى

**mecho** · 22-01-2009 06:21 PM

http://my207.wordpress.com/

**ahmed_khalil** · 22-01-2009 08:30 PM

هقول لحضرتك حاجه صغيره بس....مفيش عربيه مافيهاش مشاكل بس ينفع العربيه اللى بتقول عليها سيئه 207 تاخد افضل سياره 2008 على مستوى اوروبا !!!!!!!!!!!!!! الناس ديه مش بتشترى و خلاص

**Sharky** · 22-01-2009 11:56 PM

هو أيه المشكلة إنه يكون فيه رأيين مخالفين

فيه رأى معارض و شايف إن بيجو إعتماديتها ضعيفة
و فيه رأى تانى شابف إن إعتماديتها بالنسبة لتكنولوجيتها العالية كويسة

يبقى إيه المشكلة إن الإتنين يحترموا أراء بعض

**ahmed_khalil** · 23-01-2009 12:03 AM

شاركى انا قررت نبيع ال405 و حضرتك تبيع الميجان و ننهى موضوع الفرنساوى و بالمره الالمانى عشان توكيل فولكس و نريح نفسنا و نركب تك تك

**ahmed_khalil** · 23-01-2009 12:21 AM

انا بهزر و الله لا حد يفتكر حاجه تانيه يا جماعه كل واحد ليه رأيه و فى الاخر بيجو و رينو و كله هايتباع

**amr mokhtar** · 23-01-2009 12:29 AM

انا قريت الردود كلها و كنت عايز أقول حاجة

التوكيل مش سىء بالصورة دى إحنا بنتعامل معاهم من سنة 2001 لحد النهاردة كل حاجة فى العربية بنعملها فى التوكيل

بصراحة إحنا مشفناش منهم حاجة وحشة غير حاجات بسيطة
1-يعنى أحيانآ بيبقى ضغط الشغل كتير و العربية بتتأخر شوية
2-أحيانآ قطع غيار مش بتبقى موجودة فى الإسكندرية و بيبعتوا يجيبوها من القاهرة
3-و المصنعية المرتفعة نسبيآ و دى فى كل التوكيلات حتى العربيات الكورى و الماليزى و كله
العربية الوحيدة اللى مصاريف صيانتها رخيصة فعلآ هى الإسبرنزا

دى الحاجات اللى انا لاحظتها مع العلم انى دلخت توكيلات تانية زى منصور و أبو الفتوح و توكيل فيات السابق

بالنسبة للبيجو كعربية
الحمد لله و ربنا يديمها نعمة العربية اللى معانا زى الفل
كل الحكاية صيانة فى التوكيل و إهتمام بيها و قطع الغيار الأصلية
أعتقد ان اى عربية هتهتم بيها و بقطع الغيار الأصلية مش هتشتكى منك بإذن الله
و بعدين انا لما بروح التوكيل بلاقى عربيات زى اللى معانا حالتها زى الزفت بس لما بعرف اللى معمول فيها من لعب و شغل ميكانيكية بعرف هى حالتها ليه كده
لكن ده مش دليل إن البيجو سىء و مش إعتمادى

اما بالنسبة للتكنولوجيا الذائدة
فهى حاجة فى معظم الوقت جيدة جدآ و فعالة لكن بتحتاج معاملة واعية من قائد السيارة
و بخصوص ال307 قهى يمكن يكون فيها بعض اللخبطة او الأمور المعقدة زيادة عن اللزوم لكن من الواضح ان تم تلافى هذه العيوب فى الموديلات اللى بعديها زى 207 و 308 و ده شىء بيحصل فى كل الشركات

بخصوص التوكيل انا بتكلم عن الفرعين بتوع الإسكندرية

**amr mokhtar** · 23-01-2009 12:30 AM

حاجة كده على جنب
يا رييييييييييييت أصحاب ال307 يكتبوا اى حاجة عن العربية
اى تقرير نفهم بس هل فعلآ في مشكلة فى العربية دى و لا لأ؟

الموضوع: هل البيجو فى انهيار

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

المواضيع المتشابهه

البورصة .......... انهيار و لا تصحيح؟

استفتاء بخصوص وحوش البيجو مش مالكين البيجو

ساعدونى ف اتخاذ قرار اشترى البيجو 205 دى ولا لا؟(معنديش خبرة ف البيجو )

انهيار اسعار الفابيا

الكلمات الدلالية لهذا الموضوع

المفضلات

المفضلات

ضوابط المشاركة