الموضوع: الركنه

المشاركة الأصلية كتبت بواسطة دينا أبوالعلا

لا طبعا مش زعلانه من رايك حضرتك.مش من حق حد يمنع حد انه يركن قدام بيته او محله و لا حتي قانونيا والا انا كنت منعت الناس يركنو قدام بيتي ولو حضرتك خدت بالك كنت حسيت انه اكلم بطريقه مش لطيفه وروحي اركني عربيتك فمكان تاني وكده .
معلش ممكن اسال حضرتك سؤال لو حضرتك عايز تشتري حاجه ولقيت المحل راكن قدامه عربيه مش هتشتري؟؟؟
طبعا متشكره لراي حضرتك وبحترم رايك جدا بس الطريقه هي اللي بتفرق وهي اللي بتخلي الواحد يتنرفز

لأ طبعا هشتري طالما أنا عايز لكن الكلام ده من وجهه نظرك أنتي وأنا لكن صاحب المحل بيكون له وجهه نظر ثانية ولازم نعترف إن وجهه نظره هو هي الأصح ولو حتي علي الأقل لإنه هو ثابت ومتواجد بإستمرار في المكان وحاجه ثانيه كمان ولو إنها هتنرفزك بس بردو هقولها وخلاص
( إنه مكان أكل عيش )

المشاركة الأصلية كتبت بواسطة OlaOsman

و هو وقوف عربية قدام محل هاتحوش رزق؟ معاذ الله. ده ربنا هو الرزاق.

ونعم بالله يا ريــس
بس صدقني لو كنت أنت صاحب محل وجه حد ركن أمام المحل هتتنرفز جدآآآآآآآآآآآآآآآآآآآآآآآ آآآآآآآآآآآآآآ ومش هتسكت غير لما يمشي ويركن بعيد عن المحل ولو حتي بعيد عنه بمتر واحد بس . لكن المهم أنه مايكونش أمام المحل .

يا استاذ محمد مش عارفه بصراحه منين مش هتقطع رزقه ومنين محدش برده يركن قدامه هو احنا هنوسخ العيش لما نركن اصل الموضوع
حضرتك بنفسك قولت انك هتشتري ومتهيالي اي حد هيشتري ومش هتمنعه عربيه راكنه هتمنعه الا اذا كان راكن جوه المحل يبقي ازاي حقه اذا كان مبداه اصلا غلط ولا هو بالدراع واللي عجبه عجبه
يعني انا لو منعت حضرتك تركن قدام بيتي حتقول حقي ولا ساعتها هتقول هو انتي كنتي اشتريتي الشارع بفلوسك
توضيحا بس انا مش بجادل معاك انا بوضحلك وجه نظري

معلش يا جماعه انا عندي وجه نظر في الموضوع ده وهى ان الشارع ده ملكيه عامه وصاحب المحل مالوش حق انه يقولك ماتركنش

هنا او تركن هنا اما من ناحيه الكلمه الدارجه اللي بتقول ده مكان اكل عيش فا الرزق ده بتاع ربنا ومحدش يقدر يمنعه

ولو ركنت قدامه مليون عربيه مش عربيه واحده ولو كل صاحب محل عمل كده يبقي البلد كلها مش هتلاقي ركنه

وعلى رأي عادل امام لو كل واحد عزل علشان ساكن تحتيه رقاصه البلد كلها هاتبات في الشارع :k48:

المشاركة الأصلية كتبت بواسطة kimo-nubira

[CENTER][SIZE=4][COLOR=blue]

وعلى رأي عادل امام لو كل واحد عزل علشان ساكن تحتيه رقاصه البلد كلها هاتبات في الشارع :k48:

:k48::k48::k48: حلوه بجد دي
يا جماعه انا هعمل حمله فضي في بيتك مكان عشان عربيتك ملهاش مكان
واضح ان اكل العيش هو اللي ماشي اليومين دول وانا مروحه هعدي علي الفرن اجيب بجنيه عيش واكلهم قدام البيت عشان محدش يركن تحت بيتي ما هو حقي بقي ولا ايه
من هنا ورايح محدش يركن حد تحت بيته:k26::k26:

المشاركة الأصلية كتبت بواسطة دينا أبوالعلا

يا استاذ محمد مش عارفه بصراحه منين مش هتقطع رزقه ومنين محدش برده يركن قدامه هو احنا هنوسخ العيش لما نركن اصل الموضوع
حضرتك بنفسك قولت انك هتشتري ومتهيالي اي حد هيشتري ومش هتمنعه عربيه راكنه هتمنعه الا اذا كان راكن جوه المحل يبقي ازاي حقه اذا كان مبداه اصلا غلط ولا هو بالدراع واللي عجبه عجبه
يعني انا لو منعت حضرتك تركن قدام بيتي حتقول حقي ولا ساعتها هتقول هو انتي كنتي اشتريتي الشارع بفلوسك
توضيحا بس انا مش بجادل معاك انا بوضحلك وجه نظري

أمام بيتي لأ طبعآ مش همنعك . إلا لو كان عندي عربية وده المكان اللي أنا بركن فيه ساعتها همنعك لكن لو كنا إحنا الأثنين ساكنين في نفس البيت يبقي لازم نتفق علي أسلوب وطريقه للركن تريحني وتريحك لإن ده هيكون من حقنا إحنا الأثنين لإننا ساكنين في بيت واحد . لكن لو كنتي مش ساكنه في نفس البيت اللي أنا ساكن فيه وأنا عندي عربيه وبركنها هنا فأكيد طبعآ همنعك من الركن .
لكن صدقيني بيت سكني الوضع بيختلف خاااااااااااااااااااااالص غير لما يكون محل تجاري

المشاركة الأصلية كتبت بواسطة adwyy

و الله فعلاً مشكلة حكاية الركن دي
انا ساكن في شارع بيعدي 3 عربيات
طبعاً في عربيات راكنة على الصفين يبقى في مكان لعربية واحدة بس تعدي
المهم راجع اول امبارح باليل الساعة 2 لقيت عربية راكنة مكاني بالظبط و مطلع نصها على الرصيف بتاع عمارتنا
و انا و الله كنت سايق من 7 الصبح لحد 2 باليل مشاوير وزيارات و قرف
و الله حجزت عليه و سبتها في نص الشارع قدام باب العمارة بالظبط قفلت الشارع خالص
مافيش 10 دقايق و لا قيت هصية
عرفت ان في مشكلة
نزلت لاقيت الي راكن مكاني بيقولي انت اشتريت الشارع
قولتله اه اشتريته انهاردة الصبح
قالي طيب عايز اطلع بالعربية قولتله هطلع اجيب المفاتيح و انزل
فضلت لطعه ربع ساعة و نزلته خرجته و ركنت
المشكله الي راكن ده مش ساكن عندنا في الشارع و كمان بيبجح
و للعلم العمارة بتاعتنا و انا بركن على الرصيف بتاعها مش في الشارع
حاجة تنرفز
و الله فعلاً ناس ماعندهاش دم

الحمد لله انه مشي علي طول ومبيتش يومين ولا حاجه
شوفت يا استاذ محمد رصيف بيتهم مش عارف يركن عليه عشانكل واحد عايز يا كل عيش ومفيش شارع مفهموش محل طب الناس دي تركن فين ولا برده مش مشكلته