فيه حد عاوز يعالج أسباب انخفاض السيارة النوبيرا مع زيادة التحميل

**msobhy** · 20-01-2009 11:18 AM

المشاركة الأصلية كتبت بواسطة samirayad

الى أصدقائى الأعزاء بمنتدى الدايو ......اللى عاوز من حضراتكم يعالج أسباب انخفاض بدن السيارة النوبيرا ....وبالذات فى حالة روكوب أفراد معة فى الكنبة الخلفية وكذلك مع وضع أحمال كثيرة بالشنطة ......حيث لاحظت بأن مالك السيارة يعانى كثيرا من المطبات الجميلة بتاعتنا ......علشان أنا لى تجربة جيدة مع هذا الموضوع وبالذات للموديلات اللى بعد2004 علشان أنا لاحظت بأن الموديلات بعد سنة الصنع المنوة عنها......اليايات الخلفية لها سيئة للغاية....وقد قمت بعلاج ذلك منذ أكثر من عام ونصف والأمور على مايرام والحمد لله...(هذا من فضل ربى)

الحمد لله انك عرفت تعملها ويا رب تكون شغاله معاك كويس
بس اوعى تقول لحد انت عملتها ازاى - انت عارف العين فلقت الحجر

**abzoabzo** · 20-01-2009 01:58 PM

المشاركة الأصلية كتبت بواسطة MMamdouh

عشان كدة عربيتك عالية من ورا... انا برضة قلت فيه حاجة مش طبيعية فى عربيتك

MMamdouh

بس مع المساعدين المونرو الحمد لله مفيش مشاكل

**samirayad** · 20-01-2009 03:39 PM

المشاركة الأصلية كتبت بواسطة msobhy

الحمد لله انك عرفت تعملها ويا رب تكون شغاله معاك كويس
بس اوعى تقول لحد انت عملتها ازاى - انت عارف العين فلقت الحجر

عامة يا أخى ....سيبها على الله.....وأحب أقول لحضرتك أنا دايما بتوكل على الله.....وأقو بتحصين أحوالى دائما بقراءة المعوذتين وآية الكرسى..................وعاوز أقول لأبو يوسف وجميع الأخوة ....أنا عمرى ماأبخل على أخوتى الكرام بالمنتدى الشائق دة بأى شىء........دا أنا بفرح لما أفكر مع أى واحد فى مشكلتة وساعات بروح منتديات أخرى مثل منتدى الأوبل وخلافة للمشاركة أو الاستفادة..............نرجع بقة لموضوعنا بتاع النوبيرا وحكايتى معاها......أنا أول ما أشتريت العربية كنت زهقان منها خالص......لية.....بسبب اليايات الخلفية ودة كان فى أول أسبوع أشتريتها وكنت حاسس انى انضحك عليا بسبب أننى حينما كنت أركب أولادى الصغار بالسيارة.....ألاقى الشاسية من الخلف عمل زاوية انقلاب مخيفة ....ناهيكم بقة لو وضعت أحمال بالشنطة........روحت أبو رواش وقابلت الباشا هناك........ولا عندهم فكرة عن البطيخ ......وكل اللى أسمعة (العربية مافيهاش حاجة ودة وضع طبيعى )......ونظرا لأننى بطبيعتى مقاتل شرس....وفى نفس اليوم.....روحت لبتوع قطع الغيار عندى فى الأسماعيلية ووفقنى الله ولاقيت بتوع الانوس2 الأمامين نفس أبعاد الخلفيين بتوع النوبيرا ولكن أقوى من النوبيرا بكثير......فقمت بشراءهم على الفور وركبتهم.......وقعدت على كدة حوالى أربع شهور والعربية انظبتت وبقت الأحوال معقولة وبدأت أحب العربية.......ولكننى تطلعت الى المزيد من الكفاءة.......روحت جايب قطعتين كاوتش (بثلاث زنب والسمك حوالى3سم)....وتم التركيب والأمور مية مية.....على فكرة أنا عامل حساب مشوار المساعدين وحاسب كويس زاوية اقلاب البدن للأمام (يادوب انقلاب بسيط لايذكر).....دلوقتى بقه الحمد لله....بأدخل على أى مطب بدون أى خوف من الاحتكاك..........والفضل لله

**Shiref_mohamed** · 20-01-2009 03:48 PM

يعني حضرتك مركب بدل السوست الخلفية بتاعت النوبيرا سوست لانوس اماميه

**samirayad** · 20-01-2009 03:51 PM

المشاركة الأصلية كتبت بواسطة Shiref_mohamed

يعني حضرتك مركب بدل السوست الخلفية بتاعت النوبيرا سوست لانوس اماميه

تمام ياباشا.................

**abzoabzo** · 20-01-2009 04:09 PM

ولكننى تطلعت الى المزيد من الكفاءة.......روحت جايب قطعتين كاوتش (بثلاث زنب والسمك حوالى3سم)....وتم التركيب والأمور مية مية.....

القطعتين دول هيفورلك المساعدين بسرعة مش هيعيشوا كتير

**samirayad** · 20-01-2009 04:13 PM

المشاركة الأصلية كتبت بواسطة abzoabzo

ولكننى تطلعت الى المزيد من الكفاءة.......روحت جايب قطعتين كاوتش (بثلاث زنب والسمك حوالى3سم)....وتم التركيب والأمور مية مية.....

القطعتين دول هيفورلك المساعدين بسرعة مش هيعيشوا كتير

ما أنا وضحتلك ....أن أنا عامل حساب مشوار المساعدين.....وزاوية انقلاب البدن......وعامل الشغل دة قبل كدة فى عربية أوبل كانت معايا......ياعنى ماتقلقش.....وعلى فكرة الموضوع دة بقالوا سنة ونصف....أصل انت ماتعرفش المطبات عندنا فى طنطا عاملة ازاى لما بكون نازل لزيارة الأهل...........

**mando_07** · 20-01-2009 06:03 PM

المشاركة الأصلية كتبت بواسطة abzoabzo

ولكننى تطلعت الى المزيد من الكفاءة.......روحت جايب قطعتين كاوتش (بثلاث زنب والسمك حوالى3سم)....وتم التركيب والأمور مية مية.....

القطعتين دول هيفورلك المساعدين بسرعة مش هيعيشوا كتير

+11111
أنا عملت كدا في عربيتي عشان المطبات.. هي اه مبقتش تحك في المطبات بس بقت تقرف ومبقتش stable ذي الاول وباء شكلها من ورا وحش وتاني أسبوع احتست عشان أرجع المواضيع لاصلها تاني والميكانيكي قالي كويس أنك جتلي علطول لحسن الحكاية دي كانت هتبوز المساعد وللاسف عيب المرسيدس أنك مينفعش تلعب فيه خالص

**moudy88** · 20-01-2009 06:19 PM

يابشمهندس سمير ..حضرتك اخر واحد في المنتدى يبخل عننا بالمعلومات ودائما بتشارك في حل المشاكل بارائك الناتجه عن فهم ودراسه...... ممكن تقولي السوست بكام و هو حضرتك غيرت السوست والعربيه لسه زيرو؟