أريد من حضارتكم مقارنة فعلية عن السيارة frv والأفيو من حيث
1- الثبات
2-الكماليات
3-الموتور
4-العفشة
5-القوة
6-السعر
7-الشكل
7-التقيم العام
عرض للطباعة
أريد من حضارتكم مقارنة فعلية عن السيارة frv والأفيو من حيث
1- الثبات
2-الكماليات
3-الموتور
4-العفشة
5-القوة
6-السعر
7-الشكل
7-التقيم العام
انا محتار بين الاتنين والله
كل دا ومحدش قال راية
* أنا على فكرا زيك بالظبط يا باشا
يا سيدي الفاضل المقارنة غريبة !
ازاي حنقارن بين عربية بقالها ٤ سنين بعربية بقالها ٤ شهور ؟؟
انا بصراحة العربية ما شاء الله داخله معايا في ٤ سنين وماشي بيها فوق الـ ٧٥ آلف
آقدر آقولك آنها غير البنزين و الصيانة الدورية
زيرو مصاريف زيرو اعطال
فحتي لو كانت الصيني احسن علي كل اوجه المقارنة بتاعتك
فالزيروهين دول اهم للمستهلك المصري ويرجحوا كافة الثقة ، لانه تعبان في حياته اساسا مش ناقص عربية تقرفه اكتر
انا معنديش مشاكل مع بريليانس ،اتمني ان كفائتها واعتماديتها تكون زي الافيو
وربنا يوفقنا جميعا في اختيارتنا
يعنى كدا أن الأفيو أفضل من الfrv
ودا كلام جميل
شكرا ليك على المعلومات يا باشا
بس انا قريت ان الافيو الجديده فيها مشاكل
الار بى ام بيعلى و مشكله فى الطمبورة
أنا برضه سمعت زيك ولاحظت إن كل اللي بيشتكوا ,عربياتهم تقفيل محلي
وبعيد عن أي قومية أو عنصرية أو أي مشاعر وطنية
بكل صدق وأمانة وصراحة مع النفس
التقفيل المحلي أسوأ بكثير من تقفيل الخارج حتى ولو كانت بي ام دبليو (عن تجربة)
وأعتقد دي حقيقة لا نستطيع إنكارها
ومش بالضرورة يكون العيب فينا , ربما يكون العيب في إن الشركات العالمية حريصة على تكريس هذا الواقع المر
الله أعلم
علشان كده لما أنت قارنت الFRV اللي هيه تقفيل خارجي فأنا اتوقع إن الأفيو المذكورة هي الكورية علشان العدالة
وبخاصة إن الإتنين مانيوال ونفس الأوبشنز
واللي أنا قلته شهادة حق أمام الله ,ووالله أنا لا علاقة بيني وبين المنصور إطلاقاً ولا لي مصلحة
وبجد بجد إقرأ في المنتدى عن عربيات موتورها أقوى وثباتها أعلى وأوبشنها أكثر ,لكن الناس بعد 2000 كيلو الإزاز الكهرباء باظ , وفي منهم عداد البنزين علق والكهرباء بتقطع ومشاكل عجيبة جداً و عربيات تقفيل الخارج , وفي أخ هنا بعد ما استلم العربية (مش حقول نوعها) لقى الموتور بيسرب زيت !!!!! والأعجب إن التوكيل مغييرش العربية , إنما صلحها, يا سلام !!
بصراحة لو الزمن رجع بيا تاني لسنة 2005 كنت حشتري بـالـ 75 ألف جنية أفيو تاني بدون تردد
بصراحة انا عمرى ما هنصح بالــFRV ....
