أرقام أجزاء القطع الأصلية البرامج الخاصة بمجموعة فولكس

**umoussa** · 20-01-2009 11:29 PM

عربية حضرتك بولو كام وحروف الموتور أيه وانا ابعتلك كل أرقام الأجزاء

بس للنصيحة، لو فتحت الفتيس وصلحته لا حيتصلح ولا عمره حيرجع احسن وكمان حضرتك علشان تغير بليه على الكرونة جوة الفتيس يبقى لازم تغير طقم البلي كله ودي حاجة حتخشلها في 3000 أو 4000 جنيه، نصيحة إنزل الحرفيين واسأل على مجدي البيومي وشوف الفتيس عنده بكام ولو عجبك غيره على طول، في في المنطقة عنده ميكانيكي شاطر هو حيوديك عنده

أما لو كان كلامك على بلية الدبرياج فدي احسن حاجة تسبها لما تيجي تغير طقم الدبرياج علشان تتطبع مع الديسك الجديد.

ورقم بلية الدبرياج الأصلية في الصورة - رقم 1

**M.Gamaledeen** · 21-01-2009 09:28 AM

يا باشمهندس اسامة
عندي صوت "كركرة" في الموتور أول ما بادور العربية ولما أجري بيها أسمع الصوت ده عالي
كأن في حاجة فبر مش مربوطة

**umoussa** · 21-01-2009 10:15 AM

صوت الكركرة وانت مدي العربية نقلة ولا والعربية ماشية.

في الطوالي لو صوت الكركرة حاسس بيها تحت رجليك ورا الدواسات يبقى دي غالباً كبالن داخلية ودي بتحس بيها على كل النقلات وبذات اول لما تيجي تزود بنزين

بص انا مش حخبي عليك، كفيش في السوق كبالن أصلي غير في الشركة وتمن الفردة الواحدة 1900 جنيه من غير ضريبة أنا عارف انها صدمة بس اي حاجة تانية حتجبها غير الأصلي لو إلي بيعهالك حلفلك ميت يمين انها حتعيش متصدقش اخرها معاك سنة وحتبوظ تاني وحيرجع الصوت.

اكشف على العربية عند واحد بيفهم خليه ينزل تحت العربية ويمسك أكسين الكبالين ويحركهم لو فيهم بوش يبقى جهز المصاري يا سيدي.

وإبقى قولي وانا اديلك رقم الكبلن الأصلي بتاع فولكس، انا لسه جايب جوز الواحد بـ 225 يورو

**M.Gamaledeen** · 21-01-2009 12:16 PM

صوت الكركرة دة يا باشمهندس باسمعة والعربية واقفة في مكانها
الصوت جاي من الموتور نفسه

**mohamed_hamdi** · 21-01-2009 04:19 PM

ياريت يا باشمهندس أسامة تحدد اذا كان عندك قطع غيار فولكس الأصلية و لا لأ أو عندك مركز صيانة للفولكس علشان نستفيد من خبراتك في السيارة.
م / محمد حمدي

**umoussa** · 21-01-2009 10:12 PM

المشاركة الأصلية كتبت بواسطة mohamed_hamdi

ياريت يا باشمهندس أسامة تحدد اذا كان عندك قطع غيار فولكس الأصلية و لا لأ أو عندك مركز صيانة للفولكس علشان نستفيد من خبراتك في السيارة.
م / محمد حمدي

يافندم المركز موجود وقطع الغيار الأصلية للضمان هاتها من أشرف الشهابي لأن التوكيل فيه قطع غيار مضروبة ودا عن يقين لأن واحد من أصدقائي بيجيب بضاعة من الصين وهما بياخدوا منه وبذات صدور الجيتا والفوجات ومفتاح النور

**umoussa** · 21-01-2009 10:14 PM

المشاركة الأصلية كتبت بواسطة M.Gamaledeen

صوت الكركرة دة يا باشمهندس باسمعة والعربية واقفة في مكانها
الصوت جاي من الموتور نفسه

شوف يافندم، لمس رجلك لمسة خفيفة على دواسة الدبرياج وشوف الصوت ده حيختفي ولا لأ

دي أول حاجة، لو مختفاش يبقى عايز أسألك سؤال، انت مشيت بالعربية والزيت ناقص أو حطيط فيه زيت معدني مش تخليقي؟ ولو حطيط فيها زيت معدني كان نوعه أيه ومشيت بيه اد ايه

**original** · 22-01-2009 06:45 AM

عربية حضرتك بولو كام وحروف الموتور أيه وانا ابعتلك كل أرقام الأجزاء

بولو 98 1000 سى سى والموتور Aer
المشكلة بلية داخل الفتيس!!
ياريت مقاس أويل سيل زيت الفتيس بتاع العصاية عشان غيرته من سنه وجاب زيت تانى
يا ريت تفاصيل الفتيس بأرقامها

**umoussa** · 22-01-2009 03:18 PM

حاضر يافندم

**umoussa** · 22-01-2009 03:26 PM

حروف فتيسك أيه يافندم علشان في اكتر من فتيس بيركبوا على الموتور ده

شوف الصورة دي:

الموضوع: أرقام أجزاء القطع الأصلية البرامج الخاصة بمجموعة فولكس

LinkBack

أدوات الموضوع

عرض

-

-

-

-

-

-

-

-

المواضيع المتشابهه

علاقة البرادعي بمجموعة الأزمات الدولية وهل تم أحتجازه بالفعل أول أيام الثورة

ترتيبك كام في تغيير القطع الخاصة بالفتيس.

التغير القطع الجديدة بكورلا mmt وفترةالضمان القطع

طريقة دمج الشهاده مع البرامج

الكلمات الدلالية لهذا الموضوع

المفضلات

المفضلات

ضوابط المشاركة