الموضوع: عام سعيد مع الفيرنا

قبل عام كامل تقريبا من الآن قمت بشراء عزيزتي الفيرنا بعد اشاعة تكهين السيارات القديمة الملاكي
فقمت ببيع حبيبة بابا المازدا ال 323 ذات ال26 ربيعا ووضعها كمقدمة لشراء فيرنا مستعملة من معرض مباشرة بعيدا عن شبهات البنوك
الفيرنا موديل 2004 1600 cc كاملة مانيوال
السيارة كان فيها بعض العيوب نتيجة سوء الاستخدام ولا اعلم لماذا غضضت الطرف عن ذلك ,
المهم الفيرنا بشكل عام سيارة جيدة جدا وعملية ال حد بعيد و في رأيي الشخصي هي من افضل ما يمكن شراؤه في هذه الفئة استهلاك جيد جدا للبنزين ,سحب,قطع غيار رخيصة,عفشة جيدة , سهولة اصلاحها
نرجع تاني لموضوعنا
العربية كانت عاملة 67000 كم بالتمام و الكمال وانا كملت عليهم حوالي 15000 فوصلنا الحمد لله ل 82000 كم تقريبا
ما تم تغييره نتيجة سوء الاستخدام
1- فانوس يمين امامي ( صيني ب 110 - تركي ب 170 - اصلي ب 650 ) طبعا خير الامور الوسط قمت بشراء التركي
2- علبة ريداتير
3- اريال ب 35 جنيه :k49:
4- قربة مياه مساحات ب 75 جنية
ما تم تغييره نتيجة الاستهلاك الطبيعي
1- 4 فرد كاوتش ب 1000 جنيه
2- سير كاتينة وبلي بحوالي 250 جنيه
3- بلي عجل امامي ب 170 جنيه ( الجوز) طبعا مش اصلي
4- طقم سيور وسرفيس
5- شربون المارش ب 35 جنيه
طبعا المستهلكات كثيرة نوعا ما ده لسببين 1- من معرض 2- صاحبها واضح انه جربان وعارف انه هيبيع فقرر انه مش هيصرف مليم
ما تم اصلاحه
1- كاسيت
2- دورة تكييف
3- خرطوم زيت الباور
اتمنى الافادة و على استعداد لاجابة اي سؤال

المشاركة الأصلية كتبت بواسطة ehabradwan

والله يا باشا دي كانت احسن حاجة :)
عامة الحمد لله باردو المصاريف مجاتش مرة واحدة فمحستش بيها اوي

الحمدلله علي كل شئ
واهم حاجة انك مرتاح فيها وده المهم