ايوا عربية شيك و جميلة و ثبات و كماليات و airbags و abs و كل الكلام ده ... بس برضه مهما كان هختار شيفروليه الأفيو قبلها ... لأنها متجربة ... ممكن انصح بيها ( الfrv ) بعد 4 سنين بعد ما الاقي سمعتها بقت زي البروتون مثلا ...( اللى الكل كان حايف منها )
و بالتوفيق :)
ممكن بدون الدخول في قضايا كتير نقول حاجة واحدة بس
سعر اعادة البيع للأفيو اكبر بكتير من سعر البريليانس ايا كان نوعها
نظرا للطلب العالي على الافيو و الثقة اللي واخداها لأنها من روح الدايو لانوس
بجد شكرا ليكم جدا على المعلومات الرائعه دى
وأنا مستغرب من نتيجة الأستقصاء بالأعلى 30 frv مقابل 5 فقط أفيو
اقول لحضرتك حاجة انا كنت محتار زيك كدة بس انا فكرت فى حاجات اولا:الوكيل منصور \البفارية طبعا البفارية تكسب
ثانيا :الثبات لاقيت طبعا ان الfrv احسن مليون مرة لان الكاوتش 195\65\r15 فالجنط كبير
ثالثا :الكماليات كل واحد وحسب طلبة
رابعا: الموتور الافيو 1500سى سى 86حصان وبعدين انا معايا لانوس ومجرب الموتور موتورها بطئ نسبيا مع تشغيل التكيف تحس انه مخنوق
الfrv 1600 101hp
خامسا :العفشة فى الfrv انا ركبتها مع صاحبى لاقيت ثباتها ممتاز مع السرعات العالية وداه لان المساعدين تقيلة وداه بالنسبالى كويس علشان انا يوميا بسافر طريق مصر الاسماعيلية الصحراوى وبعدين كفاية انه سيستم بورش
سادسا : القوة قوة الصاج طبعا الfrv تكسب
سابعا: السعر 80الف frv مش تقريبا حاجة وسبعين
ثامنا: الشكل انا شاب واحب اوى الهيتش باك
وانا الحمد لله جبتها ال frv والعربية ما شاء الله عليها كويسة :S_thum1[1]::S_thum1[1]::S_thum1[1]::S_thum1[1]:
ما شاء الله هى عربية ممتازة
ربنا يباركلك فيها
آمييييييييييييييييييين وكمان السمعيييييييييين
عن تجربة هقول رائى الافيو عندها مشاكل فى الفرامل بأعتراف التوكيل ليا لما قولت ليه العربية بتزحف لما ادوس فرامل قالى هيا كده الافيو والاوبترا بيزحفو فى الفرامل اما بشادة مجربى الfrv ففراملها احسن بكتير
ثانيا الثبات معقول الى حد ما ولكن فى ال frv فا الى جربوها بيتحاكو عن ثباتها
ثالثا ال frv 1600 cc + 101 hp الافيو 1500cc
رابعا ال frv بجد شيك جدا وجميله من جوة وشكلها الخارجى تجفة فنية اما الافيو فتحس ان شكلها صغير
اعادة بيع الافيو فضل بكتيرمن الاfrv وذلك نظرا لانها ماركة معروفة برضه شيفرلية اسك كبير جدا فائعادة بيه اسهل بكتير من frv
وفى النهاية انا اخترت frv ويارب اكون احسنت الاختيار انا حاجزها من 3/11/2008 ومستنى استلامها وعرضو عليا اخلص وجيب افيو بدل الانتظار رفضت لانى بصراحة frv دخلت دماغى لدرجة انى مش عارف اختار اى بديل ليها فى حدود سعرها
السلام عليكم :انا عمى معاه الافيو الكورى وهوة شاب مش كبير اوى بس متزوج وعنده اطفلين صغييرين والعربيه هنا فى مصر وهوة عايش فى الكويت واستعمل العربيه 2وسافر وبعد كده استعملها شهر وفى المرة اللى بعديها غيرها عفشه كامله وبعد استعمال شهرين تانيين غير الطنابير الامامى وتيل الفرامل وانا حاجز frvوان شاء الله حقولكم اخبارها ايه.
على فكرة يا جماعة
اللى معظم الناس متعرفوووووووش انا ال برليانس ال fvr احسن بمراحل من الافيو من حيث النقاط اللى قالها صاحب الموضوع
يعنى
ك قوة البرليانس تكسب
ك ثبات .. مش هتكلم على الافيو (لا تقارن بالبرليانس)
ك فرامل وكماليات وكلو من الاخر البرليانس احسن
بس النقطة
ان فى ناس بتتعقد من الصينى وبتخاف منة
الشعب المصرى عندة عقدة من اى حاجة جديدة
نفس الكلام حصل مع الكورى اول ما نزل
بعد كدة فى ناس مش عرفة تشترى عربية كورى و نفسها فى الكورى دايما كل جديد بيقى الناس متخوف منة و مع الايام بسبت نفسة
و من نحيت مين احسن انا شايف ال frv لان الافيو اصغر و 1500
إن شاء الله
Frv
تكسب على طووووووووول
عندك حق المقارنة لازم تكون فى قسم المقارنات علشان الحيادية
بس ده مش مقصود
انا رأي الfrv احسن في حاجات كتير:ثبات, سحب مع التكيف و بدونة, استهلاك بنزين, التكيف ,شكل العربية من الخارج( من الداخل متساويان) و العفشة الاتنين برضة متساويان
بالنسبة للاستحمال: الافيو نزلت من 4 سنوات و سمعنا عليها اقاويل كتير في ناس بتقول حلوة و في ناس بتشتكي من اعطال كتير فيها علي فكرة الافيو هية اللانوس الجديدة, و اللانوس معروف مشاكلها يعني هية مش زي ياباني ملهاش اعطال تقريبا.
