الموضوع: أرخص كابل كمبيوتر للفولكس

طيب لو انا عايز الكابل ده اجيبو منيين

بس مش كل الحاجات دية هتشتغل معاك عشان العربيات بتجيلنا هنا فاضية.

أولاً الكابلات دي مضروبة وصيني وجزء كبير منها مبيشتغلش والجزء إلي بيشتغل ملوش تحديثات

الشركة الأصلية المسؤولة عن تصنيع الكابل المعتمد من فولكس هي Ross Tech وموقعها هو

www.ross-tech.com

طبعا الكابل غالي ودا نتيجة انه عليه ضمان وتحديث مدى الحياة وفي أنواع كتير منه، المهم أصلاً البروتوكول بتاع عربيتك أيه، ISO ولا K-line ولا CAN ولا CAN-2

كل حاجة وليها حاجتها، لازم تبقى عارف الأول أيه الي انته عايزه، ملحوظة كمان، في بروتوكولات متعرفش تخش على أنواع معينة من العربيات ودا نتيجة ان الي بيشتري معندوش المعلومة الكافية

دي صورة الكابل الأصلي بتاعي



لو انت حابب بس تشتري هو ثمنه 350 دولار + 70 دولار شحن + حوالي 300 جنيه جمرك وبيوصلك خلال 4-5 أيام شغل. ممكن تشتري بالفيزا طبعاً

بس أنا عايز أقولك حاجة مهمة، من غير متعرف معنى الـ Faults ايه يبقى الكابل ملوش لازمة لأنك ببساطة ممكن يكون عندك Fault متعرفش معناه أيه أو جي منين على الرغم من أنه صحيح. حديلك مثال، في مرة كنت نازل الصبح بعد ما سرعة العربية وصلت 20 لمبة الـ ABS نورت المهم قولت أكيد في حساس من الحساسات عايز تنضيف، خلصت مشواري وبعدين كشفت على العربية لاقيت الـ Fault بيقول أن مضخة الـ ABS باظت، بما أني في المجال جبت ABS تاني وركبته وطلعت اجرب العربية عند 20 كم اللمبة نورت تاني، اكيد طبعاً كدا في مشكلة علشان الـ ABS بيرضى أصلا يتكود على العربية، المهم مطولش عليك فتحت ضفيرة الكهرباء واكتشفت العيب فين وطلع أبسط ما يمكن ورجعت الـ ABS بتاع العربية تاني.

إلي اقصده انك تعرف تتصرف لأن الـ Faults مش بالضرورة تبين العيب فين وخاصة أن المحركات الجديدة كلها إلكترونيات وشغل الميكانيكا فيها قليل جداً

دا إلى جانب وجود بعض الناس إلي وخدين الدنيا بالدراع وعملين نفسهم فاهمين ودول بيعملوا أكبر مشاكل ومعروفين بالاسم