قبل ما تشترى قولى وانا اقولك السعر

**mohamed_mohsen** · 21-01-2009 06:47 PM

المشاركة الأصلية كتبت بواسطة fadi2010

طيب انا عايز اجيب لمض زينوم عالى وواطى بس تكون جامدة جدا جدا جدا وعايزها تلجى ممكن تقلى بكام

اسمه زينون مش زينوم
ما تاخذنيش

**eliano_6699** · 22-01-2009 11:11 PM

السلام عليكم ورحمة الله

بالنسبة للبسائل على شبورة الانسر البومى ...
سعر البيع جملة ب250
اما لو هتشترى قطاعى وحدة يعنى للعربية بتعتك ممكن يبداء من 270 لو حبيبك وهيخدمك وفى ناس بتبيعو 320 فانتا وشطرتك..

اما الاخ الى بيسائل على الزينون انتا عايز نوعه ايه صينى تيوانى والقدرة بتعتو كام (k ) ..
لكن من باب العلم بشيئ بالنسبة للى موجود فى السوق كلــــــــــــــه صينى حتا الHID
يبقى مكتوب علية م المانى لاكن المكنة والمبات كلها صينى

بنسبة لسعره ..
1- spy وده توكيل الدولية وهوا بتاع غريب وليه الوان كتير بس صراحتا انا مجربتهوش
2-HID والى هوا الصينى طبعا بتراوح جملة من 450 الى 600 على حسب ال K بتاعه ..ومعاه سنة طمان
3- فى انواع تنية كتير صينى برده بتبداء من 350 وانتا طالع..

اما بالنسبة للالوان على فكرة كله سعر واحد بس التاجر الى بتشترى منه اهو يقولك ده لون كذا يبقى هيذيد كذا...
لاكن كلة فى الول والاخر سعر واحد

**mohamed_mohsen** · 23-01-2009 12:22 AM

طب انا عايز اسأل علي الشبوره للفيرنا بكام؟

**ZAKI32** · 23-01-2009 01:34 AM

شكرا يا اليانو باشا موضوعك اتمنى ان يكون عند حسن الاعضاء لافادتهم فى الاسعار .
لان كتير مننا بيتخم فى الاسعار
وننتظر منك الكثير

**Sherif Khalifa** · 23-01-2009 05:48 PM

زينون 6000 K
نوع جيد
لمبات H1
واطى

بكام؟

**midnightman_74** · 23-01-2009 08:26 PM

ممكن اسعار وانواع سنسور الباركنج اللى فى السوق؟؟
وايهما افضل

**speed4speed** · 23-01-2009 08:40 PM

انت نجدتنى بالموضوع دا
هو كام سؤال لتقيم التكلفه
جنوط مومو 17 ؟؟
و مساعدين و سوسات كونى ( المانيوال )؟؟
سبويلر ميزان ( الامونيوم ) ؟؟ و هل لو ركبت حجمه صغير مش حتتسحب الرخص ؟؟

**hanystar** · 23-01-2009 10:12 PM

المشاركة الأصلية كتبت بواسطة midnightman_74

ممكن اسعار وانواع سنسور الباركنج اللى فى السوق؟؟
وايهما افضل

أنا كمان كنت عاوز أعرف أحسن نوع باركنج سنسور ممكن الواحد يركبه
أنا عارف إن كل اللى فى السوق صينى
بس أى نوع أفضل تنصحنا بيه ؟؟
وشكرا ,,,

**eliano_6699** · 24-01-2009 01:08 AM

السلام عليكم ورحمة الله
اذيكو يا شباب
نبدا الاول بسؤال محمد بالنسبة لفوانيس الشبورة بتاعت الفيرنا
فوانيس الفيرنا الشبورة تبدا من 220 او اكتر بس انا كنت جبتها من فترة كبيرة ومعرفش سعرها كام دلوقتى . واقولك ليه بالنسبة ليا انا بعمل عندى فوانيش شبورة للفيرنا تحفة بجد ورخيصة موت الكلام الى بقولو ده مش دعايا ولا اعلان على شانى اولا انا بعيد عن القاهرة ولاسكندرية تماما ..والموضوع اخوية

واقولك تعملهم اذاى فى حاجة اسمها فنوس عين بقرة (هو اسم غريب بس مدققش)
الفانوس جملة 7 ج قول هتجيب 2 يبقى 14ج اوك
ثانيا بتجيب لمات شبورة الى شبه الزينزن كورى جملتها ب 32 يبقى انتا كدة عملت 46 ج واطلع على كهرباى وقولو ركب لو قلك مينفعش قلو هينفع وملكش دعوة انتا
فالعملية كلها مهتكملش 70ج كتيرو بالتركيب بكلو ويبقى انتا وفرت كتتتتتتتتتتتتير ودى خدمة منى ليك ولو فى اى استفسارات يا محمد قولى وحنا مع بعض..

**eliano_6699** · 24-01-2009 01:29 AM

ثانيا السوال بتاع الاخ speed 4speed
جنوط مومو 17
و مساعدين و سوسات كونى
سبويلر ميزان ( الامونيوم )
خلينى صريح رحم الله امراء عرف قدر نفسة الشغل ده انا اعرفو كدة لا كن معنديش فكرة باسعارة بس علشان خطرك انا هسالك علية لكن بنسبة للجنوط مومو 17 انتا ممكن تنزل عربكم فى مدينة نصر وتسئلة وتشوف الاشكال الى عندو علشان كل جنط وليه سعره بس انا كنت اخر مرة عندو يعنى بيتروح سعر الجنط17 مومو من 1700 وانتا طالع وطبعا من غير الكوتش (بس نصيحة عربكم يعنى هو عنده حاجات تحفة اه بس غالى *مش شوية غالى خاااااااااااااااااااااااا الص) .....
وبنسبة لموضوع الرخصة تتسحب ولا لقة معرفش ..
احسن المرور بستهبل شوية وبعدين لسة منزل انهارة خبر فى الاهرام بيقولك السير فى الطريق المعاكس فيه 3 سنين سجن شوف انتا بقى يعنى الواحد يخش السجن من هنا يطلع يلاقى القوانين اتغيرت ومسموح بسير فى المخالف بس على الحظ النحس الطبق معانا...
وعموما يا سبيد انا الموضوع بتاعك هشفهولك واكيد هفيدك ..اوك سلام