بالنسبة للfrv محدش يقدر يعرف اية اخبار الاستحمال لانها لسة جديدة.
فانا رأي الخاص الي عندة استعداد بالمجازفة حاجة بسيطة علشان يجيب حاجة احسن بنفس السعر يجيب الfrv (انا بقول مجازفة حاجة بسيطة لان المقارنة مش بعربية معروف انها معمرة)
احب أوضح لحضرتك حاجة
انا خطبت يوم الجمعة الى قبل الى فاتت
ومن يوميها وأنا يوميا تقريبا بعمل من 300 الى 400 كم فى الشوارع الزحمة ومش سفر والحمد لله العربية والا كأنى مشيت مسافة طويلة والا حاجة عكس اللانوس الى كانت معايا كنت امشى بيها من 100 الى 150 كم الاقى العربية تقلت وتحس انها مخنوقة مع انها كانت 2005
بس الحمد لله انا شايف ان الfrv هتأكل السوق
لأنها واسعة وشيك وكمان ثباتها ما شاء الله مساعدنى جدا يعنى بدخل ملفات كبيرة على 70كم\س
الف مبروك علي الخطوبة و ربني يتمم بخير:)
موضوع الfrvعلي فكرة انا عندي العربية و رأي انها ممتازة بس موضوع الاعطال الي بتظهر لما العربية بتقدم متبنش دلوقتي بس احساسي انها هتكون بتستحمل, و طبعا كلام حضرتك عن "المشاوير الكتير الي قولت عليها 300 او 400 كم يوميا و العربية بتكون بردة كويسة" كلام مهم و بيدي مؤشر ممتاز عن العربية.
السلام عليكم جميعا في البداية.... هذه اول مشاركة لي وانا من سوريا وحبيت انور حضراتكم بموضوع حساس عن الأفيو....انا كان عندي الأفيو الكوري الجديدة 2007 من اول مانزلت السوق السوري اواخر 2006 السيارة بغض النظر عن تصميمها الجميل والواسع فهي سيارة خفيفة الوزن مقارنة مع ارتفاعها وحجمها وهذا سيئ فوق سرعة 110 وخصوصا اثناء رياح الشتاء على طريق السفر والبلاستيك الداخلي خفيف ولا يتحمل واما مصروفها كـ 1400 سي سي فهي ليست مستهلكة ولكنها ليست اقتصادية بالمعنى الحقيقي للكلمة وقطع غيارها ليست رخيصة وبالمحصلة ياجماعة هي سيارة كوري حتى لو كانت شيفروليه.. وشكرا للطفكم جميعا...:Y_hi_3[1]:
بس ايه عايزين نتعزم فى الفرح
اوعى تنسى يا خالد.......
مبروووووووووووك ان شاء الله
بص يا باشا الثبات من حيث الامان ايرباج frv كماليات مفيش زي الصيني frv موتور 1600frv العفشه محدش اشتكى من الfrv القوه صاج الfrv احسن و اقوى السعر الافيو اوتو ارخص من الfrv مانيوال يعني السعر افيو افضل الشكلfrv الfrv افضل بصفه عامه و توكيل محترم
إن شاء الله ربنا يتمم لك بخيرويرزقك بالخلف الصالح
وبارك الله فيك
بصراحة معنديش فكرة ايه الإختلافات بس ان مشترك فى منتدى اسمه وهم ودلوقتى عضو فضى فبقيت مشرف قسم الكمبيوتر
تاخدهم امتى بيتهيألى ده من مشاركاتك وتفاعلك فى المنتدى
المميزات ممكن نسأل ادارة المنتدى ونعرف المميزات ايه
بالتوفيق دائما........