لخبراء الفيات سينا

**ahmed1_com** · 20-01-2009 10:12 PM

ممكن اعرف هى السينا كربرتير ولا انجكشن وممكن اعرف هى فعلا السينا مفيش ميكانكيا بيشتغلوا فيها وانى تصلحها فى التوكيل بس ياريت لو حد يعرف يقدر بفدنى فى الموضوع ده وياريت حد يرد على

**motoxp** · 21-01-2009 12:05 PM

1400 cc هاف انجكشن
1600cc فول انجكشن

اى ميكانيكى محترف بيشتغل فيها مفيش مشاكل

1400 افضل مفهاش مشاكل كتير
1600 اداء اعلى تكييف افضل مشاكل اكتر

**mezo73** · 21-01-2009 01:24 PM

بص يا سيدي
انا معايا تمبرا
وللي اعرفة كويس ان موتور السيينا هو بالضبط موتور التمبرا
وهو في نوعين مش للموتور ولكن نوعين لطريقة حقن الوقود
الاول ودة في التمبرا فقط وهو الكاربرتير العادي
التاني موجود في السيينا والتمبرا وهواللي موجود عندك ودة مش كاربتير ولا انجكشن
دة عبار عن mix بين الاتنين واسمة مونجوترونيك
ودة عبارة فكرة بدائية للانجكشن وهوكاربرتير برشاش واحد علي المانفول يغزي كل البساتم علي العكس من الانجكشن الموجود دلوقتي
وهو رشاش لكل بستم بطلمبة حقن اليكترونية هي اللي بتحدد الكمية من البنزين والوقت للحقن
المشكلة ان مش ناس كتير بيفهموا فية
المهم ممكن تروح لواحد اسمة مركز الصفا للكاربتير دة في جسر السويس
امام عمارات الفاروقية هو في شارع جانبي بس معروف هناك
اما باقي العربية كلها عادية اي حد يشتغل فيها مش لازم التوكيل وقطع غيارها زي الرز
ارجو اني اكون افادتك
محمد حمزه

**ahmed1_com** · 21-01-2009 03:28 PM

مشكورين يا شباب شكرا على النصيحه اصلى انا بفكر لا اما فى البونتو 2002او السينا 2002 طب متعرفش ممكن اشغل السينا بنزين 80 عادى ولا لا وياريت نصيحتكم ليا يا شباب ومستنيكم