الموضوع: سؤال بخصوص استهلاك بنزين الفيرنا

ايه التنفيض دا يا جماعه
محدش معبرني ليه كده

العربيه كاداء و كاستهلاك بنزين هتتتسحن تدريجيا الي ان تصل للكفائه التامه علي 10 الاف كيلو دي معلومه اعرفها و حبيت اقولهاك يمكن تفيدك

الزميل العزيز أمتلك فيرنا فيفا منذ شهرين فقط ومتوسطاستهلاك البنزين ممتاز جدا على الطرق السريعة حيث أذهب للسويس اسبوعيا بمسافة 150 كيلو متر باستهلاك 8 لتر ولكن فى الطرق الداخلية لا أستطيع الحكم عليها حاليا لإننى منذ اشتريتها ع الزيرو لم أنزل وسط البلد سوى مرة واحدة لعودتى متأخرا حيث أعتاد ركوب المترو وترك السيارة عند ذهابى لعملى بالتلفزيون توفيرا للجهد ومشقة القيادة من كورنيش النيل بالمعادى حتى ماسبيرو كما لم يشتكى أى من زملائى الذين سبقونى بشرائها لذلك أقترح عيلك الذهاب الى التوكيل فورا حيث أن الصفيحة عندى تستهلك أكثر من 350 كيلو ويجب عليك عدم الانتظار لعل ما يحدث عيب تصنيع ويحتاج لتدخل فورى

شكرا علي الردود بس برضو محدش جاوبني علي الحاجات التانيه بعد تبطيل العربيه بسمع اصوات خبط غريبه في الكبوت هي مش عاليه ومش قلقاني بس انا عايز اعرف هي بتاع ايه؟؟
عند ملامسه الاجزاء المعدنيه للسياره فس بعض الاحيان بتكهرب ! هل دا فعلا من استخدام الموبايل كتير داخل العربيه ؟

معلهش يا مودى نسيت أقولك إن موضوع السيارة بتكهرب عند ملامستها ممكن يكون مشكلة عندك انت علشان حتى لو فية ماس أو غيرة بوصلات السيارة مش ممكن تكهرب لإنها مش هتزيد عن 10 فولت زى لكن ممكن يكون جسمك فية شحنات كهربية زيادة وفى الحالة دى راجع طبيب أما استخدام المحمول داخل السيارة لا يسبب أى شحنات كهربية للسيارة حيث أن التردد الخاص بالمحمول مع موجات الراديو ويضاف لهما الموجات الكهرومغناطسية بالبيئة المحيطة ( فى حال المناطق الداخلية ) تؤثر على الانسان وليس العكس بل وتسبب فى إصابتة بجانب الشحنات الكهربية ببعض أنواع الصداع المختلفة والتوتر المؤقت ( راجع بعض المواقع الطبية الارشادية من خلال محرك البحث جوجل )

شكرا للردود وربنا يسترها معانا جميعا