الموضوع: عندي مشكلة كهرباء في فيات 127 ياريت المساعدة

المشاركة الأصلية كتبت بواسطة thegoodhacker

احيانا لما باجي اركن والعربية تبطل مني وااجي ادورها تاني الاقي العربية مش راضية تدور ( لمبات التابلوه بتنور بس مش باسمع صوت تدوير العربية ) ...... باقفل الكونتاكت و احاول ادور تاني بالاقيها بتدور بسهولة....
مش عارف الصراحة كده يبقي المارش فيه مشكلة ؟ و هل اغيره ولا استني عليه لغاية ما يقطع خالص ؟

المارش كدة بلغة السوق بيعتل........المفروض تكشف على أسنان ترس البندكس وجلب المارش....لا يعملها معاك فى مكان ....قد لايكون فية كهربائى.............

كدة بيعتل فعلا بس بدام مش بيدور تاني يبقي كمان اتوماتيك المارش مش مظبوط و عموما انا لما كان معايا 128 كان تغير المارش بواحد استيراد افضل من تصليحة بس كل ما تلحقة بدري يكون افضل لو مش ناوي على تغيير

فى سلك صغير (كلبس) راكب فى اوتوماتك المارش حاول تحرك الكلبس ده بأيدك لانة دايماً فى 127 السلك ده بيعمل مشكلتك مره يوصل ومره يفصل . ولو لقيت الكلبس مصدى غيره بواحد جديد وان شاء الله تروح المشكله .

الف شكر يا جماعة علي الردود

ذهبت اليوم للميكانيكي علشان كان عندي مشكلة في الفرامل وخليته بالمرة يبصلي علي مشكلة المارش اللي بتحصل معايا دي ..... وهو كان شاكك في مفتاح الكونتاكت انه بيعلق لانه جرب تدوير العربية كذا مرة وكانت بتدور تمام ...... بس الحمدلله قبل ما يفك الكونتاكت قدر يعرف ان مفتاح الكونتاكت ده من النوع اللي فيه حماية من ادارة الكونتاكت مرة تانية والعربية دايرة وان ده هو السبب في الموضوع اللي بيحصل معايا (يعني لما العربية تبطل لازم ارجع الكونتاكت للبداية وبعد كده ادور كونتاكت تاني) .....

المشاركة الأصلية كتبت بواسطة kimo-nubira

بص يا باشا القصه ديه كانت عندي في اسكودا فليشا والعيب اللي عندك ده

من الفبره الكونتاكت خالي الكهربائي يفكها ويبص عليها

اشكرك علي ردك ... بس انا كده بقيت محتار هل كده الوضع سليم ولا فيه مشكلة وللتاكد من وجود مشكلة من عدمه فانا ان شاء الله حاعمل كام تجربة كده مع الموضوع ده حاخلي العربية تبطل و احاول ادورها و اشوف هل الكونتاكت حيدور العربية والمفتاح في وضع ادارة المحرك ولا لا.....
لو نجحت التجربة حتي لو مرة واحدة يبقي فيه مشكلة فعلا ..... لو احتاجت كل مرة لارجاع المفتاح لوضع البداية يبقي كده كلام الميكانيكي ده سليم والوضع كده عادي ......